නිරිත දිග මෙක්සිකෝවේ ඇකපුල්කෝ සංචාරක නගරයට දකුණින් පිහිටි ප‍්‍රදේශය ඊයේ(21)  රික්ටර් මාපකයේ ප‍්‍රබලත්වය ඒකක 7.4ක භූමි කම්පාවකින් දෙදරා ගිය අතර පුද්ගලයන් 11 දෙනකු තුවාල ලැබූ බව වාර්තා වේ. භූ කම්පනයෙන් අනතුරුව පසු කම්පන ඇති වූ බවත් ප‍්‍රදේශයේ නිවාස සහ ගොඩනැගිලි 1,600කට අධික ප‍්‍රමාණයක් හානියට පත්වූ බවත් එරට ආපදා කළමනාකරණ අංශ පවසයි. භූ කම්පනය ඇති වූ සැණින් ප‍්‍රදේශයේ විදුලිබල සැපයුම නතර වූ බවත් බියට පත් වූ ප‍්‍රදේශවාසීන් වීදිවලට රැස්වූ බවත් විදෙස් වාර්තා සඳහන් කරයි. නිවාඩුව ගත කිරීම සඳහා මෙක්සිකෝවට පැමිණ සිටින ඇමෙරිකා ජනපති බැරැක් ඔබාමාගේ දියණිය ආරක්ෂිතව සිටින බව මෙක්සිකෝ බලධාරීහු පවසති. 1985 වසරේදී තිස්දහසකට අධික පිරිසක් බිලිගත් භූ කම්පනයෙන් පසුව හටගත් ප‍්‍රබලම භූ කම්පනය මෙය බව භූ විද්‍යා අංශ සඳහන් කරයි. භූ කම්පනය හේතුවෙන් බස් රථයක් මතට පාලමක් කඩා වැටී ඇති අයුරු