2024 වසරේ දී සියලු කොටස් මිල දර්ශකය සියයට 49.66 කින් ඉහළ ගොස් ඇති බව සිංගප්පූරුවේ දී පැවැති ශ්‍රී ලංකාවේ ආයෝජන දිරිගැන්වීම සඳහා වූ සමුළුවේ දී හෙළි කෙරිණ. 2025 වසරේ දැනට පවතින වේගවත් වර්ධනය ශ්‍රී ලංකාවේ ආර්ථික ස්ථාවරත්වය සම්බන්ධ සාධකයක් බව ද ප්‍රකාශ වී තිබේ. මේ අතර අපනයන වර්ධනය සලකා බලන දෙවැනි ජනාධිපති සැසිය පසුගිය දා පැවැති අතර එහි දී වසර 2030 වන විට ඇමරිකානු ඩොලර් බිලියන 36 ක අපනයන ආදායම් ඉලක්කයක් ප්‍රකාශ කර ඇත. ජාතික බදු කොමිසම මෙහි දී බදු ප්‍රතිසංස්කරණ වාර්තාවක් එළි දක්වා තිබේ. අපනයන වර්ධනය සඳහා සැලැස්ම අනුව වෙළෙඳපොළ ලැයිස්තුගත සමාගම්වල කොටස් මිල ගණන් සඳහා ඉල්ලුමක් ඇති විය හැකිවේ.
ඊයේ (අගෝ 14) ගනුදෙනුවල දී සියලු කොටස් මිල දර්ශකය ඒකක 19,928.67 ක් දක්වා පහළ වැටිණ. එය කලින් දිනයට සාපේක්ෂව දර්ශක 46.83 ක පිරිහීමකි. එස් ඇන්ඩී පී ශ්‍රී ලංකා දර්ශකය 5,780.58 ක් වශයෙන් විය. පෙර දිනයට සාපේක්ෂව දර්ශක 35.06 ක පහළ යාමක් සේ වාර්තා වේ. පිරිවැටුම රු. බිලියන 7.08 ක් ලෙස සඳහන්ය. වාර්තා වූ ගනුදෙනු ප්‍රමාණය 39,860 කි. හුවමාරු වූ කොටස් ප්‍රමාණය මිලියන 267.45 ක් විය. සමාගම් 150 ක කොටස් මිල ඉහළ ගියේය. කොටස් මිල පහත වැටුණ සමාගම් ගණන 110 කි. 
ඩිජිටල් මොබිලිටි රු. මිලියන 932 ක්, එල්.වී.එල්. එනර්ජි රු. මිලියන 422 ක්, ඊස්ට් වෙස්ට් රු. මිලියන 363 ක්, හැටන් නැෂනල් බැංකුව නිෂ්ඡන්ද රු. මිලියන 262 ක්, ඊස්ට් වෙස්ට් රු. මිලියන 148 ක්, සම්පත් බැංකුව රු. මිලියන 248 ක්, ලංකා වෙන්චර්ස් රු. මිලියන 222 ක්, හැටන් නැෂනල් බැංකුව රු. මිලියන 201 ක්, සමුපකාර රක්ෂණ රු. මිලියන 180 ක්, ඕවර්සිස් රියැලිටි රු. මිලියන 166 ක්, ඇසෝසියේටඞ් මෝටර්ස් රු. මිලියන 135 ක්, සහ හේලීස් රු. මිලියන 131 ක් වශයෙන් පිරිවැටුමට වැඩිම දායකත්වයක් දැක්විය. 
නිරීක්ෂක