බෝලීවියාවේ පැවැති ජනමතවිචාරණයේ දැනට නිකුත්වී ඇති ප්‍රතිළුල අනුව එරට ජනාධිපති ඉවෝ මොරාලස්ට පිට පිට  සිව්වැනි වරට ද එරට ජනාධිපති ලෙස පත්වීමට තිබු ඉඩකඩ සියුම් ලෙස ඇහිරී ගොස් ඇතැයි බීබීසි පුවත් සේවය වාර්තා කරයි.

නිකුත්වී ඇති එක් ප්‍රතිළුලයකින් යෝජනා වී ඇත්තේ ව්‍යවස්ථාව වෙනස් කිරීම සඳහා වන යෝජනා සඳහා වූ ජනමත විචාරණයේදි  සියයට 52.3 ක් ඊට  විරුද්ධව සිය මතය ප්‍රකාශ කර ඇති බවයි. තවත් ප්‍රතිළුලයකින් යෝජනා කර සිටින්නේ සීයයට 51 ක් මෙම යෝජනාවලට විරුද්ධ වී ඇති බවයි.

ව්‍යවස්ථා සංශෝධනයක් කිරීම සිදුවීමට එරට ජනතාව වැඩි දෙනෙක් ජනමත විචාරණයෙන්  සිය කැමැත්ත ප්‍රකාශ කර තිබුණි නම් මොරාලස් ජනාධිපතිවරයාට බොලිවියාවේ බලය වර්ෂ 2025 දක්වා පවත්වා ගෙන යාමට  හැකියාව ලැබීමට ඉඩ ප්‍රස්ථාව හිමිවනු ඇත. විරුද්ධ පාක්ෂික ආධාරකරුවන් ජනමත විචාරණයේ ප්‍රතිළුල පිළිබඳව එරට ප්‍රධාන නගරයක් වන ලා පැස් හි විවිධ ප්‍රදේශයන්හි සතුට සමරමින් සිටිති.

මොරාලස් මහතා බොලීවියාවේ ස්වදේශික ජනවර්ගයක් වන අයිමරාට අයත්  සහ කලින් කෝලා පත්‍ර නිෂ්පාදකයෙක් වන අතර ඔහු එරට ජනාධිපති පදවීයට 2006 ජනවාරි වල පත්වී තිබේ.