අඟහරු මතට ගොඩබැස වසර 2 ක ඇවෑමෙන් තම ගමනාන්තය කරා ළගා වීමට නාසා ආයතනයේ කියුරියෝසිටි රොබෝ රෝවරය පසුගියදා සමත් වූවේය.
කියුරියෝසිටි රොබෝ රෝවරය අඟහරු ග්රහයාගේ ‘‘මවුන්ට් ෂාර්ප්‘‘ නම් කඳුගැටයට ළඟා වී එහි සිට පරීක්ෂණ කටයුතු ආරම්භ කිරීමට සැළැසුම් කර තිබෙන්නකි.
අඟහරු මතට ගොඩබැසි ස්ථානයේ සිට ‘‘මවුන්ට් ෂාර්ප්‘‘ දක්වා වන කිලෝමීටර 9 ක දුර ගෙනීමට රෝවරයට අවුරුදු 2 කට ආසන්න කාලයක් ගතව තිබේ.මෙය පුදුමයට කාරණයක් නොවන්නේ රෝවරයේ උපරිම වේගය තත්පරයට අගල් 1.5 ක් වන නිසාවෙනි.
මවුන්ට් ෂාර්ප් හි පරිසරය අධ්යනය කිරීමෙන් අඟහරු මත ජීවයට සුදුසු පරිසරයක් තිබෙන්නට ඇතැයි පළව ඇති මතය කෙතරම් දුරට තහවුරු කර ගත හැකිදැයි සොයාබැලීම කියුරියෝසිටි රෝවරය අඟහරු මතට යැවීමේ අරමුණයි.
රොබෝ රෝවරයේ ‘‘හිමින් ගමන‘‘ සම්බන්ධයෙන් පසුගිය කාලයේ නොයෙකුත් විවේචන එල්ල වුණු අතර පසුගිය සමයේ එළිදැක්වුණු වාර්තාවකට අනුව අඟහරු මතට යැවුණු රොබෝ රෝවරයන්ගේ කාර්යක්ෂමතාව සැළකූ විට ඒවා අතරින් අන්තිම ස්ථානයේ සිටින්නේ කියුරියෝසිටිය.
වැඩ හිමින් වුවද කියුරියෝසිටි අගහරු මත ජලය පවතින්නට ඇතැයි ස්ථීරව සනාථ කෙරෙන දිය සිඳී ගිය පොකුණක සළකුණු සොයාගැනීමටද සමත් වූවෙකි.
නුදුරේදීම කියුරියොසිටිගේ සැබෑ රාජකාරිය ඇරඹෙන බැවින් එම කාලයේදී කියුරියෝසිටි කෙසේ ක්රියාකරත් දැයි දැකගැනීමට හැකිවනු ඇතැයි නාසා විද්යාඥයෝ පවසති.
ශ්රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්රසිද්ධය. රට තු
ශ්රී ලංකාවේ ප්රමුඛතම මූල්ය සමාගමක් වන සියපත ෆිනෑන්ස් පීඑල්සී සිය දීප ව්යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
රොබෝ රෝවරය රතු ලොවේ කන්දක් ළඟ
චමිල Tuesday, 16 September 2014 07:26 AM
හොද පුවතක්. (අ)
භක්ති Tuesday, 16 September 2014 07:25 AM
හොඳ ලිපියක් බලාපොරොත්තු තබා ගත හැකි වේවි . (අ)
දිනේෂ් Tuesday, 16 September 2014 07:44 AM
සුභ පතනව. තව තවත් මේ දේවල් හොයා ගන්න ලැබේවා කියල. (අ)
ඉසුරන්දි Monday, 15 September 2014 07:59 AM
මේ පරීක්ෂණවල අවසානයක් දකින්න අපි ජීවත්වෙලා ඉන්න වාසනා කරලා තිබුනොත් හොදා(දිල්)
උපුල් Monday, 15 September 2014 10:53 AM
ඉසුරන්දි, නැති නම් ඊලග ආත්මේ බලාගන්න. (නදී)
මාරසින්හ Tuesday, 16 September 2014 11:16 AM
මේක නාසා එකේ තවත් එක පට්ටපල් බොරුවක් විතරයි. මේ ෆොටෝ අරගෙන තියෙන්නේ පෘථිවියේ යම් කිසි ප්රදේශයක්. (නදී)