IMG-LOGO

2024 ජුනි මස 18 වන අඟහරුවාදා


පුද්ගලික ධන පරිත්‍යාගයෙන් ආරච්චිකන්ද රෝහලට කොරෝනා වාට්ටුවක්

 

(සිරංගිකා ලොකුකරවිට, සුසිල් ප්‍රියන්ත  සහ දීපාල් ද සිල්වා)

කොරෝනා රෝගීන් සඳහා වෙන්කිරීමට තීරණය කර ඇති හික්කඩුව ආරච්චිකන්ද රෝහල වෙනුවෙන් පුද්ගලික ධන පරිත්‍යාගයෙන් ඉදිකරන ලද දෙමහල් ගොඩනැගිල්ල අද (18) ජනතා අයිතියට පත්කරන ලදී.

ගෝනාපීනුවල පදිංචි ආර්.කේ.කුලතිස්ස මහතා (87) සහ එම මහත්මිය (86) විසින් තම ව්‍යාපාරවලින් උපයාගත් මුදලින් රුපියල් ලක්ෂ 500කට ආසන්න මුදලක් වැය කර මෙම වාට්ටුව ඉදිකර තිබේ.

දෙමහල් ගොඩනැගිල්ලක් ලෙස ඉදිකර ඇති එය රසායනාගාරයක්, වෛද්‍ය හා හෙද විවේකාගාර ඇතුළු සියලු පහසුකම්වලින් සමන්විතය.

ගෝනාපීනුවල දී උපත ලද කුලතිස්ස මහතා තිස්සමහාරාම ප්‍රදේශයේ ව්‍යාපාර කිහිපයක හිමිකරුවෙකු වන අතර ඉන්ධන පිරවුම් හල්, පුවත්පත් බෙදාහැරීමේ ආයතන, සිල්ලර වෙළෙඳ සැල් සහ ගොඩනැගිලි ද්‍රව්‍ය අළෙවි ව්‍යාපාර ඔහු විසින් පවත්වාගෙන ගොස් තිබේ.

 පාසල් ගුරුවරියක වූ සිය බිරිඳ සමඟ මේ ව්‍යාපාර දියුණු කළ හෙතෙම ව්‍යාපාරවලින් උපයාගන්නා ධනය පොදු කටයුතු සඳහා වැය කරයි.

මෙම රෝහල ඉදිකිරීම පිළිබඳ අදහස් දැක්වූ ආර්.කේ.කුලතිස්ස මහතා මෙසේ කීවේය.

“මම දැන් ව්‍යාපාරකටයුතු වල යෙදුනත් ඒක වෙනත් අයට භාරදීලා තියෙන්නේ. ගොඩක් ආගමික වැඩ කටයුතු වලටම මුදල් යෙදෙව්වා. ඒ වගේ ම මගේ ලොකු ආසාවක් තිබුණා රෝහලක් හදන්න. ඒක තිස්ස මහාරාමයේ කරන්න හදනවිට පවුලේ අනිත් අයගෙන් ඉල්ලීමක් තිබුණා ගමේ රෝහලේ වාට්ටුවක් හදන්න කියලා. මගේ ආසාව තිබුණේ ළමා හා මාතෘ වාට්ටුවක් හදන්න. ඒ සඳහා තමයි ආර්.කේ.කුලතිස්ස සුව සෙවණ හැදුවේ.

නමුත් දැන් සෞඛ්‍ය අංශ අපෙන් ඉල්ලීමක් කළා මේ වාට්ටුව කොරෝනා රෝගීන්ට දෙන්න කියලා. මොනවා වුණත් ලෙඩ්ඩු ඇතුළු කරන්නනේ දෙන්නේ. ඉතින් අපි මේ වෙලාවේ කඩිනමින් මේක භාර දෙනවා. තට ටිකක් අඩුපාඩු තියෙනවා. කොරෝනා වසංගතය ඉවරවුණාම නැවත ඒ අඩුපාඩු ටික අපි සම්පූර්ණ කරලා ළමා හා මාතෘ වාට්ටුව්ක් මෙහි ඇතිකරන්න කටයුතු කරනවා.”

