උතුරු ඉන්දියාවේ හිමාචල් ප්‍රදේශ්හි ශිම්ලා නගරයේ රිලවකු නිවසකින් ඉන්දියන් රුපියල් 100,000 ක් සොරාගෙන මිනිසුන්ට බෙදා දුන් අපූරු සිද්ධියක් වාර්තාවෙයි.

ශිම්ලා යනු සතුන්ගේ ක්ෂේම භූමියක් වැනි ප්‍රදේශයකි. එහි රිලවුන් බහුලය. පරිසරවේදීන් පවසන්නේ ලක්ෂ තුනක් පමණ සිටින බවයි. ඉන්දියානුවෝ මේ රිලවුන් දේවත්වයෙන් සළකති. ඔවුන්ට ආහාර පාන ද දෙති. කෑම සොයමින් නිවසකට ඇතුළු වූ මැකාකි රිලවකු ආහාරයට කිසිවක් නොලැබූ විට නිවසේ තිබූ මුදල් නෝට්ටු මිටියක් රැගෙන ආවේය. වහළකට නැගුණු රිලවා කෑමට නොහැකි මේ නෝට්ටු එක දෙක බිම දමන්නට විය. මේ දුටු ගැමියෝ පුදුමයට පත්ව ගස අසළ රොක් වෙද්දී රිලවා ගස මතට වී මුදල් නෝට්ටු විසුරුවන්නට විය. මිනිසුන් පොරකමින් මුදල් නෝට්ටු අහුලන ආකාරය බලා සිටි රිලවා නැවත නැවතත් එයම කරන්නට විය. මිනිසුන් වෙතින් තමන්ට ලැබෙමින් තිබෙන අවධානය ගැන පුදුමයට පත්ව සිටි රිලවා උස්ව වැඩුණු පයින් ගසකට නැගුණේය. එහි සිට ද ඔහු කළේ මුදල් නෝට්ටු විසුරුවා හැරිමයි. පැයක පමණ කාලයක් තිස්සේ ගැමියන් ඒ මේ අත දිව යමින් මුදල් නෝට්ටු එකතු කළ බව ද විදෙස් මාධ්‍ය වාර්තා කරයි.

ඉන්දියානු බලධාරින් පවසන්නේ පසුගිය වසර කිහිපයේ දී වඳුරු ගහණය ඉතා සීඝ්‍රෙයන් වැඩි වී ඇති වයි. දැන් වඳුරු මිනිස් ගැටුමක් හටගෙන ඇතැයි ද වඳුරන් මිනිසුන්ට පහර දීම, භෝග විනාශ කිරීම, ළමයින් හපාකෑම ආදී විවිධ අනතුරු සිදුකරයි.

2014 වර්ෂයේ දී මෙවැනි සිදුවීමක් වූ දෙවැනි අවස්ථාව මෙයයි. දැනට මාස කිහිපයකට පෙර කඩයකින් මුදල් නෝට්ටු මිටියක් පැහැරගත් රිලවකු නගරයේ ජනාකීර්ණ ස්ථානයක ගසකට නැග මුදල් නෝට්ටු විසුරුවා හැරියේය.

_76667913_monkeys