(රංජන් කස්තුරි)

ශ්‍රී ලංකාවේ එක්සත් අරාබි එමීර් රාජ්‍යයේ තානාපති අහමඩ් අල් මුල්ලා මහතා අද (03) පස්වරුවේ කොළඹ ජනාධිපති කාර්යාලයේදී ජනාධිපති ගෝඨාභය  රාජපක්ෂ මහතා හමුවිය.

ජනාධිපතිවරයා සමඟ සුහද කතාබහක නිරත වූ තානාපතිවරයා දෙරටේ සබඳතා තවදුරටත් ශක්තිමත් කර ගනිමින් ඉදිරියේදී වඩාත් සහයෝගයෙන් කටයුතු කිරීමට කැපවන බවට සහතික වූ බව ජනාධිපති කාර්යාලය සඳහන් කරයි.

එමෙන්ම ජනාධිපතිවරයාගේ නව දැක්මක් සහිත වැඩපිළිවෙල සාර්ථක කර ගැනීමට උපරිම සහය ලබාදෙන බවද තානාපතිවරයා සඳහන් කළ බවද එම කාර්යාලය පවසයි.

මේ අතර ශ්‍රී ලංකාවේ නවසීලන්ත මහ කොමසාරිස් ජෝනා කොම්පර්ස් මහත්මිය ඇතුළු දූත පිරිසක් අද පස්වරුවේ ජනාධිපති කාර්යාලයේදී ජනාධිපති ගෝඨාභය රාජපක්ෂ මහතා හමුවී සුභාශිංසන පළ කළ බවද එම කාර්යාලය සඳහන් කරයි.

දෙරට අතර සබඳතා තවදුරටත් ශක්තිමත් කරමින් අනොන්‍ය ප්‍රතිලාභ ඉහළ නංවා ගැනීමට කැපවන බව නවසීලන්ත මහ කොමසාරිස්වරිය පැවසූ බවද ජනාධිපති කාර්යාලය පවසයි.