රණවිරුවන්ගේ බිරින්ඳෑවරුන්ටත් මූලික වැටුපට සමාන විශ්‍රාම වැටුපක්

(අජන්ත කුමාර අගලකඩ)

යුද්ධයේදී මියගිය රණවිරුවන්ගේ බිරින්ඳෑවරුන් සඳහාද රණවිරු මූලික වැටුප විශ්‍රාම වැටුපක් ලෙස ගෙවීමට කැබිනට් මණ්ඩලය තීරණය කර ඇතැයි වාර්තාවේ.

ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් ජනාධිපති කාර්යාලයේ අද (01) පැවැති කැබිනට් රැස්වීමේදී ඒ සඳහා අනුමැතිය ලැබී තිබේ.

ආබාධිත රණවිරුවන්ට සේවයේදී ලැබූ මූලික වැටුප විශ්‍රාම යාමෙන් පසුවද ගෙවීමට ඉකුත් දා කැබිනට් අනුමැතිය ලබාදී තිබිණි.

ඒ ආකාරයටම රණවිරුවන්ගේ මූලික වැටුප යුද්ධයේදී මියගිය රණවිරුවන්ගේ බිරින්ඳෑවරුන්ට ද ගෙවන ලෙස ඉල්ලා මියගිය රණවිරුවන්ගේ බිරින්ඳෑවරු පිරිසක් ඉකුත්දා කොටුව දුම්රියපොළ ඉදිරිපිටද උපවාසයක් ද කළහ.

අදහස් (8)

රණවිරුවන්ගේ බිරින්ඳෑවරුන්ටත් මූලික වැටුපට සමාන විශ්‍රාම වැටුපක්

බද්රානි Tuesday, 01 October 2019 01:13 PM

ඒ තීරණය ගැන සතුටුයි. එත් ලෝකේ කොහෙවත් ක්‍රියාත්මක නොකරන ක්‍රමවේදයක්.නමුත් ලංකාවේ සමහර මාධ්‍ය තුලින් ජනතාවට ඒත්තු ගැන්වුයේ මොවුන්ගේ විශ්‍රාම වැටුප අවුරුදු 55න් පසුව නවතන බවයි. එදා යුධ සමයේ පැවති රජයන් සහ යුද්ධයෙන් පසුවත්, නිහඩව සිට මේ මැතිවරණයක් ප්‍රකාශයට පත් කොට ඇති අවස්ථාවක තවකෙකුගේ දේශපාලන අතකොලුවක්වී ක්‍රියාකළ ආකාරය නින්දිත වුවත් රට ජාතිය වෙනුවෙන් ඔවුන් කළ කැප කිරීම වෙනුවෙන් රජය ඔවුන්ගේ ඉල්ලීම ඉටු කිරීම ගැන අපි පවතින රජයට ස්තුති කළ යුතුයි.යුද්ධය නිමාවීමෙන් අනතුරුව පෙට්‍රල් පිරවුම්හල් අසළ සති පොළේ, ගෙයින් ගෙට ගොස් ලොතරැයි විකුණමින් සිටි වීරෝධාර රණවිරුවන් දැන් එම ස්ථානවල පෙනෙන්න නොසිටීම ගැනත් සතුටුයි. "අපි වෙනුවෙන් අපි" අරමුදලේ මුදල් වලට සිදුවුණ දේ රණවිරුවන් නොදන්නවා විය හැකියි. අශිෂ්ඨත්වයෙන් සිදුකෙරෙන ඕනෑම අරගලයක් සිරි ලංකාව තුල ජයග්‍රහණයකින් කෙලවර කිරීමට හැකි බව නැවත වරක් අපට සපත කළා.

: 505 870

samanwimal Wednesday, 02 October 2019 05:44 AM

කට්ටියට හොදටෝම ඊරිසියා හිතිලා.අශිෂ්ඨ අරගලයක් සේ හුවා දක්වන්නේ ඒකයි.

: 10 0

Amila Tuesday, 01 October 2019 02:47 PM

මහරජාණෝ ආරක්ශක අංශ පෙන්න පෙන්න ගියාට, කරපු දෙයක් නෑ. අන්තිමට මේ ජනාධිපතිතුමා සහ ආණ්ඩුව තමයි ඒකත් විසඳුවේ.. කොහොමත් ගිරුවාපත්තුවේ හාමුලා දන්නේ ගහන්නයි මරන්නයි තමයි. මෙහෙම උපවාස කළා නම් ඒ කාලයේ, සංවිධාන කරපු අය එලොව ගිහින්...

: 0 0

iranth Tuesday, 01 October 2019 05:25 PM

සජිත්ගේ යෝජනාවට එකඟ වෙලා වගේ...

: 0 0

tharudu Tuesday, 01 October 2019 05:27 PM

ඇයි මේ මහින්ද කිව්වා මාස 3 කින් දෙනවා කියලා... එ්ක අහලා කට්ටිය ගියා. ඉතින් අැයි මේ යහපාලනේ කලබලේ...?

: 0 0

wijaesiri Wednesday, 02 October 2019 12:37 AM

මේ අතර කව්රුත් කතා නොවෙන කතාන්දරයකුත් තියෙනව. යුද්දයේදි මිය ගිය රණවිරුවන්ගෙ සමහර තරුණ බිරියන් නැවත විවාහ වුණා. එවිට ඔවුන්ට එතෙක් ලැබුණ රණවිරු වැටුප ඔවුන්ගෙන් ඉවත්කර අදාළ රණවිරුවාගේ මව්පියන්ට ගෙවනවා. ඒ අයට එච්චර මුදලක් අවශ්‍යද. අර බිරිදටත් කොටසක් දුන්නනම් නේද හොද. මොකද ඇයට එහෙම වුණේ ඇගේ වරදකින් නෙමේ නේද. නැවත විවාහ වුණත්මේ සමහරු ආර්ථික දුෂ්කරතාවෙන් පෙළෙනව. මේ ගැනත් ගරු ජනාධිපති තුමාගේ අවධානය යොමුවෙයි කියල හිතනව.

: 0 0

Lion Wednesday, 02 October 2019 01:44 AM

මේ රට බංකොලොත් රාජ්‍යයක් වෙන දවස වැඩි ඈතක නැහැ.

: 0 0

Bamunuarachchi Wednesday, 02 October 2019 02:25 AM

විශ්‍රාම වැටුප ගන්න ගියාම ගණන් කරලා බලන්න. ඔයකීවේ දෙන ප්‍රමාණය කපන කොටන ඒවා කොහොම තිබෙයිද දන්නේ නැත.

: 0 0