ඕස්ට්‍රේලියාවේ ඇඩිලේඩ් ගංඟාවේ මාළු අල්ලමින් සිටි ධීවරයකු ඔහුගේ බිරිඳ ඉදිරිපිට දීම ඇලි කිඹුලකු විසින් ඇදගෙන ගොස් මරා දමා ඇතැයි විදෙස් මාධ්‍ය වාර්තා කරයි. කිඹුලන් නැරඹීමට යන පුද්ගලයන් මේ කිඹුලා හඳුන්වන්නේ මයිකල් ජැක්සන් නමිනි.

කිඹුලකු ඇලි බවට පත්වීමේ සම්භාවිතාව ඇත්තේ කිඹුලන් දස ලක්ෂයකට එකක් බව පරිසරවේදීන් පවසයි.  ඒය අතිශය දුර්ලභය.

ඇඩිලේඩ් ගංඟාව කිඹුලන් නැරඹීමට එන සංචාරකයන්ගේ සිත් ගත් ස්ථානයකි. දිනකට සිය ගණනක් සංචාරකයන් බෝට්ටුවලින් ගඟ මැදට ගොස් මස් කැබලි කොකුවල එල්ලා ගඟ දියට ඉහළින් ඇල්ලූ විට කිඹුලන් ඉහළට පැන මස් ඩැහැගැනීමට පුරුදුව සිටියි. මයිකල් ජැක්සන් ලෙස හඳුන්න කිඹුලා මේ අතර වඩාත් ජනප්‍රියම සත්ත්තවයා බව සංචාරක සංවිධානය කරන රොබ් මාචන්ට් පවසයි.

ඔහු වැඩිදුරටත් කියා සිටියේ මයිකල් ජැක්සන් නම් කිඹුලා දැනට වසර ගණනාවක සිට ඇඩිලේඩ් ගංඟාවේ සංචාරකයන් ට දක්නට ලැබුණු බවයි.

michal (1) michal (3) michal (4)