නිතර දත් මැදීමෙන් හා දත් පිරිසුදුව තබාගැනීමෙන් ආතරයිටිස් රෝගයෙන් වැළැකීමට හැකි යැයි විද්‍යාඥයෝ පවසති. මෙම පර්යේෂණය සිදුකර ඇත්තේ කෙන්ටකිහි ලූවිස්විලේස්හි දන්ත වෛද්‍ය පීඨය විසිනි.

මුඛයෙහි විදුරු මස්වල ඇතිවන රෝගවලට හේතුවන බැක්ටීරියාව හා රක්තවාත ආතරයිටිස් මුල් අවධියත් අතර සම්බන්ධ තාවයක් ඇති බව නවතම පර්යේෂණයකින් හෙළි වී තිබේ.එම බැක්ටීරියාව සිරුරේ ඇති ප්‍රෝටීනවල අවශේෂ සමඟ පි්‍රතිකි්‍රයා කරයි.එහිදි ශරීරය එය සිරුරට ඇතුළුවන විෂබීජයක් යැයි සිතා ශරීරයෙන් ඊට විරුද්ධව ප්‍රතිශක්තියක් නිපදවයි.

ආතරයිටිස් රෝගයට සෑදිමට මුල් වන්නේ කාලයක සිට සන්ධිවල ඇටකටු හා කාටිලේජ ක්ෂය වීමෙනි.

මීට පෙරදි සොයාගෙන තිබුණේ රක්තවාත ආතරයිටිස් රෝගීන් අවම වශයෙන් දෙවරක් හෝ විදුරුමසේ ඇතිවන රෝගී තත්ත්වයන්ට ගොදුරු වී ඇති බවයි.

මුඛයෙහි ඇතිවන බැක්ටීරියා මඟින් මෙලෙස ආතරයිටිස් රෝගී තත්ත්වයට මඟ පාදන බවත් රක්තවාත ආතරයිටිස් රෝගයෙන් ආරක්ෂා වීමට මෙමඟින් නව ප්‍රතිකාර ක්‍රම සොයාගැනීමට හැකි වනු ඇති බවත් පර්යේෂණය කළ වෛද්‍යවරුන්ගේ මතයයි.

මෙම පර්යේෂණයේදි තවදුරටත් අනාවරණය වී ඇත්තේ රක්තවාත ආතරයිටිස් රෝගය වර්ධනයටද මෙම බැක්ටීරියාව ඉවහල් වන බවයි.

(ඩේලිමේල් ඇසුරෙනි)