• අලු‍ත්වැඩියාව සඳහා BOI හරහා දැනටමත් ඩොලර් මිලියන 48.5ක ආයෝජනයක් භානුක අමරසිංහ 

කොළඹ පිහිටි ගලධාරි හෝටලයේ සිදු කරන අලු‍ත්වැඩියා කටයුතු සම්බන්ධයෙන් ආයෝජන මණ්ඩලය සමගින් තවත් පරිපූරක එකඟතාවකට පැමිණි බව ගලධාරි හොටේල්ස් (ලංකා) පීඑල්සී සමාගම පවසයි. 

පසුගිය දෙසැම්බර් 23 වැනිදා මෙම එකඟතාවට පැමිණ තිබේ. ඒ අනුව අදාළ ව්‍යාපෘතිය සඳහා වන කාලය 2025 නොවැම්බර් 10 වැනිදා සිට 2026 නොවැම්බර් 09 දක්වා මාස 12ක කාලයකින් දීර්ඝ කරගැනීමක් සිදු කරගත් බව සමාගම සඳහන් කරයි. 

ගලධාරි හෝටලය 2023 නොවැම්බර් 14 වැනිදා ආයෝජන මණ්ඩලයත් සමගින් පැමිණි එකඟතාවකට අනුව හෝටලයේ අලු‍ත්වැඩියා කටයුතු සඳහා එක්සත් ජනපද ඩොලර් මිලියන 33.5ක ආයෝජනයක් සඳහා පිවිසුණි. පසුව 2025 නොවැම්බර් 07 වැනිදා එම ආයෝජනය ඩොලර් මිලියන 48.5ක් දක්වා ඉහළ දැමීමක්ද සිදු කෙරිණි. අලු‍ත්වැඩියා කිරීම්වලින් පසුව ලබන වසරේ දෙවැනි කාර්තුවේදී හෝටලය සම්පූර්ණයෙන්ම පාරිභෝගිකයන් සඳහා විවෘත කිරීම සැලසුම වී තිබේ.