හේලීස් සමූහයට අයත් කිංග්ස්බරි හෝටලයේ නව අධ්‍යක්ෂ මණ්ඩල සාමාජිකාවක ලෙස දෝන සමාරා පෙරේරා මෙනවිය පත් කරගත් බව එම සමාගම පවසයි. ඒ අනුව 2025 ඔක්තෝබර් 01 වැනිදා සිට බලාත්මක වන පරිදි ඇය සමාමේ විධායක නොවන අධ්‍යක්ෂවරියක ලෙස පත් කරගෙන තිබේ. 

ඇය පසුගිය කාලසීමාවේදී හේලීස් පීඑල්සී සහ වැලිබන් වන් පීඑල්සී යන සමාගම්හි ව්‍යාපාරික ව්‍යාපෘති සහ මුලපිරීම් සම්බන්ධයෙන් මැදිහත්ව කටයුතු කළ බවත් එම කටයුතු හරහා ඇය ව්‍යාපාරික අත්දැකීම් ලබා ගෙන ඇති බවත් සමාගම පවසයි. මේ අතර මෙම පත්වීම ලබන අවස්ථාව වනවිටත් ඇය සතුව කිංග්ස්බරි හෝටලයේ කොටස් 6,432‍,292 ක හිමිකාරීත්වයක් පවතින බවත් සඳහන් වෙයි. 

සමාරා පෙරේරා හේලීස් සමූ‍හයෙහි සභාපති ධම්මික පෙරේරා මහතාගේ දියණියකි. මීට පෙර ධම්මික පෙරේරා මහතා පාර්ලිමේන්තු මන්ත්‍රීවරයකු ලෙස දිවුරුම් දුන් අවස්ථාවේදී සිය දියණියක් වන දෝන බ්‍රින්දිනී පෙරේරාද ඔහුට අයත් සමාගම් 10 කම අධ්‍යක්ෂ මණ්ඩල වෙත පත් කෙරිණි.