IMG-LOGO

2024 ජුනි මස 18 වන අඟහරුවාදා


හිත ගන්න තෑග්ගක්දී අම්බානට කාලා

(පොල්ගස්ඕවිට එස්. වික්‍රමආරච්චි)
දකුණේ කඳුකර ගම් ප්‍රදේශයකි. තේ වගාව ගමේ ප්‍රධාන ආදායම් මාර්ගයයි. සෑම පවුලකටම අඩුම තරමින් තේ අක්කර බාගයකවත් ඇත. තේ වගාවට අමතරව ඒ සෑම ඉඩමකම පොල් කිතුල් පුවක් ආදී අතුරු බෝග ද වගාකර ඇත.


සෑම ගැමියකුටම තේ දලු_ කැඩීමේ හැකියාව ඇත. එහෙත් කිතුල් මල් කැපීම එසේ සෑමදෙනාටම කළ හැකි දෙයක් නොවේ. කිතුල් ගසේ හැර බැඳීම, සාම්ප්‍රදායික බෙහෙත් වර්ග ගල්වා කිතුල් මල සකස් කිරීම, ගසට නැග ඒ මත සිට මල කැපීම, තෙලිජ්ජ මුට්ටිය රැගෙන බිමට බැසීම ආදිය ශාස්ත්‍රානුකූලව සිදුකළ යුතු දුෂ්කර මෙන්ම අනතුරුදායක කර්තව්‍යයකි. එම නිසාම මල් කැපීමට බොහෝ ගැමියෝ ඉදිරිපත් නොවෙති.


කෙසේ වෙතත් මල් කැපීමට උපන් හපන්කම් ඇති කෙනකු දෙන්නකු සෑම ගමකම නැතුවා නොවේ. මේ ගමේ ද කිතුල් මල් කැපීමේ රුසියෙක් සිටියේය. ගුණා නමින් ගැමියන් විසින් හඳුන්වනු ලැබූ මොහු කිතුල් ගස් නගින්නා සේම  ඕනෑම පුද්ගලයකුගේ කනෙන් රිංගා යෑමට ද දක්වන්නේ අසීමිත දක්ෂතාවකි. ඕනෑම කෙනකු හමුවේ හිස කසා බයාදු බැල්මක් පෙන්වා හීන් හිනාවකින් සංග්‍රහ කළ ද මොහු දිය යටින් ගින්දර ගෙන යන්නකු බැව් ද බොහෝ දෙනා දැනගෙන සිටියහ.


ගමේ සිටින ප්‍රභූවරයකු වූ විශ්‍රාමික විදුහල්පතිවරයාට ගමේ සෙසු අයට මෙන් නොව අක්කර තුන හතරක පමණ විශාල ඉඩමක් තිබුණි. ඒ ඉඩමෙන් බාගයක පමණ තේ වගාකර තිබුණු අතර නිවෙස පිහිටියේ ද එම කොටසේය.


ඉඩමේ අනෙක් බාගයේ කොස් දෙල් කිතුල් පුවක් ආදිය මෙන්ම වෙනත් ගස්වලින් ද පිරී තිබුණු අතර එම කොටසට විදුහල්පතිවරයා යන්නේ ද එහෙමත් දවසකය. එය ද කොස් වාරෙට කොස් ගෙඩියක් කඩාගැනීමට වැනි දෙයකටය. එම ප්‍රදේශය හඳුන්වනු ලබන්නේ අරඹ වශයෙනි.


එහි ඉබේ හටගත් කිතුල් ගස් කීපයක් ද තිබූ නමුත් ඒවායේ මල් කැපීමට ගුණාට බාරදීමට විදුහල්පතිවරයා උනන්දු නොවූයේ ඔහුගේ සටකපටකම නිසාමය.


නිවසේ උත්සවයකට, දානමාන කටයුත්තකට පැණි ටිකක් හකුරු ටිකක් අවශ්‍ය විණි නම් ඔහු ඒවා මිලදී ගන්නේ ගුණාගෙනි.


ඉකුත් දිනෙක විදුහල්පතිතුමාගේ නිවසේ දානමය පිංකමක් සූදානම් කර තිබූ නිසා ඊට අවශ්‍ය පැණි හකුරු ගෙන ඒමට ඔහු ගුණාගේ නිවෙසට ගියේය. විදුහල්පතිතුමාව ඉතා ගරුසරු ඇතිව දෙකට නැමී පිළිගත් ඔහු විදුහල්පතිවරයාගේ ඉල්ලීම අනුව කිලෝ තුනක පමණ පැණි මුලක් ගෙනවිත් “මේං සෑර් මේක නං නියම පැණි හකුරු මුල, මගේම ගහක මලකින් වෑහිච්චි තෙලිජ්ජවලින් තමයි උණුකොළේ” කියමින් දