ලෙබනනයේ ටි‍්‍රපොලි නගරයේ සුන්නි මුස්ලිම්වරුන් හා සුළුතරයක් වන අලවයිට් ජනතාව අතර හටගෙන ඇති ගැටුම්වලින් 23 දෙනකු ජීවිතක්ෂයට පත්ව ඇතැයි විදෙස් මාධ්‍ය වාර්තා සඳහන් කරයි.
අසල්වැසි සිරියාවේ හටගෙන ඇති ගැටුම්වල ප‍්‍රතිඵලයක් ලෙස මෙම අන්තවාදී ගැටුම් උත්සන්න වී ඇති බව විදෙස් විශ්ලේෂකයෝ පවසති.
මෙම ගැටුම්වලින් පුද්ගලයන් 167 දෙනෙක් තුවාල ලැබූහ. සුළුතර ජනතාව ඉලක්ක කරගෙන සිදු වන මේ ගැටුම් පිටුපස සිටින්නේ සිරියා ජනපති බෂීර් අල් අසාද්ගේ රජයට එරෙහිව සටන් වැද සිටින සුන්නි මුස්ලිම්වරුන් බව පැවසේ.
හටගෙන ඇති නොසන්සුන්කාරී තත්ත්වය පාලනය කිරීමට ලෙබනන ආරක්ෂක අංශ පියවර ගෙන ඇති අතර ගැටුම් නිමා කිරීම සඳහා ප‍්‍රදේශීය නායකයන් සාකච්ඡා ආරම්භ කර ඇතැයි ද වාර්තා වේ.
 

ලෙබනනයේ සුන්නි සටන්කාමීන් මියගිය සිය සගයකුගේ දේහය රැගෙන යමින්