(රංජිත් රාජපක්ෂ)  

හැටන් කලාප අධ්‍යාපන කාර්යාලය යටතේ පාලනය වන බගවන්තලාව ධර්මකිර්ති සිංහල මහා විද්‍යාලය ආරම්භ කර වසර 75 ක් සපිරිම නිමිත්තෙන් අද (05) එම විද්‍යාලයේදි පිරිත් සජ්ජායනය සහ මහ සංඝරත්නය විෂයෙහි දානමය පිංකමක් පවත්වනු ලැබුහ.

එම පාසලට වසර 75 ක් සපිරිම නිමිත්තෙන් සහ එම විදුහලේ නිර්මාතෘ බගවන්තලාව විවේකාරාම විහාරස්ථානයේ හිටපු විහාරාධිපති අපවත් වී වදාළ කටුකුරුන්දේ ධර්මකිර්ති නාහිමියන්ට පිං අනුමෝදම් කිරිම සදහා මෙම පිරිත් සජ්ජායනය සහ දානමය පිංකම සිදු කෙරිණි.

එම විදුහලේ විදුහල්පති තිස්ස ජයසුරිය මහතා, ආචාර්ය මණ්ඩලය, දෙමව්පියන් සහ ආදි ශිෂ්‍ය සංගමය විසින් මෙම පිංකම සංවිධානය කර තිබිණි.

මෙම පිංකමට සමගාමිව එම පාසලේ නිර්මාතෘ බගවන්තලාව විවේකාරාම විහාරස්ථානයේ හිටුප විහාරාධිපති අපවත් වි වදාළ කටුකුරුන්දේ ධර්මකිර්ති නාහිමියන්ගේ පිළිරුවක් ස්ථාපනය කෙරිණි.