ඇමරිකා එක්සත් ජනපදයේ එදිනෙදා භාණ්ඩ හා සේවා සම්බන්ධ පාරිභෝගික විශ්වාසය දහ තුන් වසරකට මෙපිට ඉතිහාසයේ අඩුම අගයකට පත්ව ඇති බව රොයිටර් පුවත් සේවය වාර්තා කරයි. එරට බදු සංශෝධන හේතු කොට ගෙන මෙම තත්වය ඇති වී තිබේ. කෙසේ වෙතත් එරට ප්‍රධාන කොටස් වෙළෙඳ පොළ තුනම පසුගිය දින ගණනාව තිස්සේ වර්ධනයක පවතී. 
ඇමරිකාවේ අලුත් බදු යොජනා සංශෝධනය සම්බන්ධ සාකච්ඡා ඇරඹීම මෙයට හේතු වී ඇති බව දැක්වේ. මේ අතර බොරතෙල් මිල අඩුවෙමින් පවතින අතර පසුගිය දිනවල ඉහළ ගිය රත්රන් මිලගණන් නැවත පහත වැටෙමින් පවතින බව ද ජාත්‍යන්තර වෙළෙඳ පොළ තත්ව නිරීක්ෂණය කරන පසු දැක්වේ. 
මේ අතර (අප්‍රි 30) කොළඹ කොටස් වෙළෙඳ පොළ ගනුදෙනු ආරම්භයේ සිට දර්ශක පිරිහීමක් වාර්තා කළේය. කොටස් විකිණීමට දක්වන ලද ප්‍රවණතාව කැපී පෙනිණ. පසුගිය සති ගණනාව තුළ වෙළෙඳ පොළ උච්ඡාවචනය වූ නමුත් අඩුම තරමින් ඉකුත් මාර්තු 11 වැනිදා වන විට සියලු කොටස් මිල පහත වැටී තිබුණ ඒකක 16,000 කරා හෝ ළඟාවීමට මෙතෙක් අසමත්ව තිබේ. 
සියලු කොටස් මිල දර්ශකය ඒකක 15,799.94 ක් වූ අතර, එය දර්ශක 27.60 ක පසුබැසීමකි. ගනුදෙනු ආම්භයේ දී තවත් වර්ධනය වන ලකුණු තිබුණ නමුත් ආයෝජකයන්ගේ විකිණීම් සඳහා වූ නැඹුරුව ඉදිරියේ අඩු ඉල්ලුමක් ඇති විය. කෙසේ වෙතත් විදේශ මිල දී ගැනීම් පවා සීමා සහිත තත්වයක පැවැතිණ. විකිණීම් ඉහළ ගියේය. විදේශ ගනුදෙනුකරුවන් රු. මිලියන 153.3 ක කොටස් මිල දී ගන්නාවිට විකිණීම් රු. මිලියන 243.9 ගනුදෙනු අවසන් වන විට එස් ඇන්ඩී පී ශ්‍රී ලංකා දර්ශකය 4,643.66 ක් වශයෙන් අවසන් වූ අතර, එය දර්ශක 27.60 ක පිරිහීමක් සේ දැක්විය හැකිය. 
මෙදින ගනුදෙනු 14,133 ක් වාර්තා වූ අතර සමාගම් 99 ක කොටස් මිල ඉහළ ගියේය. කොටස් මිල පහත වැටුණ සමාගම් ගණන 115 කි. දෛනික පිරිවැටුම රු. මිලියන 2,377.60 ක් වශයෙන් විය. 
 මධ්‍ය හා දීර්ඝ කාලීන ආයෝජන වශයෙන් කොටස් මිල දී ගැනීමට පසුබිමක් තිබේ. 

නිරීක්ෂක