ලිබියාවේ බෙන්ගාසි නුවර විදේශ කටයුතු අමත්‍යාංශ ගොඩනැගිල්ල අසල පෙරේදා (11) අධි බලැති බෝම්බයක් පුපුරා ගියේය. ප‍්‍රහාරයෙන් කිහිප දෙනකු තුවාල ලැබූ අතර ගොඩනැගිල්ලට හානි සිදුවිය.
ප‍්‍රහාරය එල්ල කරන්න ඇත්තේ, ගඩාෆි පාලනය අවසන් කිරීමෙන් පසු ලිබියාවේ පිහිටුවූ නව රජයට කීකරු නොවන ආයුධ සන්නද්ධ කල්ලියක් යැයි ආරක්ෂක අංශ කියා සිටී.
විදේශ කටයුතු අමත්‍යාංශ ගොඩනැගිල්ල අසල සිදුවුණු එම බෝම්බ ප‍්‍රහාරයෙන් පසු, පුපුරා නොගිය තවත් බෝම්බයක් ඒ අසල තිබී ආරක්ෂක අංශ විසින් සොයා ගනු ලැබ ඇතැයි ද වාර්තා වේ.
ලිබියාවේ දෙවැනි විශාතලම නගරය ලෙස සැලකෙන්නේ  බෙන්ගාසි නුවරය. මීට වසර දෙකකට පෙර, ඇමෙරිකන් තානාපති කාර්යාලයට ප‍්‍රහාරයක් එල්ල වූයේ ද සැප්තැම්බර් 11 වැනිදාය. එම ප‍්‍රහාරයෙන් ලිබියාවේ සිටි ඇමෙරිකන් තානාපති ඇතළු සිව් දෙනෙක් ජීවිතක්ෂයට පත්වූහ.

 

ප‍්‍රහාරයෙන් හානි සිදු වූ ගොඩනැගිල්ල