කැබ්රියේ ආ මාරයා සය හැවිරිදි දැරිය රැගෙන යයි

(හිරාන් ප්‍රියංකර ජයසිංහ)

පුත්තලම පරණ මන්නාරම මාර්ගයේ ගමන්ගත් කැබ් රථයක් වනාතවිල්ලුව මංගලපුර ප්‍රදේශයේදී පාරෙන් ඉවතට පැන අනතුරට ලක් වීමෙන් නිවෙසක මිදුලේ සෙල්ලම් කරමින් සිටි හය හැවිරිදි දැරියක මරණයට පත්ව තවත් දෙදෙනකු බරපතල ලෙස තුවාල ලබා කොළඹ ජාතික රෝහලට ඇතුළත් කළ බව වනාතවිල්ලුව පොලිසිය කියයි.

මෙසේ මරණයට පත්ව ඇත්තේ වනාතවිල්ලුව ප්‍රදේශයේ අවුරුදු පහක් වයසැති මෙත්සරණි නවිෂා නැමති දැරියකි.

බරපතල තුවාල ලැබූ අවුරුදු 20 ක තරුණයකු හා අවුරුදු 32 ක කාන්තාවක ප්‍රතිකාර සඳහා කොළඹ ජාතික රෝහලට මාරු කර යවා ඇතැයි පොලිසිය පවසයි.

පුද්ගලික ජල ව්‍යාපෘතියක සේවකයන් පිරිසක් ගමන් කරමින් තිබු මෙම කැබ් රථය පාලනය කර ගැනිමට නොහැකි විමේන් පසු මාර්යෙන් ඉවතට පැන නිවස ඉදිරි පිට කොටසක් බිමට සමතලා කරමින් මිදුලේ සිටි කුඩා දැරියක් ඇතුළු තිදෙනකු ද යට කරමින් මිටර් 20 කට වැඩි දුරක් ඇදිගොස් නැවති ඇති බව පරික්ෂණ පවත්වන පොලිස් නිළධාරින් පවසයි.