(සුජිත් හේවාජුලිගේ සහ අංජුල මහික වීරරත්න)
පෞද්ගලික අංශයේ සේවකයන්ගේ විශ්රාම යාමේ වයස 60 දක්වා දීර්ඝ කිරීම සම්බන්ධයෙන්වූ පනත් කෙටුම්පත පාර්ලිමේන්තුවේදී අනිද්දා(11)විවාදයට ගැනීමට නියමිතය.
මෙම පනත් කෙටුම්පතට පාර්ලිමේන්තුවට ඉදිරිපත් කිරීමට කම්කරු කටයුතු පිළිබද අමාත්යාංශයීය උපදේශක කාරක සභාවේ අනුමැතිය ඊයේ(9) ලැබිණ.
කම්කරු කටයුතු පිළිබඳ අමාත්යාංශයීය උපදේශක කාරක සභාව අමාත්ය නිමල් සිරිපාල ද සිල්වා මහතාගේ ප්රධානත්වයෙන් පාර්ලිමේන්තුවේදී අද(9) රැස්විය.
එසේම කම්කරුවන්ගේ රක්ෂාව අවසන් කිරීමේ (විශේෂ විධිවිධාන) (සංශෝධන) පනත් කෙටුම්පතටද කාරක සභාවේ අනුමැතිය මෙහිදී ලැබිණ.
මෙම පනත් කෙටුම්පත මගින් පෞද්ගලික අංශයේ සේවකයන්ගේ විශ්රාම යාමේ වයස අවුරුදු 60 දක්වා දීර්ඝ කිරීම අරමුණු කර ඇත. මෙතෙක් පෞද්ගලික අංශයේ සේවය කරන බොහෝ සේවකයින්ගේ විශ්රාම ගැනීමේ අවම වයස් සීමාවක් නියමකර නොතිබුණ. බොහෝ විට පෞද්ගලික අංශයේ සේවකයන් විශ්රාම ගැන්වීම සඳහා පාදක කර ගනු ලැබුවේ සේව්ය, සේවක දෙපාර්ශ්වය අතර ඇති කරගන්නා ගිවිසුමේ සඳහන් කොන්දේසීන්ය.
මෙම උපදේශක කාරක සභා රැස්වීමට රාජ්ය අමාත්ය ප්රියංකර ජයරත්න, පාර්ලිමේන්තු මන්ත්රීවරුන්වන ඩබ්ලිව් ඩී ජේ සෙනෙවිරත්න, වඩිවේල් සුරේශ්, අශෝක ප්රියන්ත සහ වී. රාධක්රිෂ්ණන් යන මහත්වරුද සහභාගී වූහ.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
විශ්රාම වයස 60දක්වා වැඩි කෙරෙන පනත අනිද්දා මැතිසබයට
sagara Edirisinghe Wednesday, 10 November 2021 11:02 AM
මෙම උපදේශක කමිටුවේ සුදුසුකම් සහ පළපුරුද්ද කුමක්දැයි ඔබට පැවසිය හැකිද? මේ පිළිබඳව ඔබ පෞද්ගලික අංශයේ සේවකයන් සමඟ සාකච්ඡා කර තිබෙනවාද? පුද්ගලික අංශයේ සේවකයෙකු ලෙස අපි වයස අවුරුදු 55 දී සේවක අර්ථසාධක අරමුදල ඉවත් කිරීමට බලාපොරොත්තු වෙමු. කරුණාකර එම අයිතිය අයුතු ලෙස භාවිතා නොකරන්න. අපි සේවක අර්ථසාධක අරමුදලට දායක වන ජනතාවයි. අපිට කවදාවත් රජයෙන් කිසිම දෙයක් ලැබෙන්නේ නැහැ. නමුත් හැමවිටම දේශපාලන මෝඩයන් අපේ මුදල් කොල්ලකන්න උත්සාහ කරනවා. ඔවුන් සියල්ල කොල්ලකා ඇත. දැන් ඔවුන් උත්සාහ කරන්නේ අපේ අවසාන අපේක්ෂාව බිඳ දැමීමටයි. මෙය තවත් ව්යසනයකි. ඔබ දැනටමත් මුළු කෘෂිකාර්මික අංශය විනාශ කර ඇත. දැන් පෞද්ගලික අංශය විනාශ කරන්න හදනවා. කරුණාකර මෙය නවත්වන්න.
Bamunuarachchi Wednesday, 10 November 2021 01:01 PM
විශ්රාම වයස වැඩි කරන්න එපා... පාසල් වලින්, විශ්වවිද්යාල වලින් එන දරුවන්ට රැකියා අවස්ථා නැතිවෙනවා.