මෙම ගොඩනැගිල්ල විවෘතකිරීමේ අවස්ථාව සඳහා විශේෂ ආරාධිත අමුත්තා ලෙස ක්‍රීඩා හා යෞවන කටයුතු අමාත්‍ය නාමල් රාජපක්ෂ මහතා සහභාගී වූ අතර දකුණු පළාත් ආණ්ඩුකාර ආචාර්ය විලී ගමගේ මහතා, වැවිලි අමාත්‍ය වෛද්‍ය රමේෂ් පතිරණ මහතා, පොහොර නිෂ්පාදන හා සැපයුම්, රසායනික පොහොර හා කෘමිනාශක භාවිත නියාමන රාජ්‍ය අමාත්‍ය මොහොන් පී. ද සිල්වා මහතා ප්‍රවාහන රාජ්‍ය අමාත්‍ය දිලුම් අමුණගම මහතා, ගාල්ල දිස්ත්‍රික් සම්න්ධීකරන කමිටු සභාපති පාර්ලිමේන්තු මන්ත්‍රී සම්පත් අතුකෝරළ මහතා ඇතුළු මැති ඇමැතිවරු සහ රාජ්‍ය නිලධාරීන් විශාල පිරිසක් පැමිණ සිටියහ.

 



අදහස් (0)

පුද්ගලික ධන පරිත්‍යාගයෙන් ආරච්චිකන්ද රෝහලට කොරෝනා වාට්ටුවක්

ඔබේ අදහස් එවන්න

ප්‍රාදේශීය පුවත්

සම්බන්ධීකරණ කමිටු අනුමැතියක් නැතිව ගම්පහ කළු ගල් කඩන්න බැහැ
2023 ජුලි මස 26 211 0

ගම්පහ දිස්ත්‍රික්කය තුල කළු ගල් කැඩීම පිනිස සම්බන්ධීකරණ කමිටු අනුමැතියකින් තොරව භූ විද්‍යා සමීක්ෂණ සහ පතල් කාර්යාංශය මගින් අවසර ලබා දීම නොකළ යුතු බව


ගොවියාගේ අලුත් වගාවක් මාට්ටු
2023 අප්‍රේල් මස 18 1221 0

වීරකැටිය,මුල්ගිරිගල කැලෑබද පාලු ඉඩමක ගංජා වගා කල පුද්ගලයකු සරුවට වැවුනු ගංජා පැල 12900 ක් සමඟ ගොවියකු අත් අඩංගුවට ගත් බව ඕකවෙල පොලිසිය පවසයි .


ලක්ෂ 82 ක මුදල් සමඟ දෙදෙනකු අල්ලයි
2023 අප්‍රේල් මස 09 329 0

හෙරොයින් ජාවාරමෙන් උපයාගන්නා ලද රුපියල් ලක්ෂ 82 ක මුදලක් හා මුදල් ගණන් කිරීමේ විද්‍යුත් යන්ත්‍රයක් සමග පුද්ගලයන් දෙදෙනෙක් කොළඹ කෙසෙල්වත්ත ප්‍රදේශයේ


මත් කුඩු සමඟ කාන්තාවක් අල්ලයි
2023 අප්‍රේල් මස 07 398 1

මහර බන්ධනාගාරයේ රඳවා සිටින මහා පරිමාණ මත්ද්‍රව්‍ය ජාවාරම්කරුවකු මෙහෙයවන මත්ද්‍රව්‍ය ජාවාරමේ ප්‍රධාන ගෝලයා ලෙස කටයුතු කරන කාන්තාවක් මත්කුඩු හා මුද


බිම් බෝම්බ සොයන දෑත් කඹ අදිති
2023 අප්‍රේල් මස 06 401 0

උතුරු නැගෙනහිර බිම් බෝම්බ ඉවත් කිරීමේ නිරත යුද හමුදාවේ සහ රාජ්‍ය නොවන ආයතනවල සාමාජික සාමාජිකාවන්ගේ සහභාගීත්වයෙන් ක්‍රිකට් තරගාවලියක් සහ කඹ ඇදීමේ ත


ජෙලෙග්නයිට් සමඟ අයෙක් අත්අඩංගුවට
2023 අප්‍රේල් මස 05 290 0

ජෙලෙග්නයිට් පුපුරණ ද්‍රව්‍ය කූරු 100 ක් යතුරුපැදියකින් ප්‍රවාහනය කරමින් සිටි පුද්ගලයෙකු මන්නාරම නගරය දී අද (5) අලුයම මන්නාරම පොලිසිය මගින් අත්අඩංගුවට


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1320 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 3046 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2496 6
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site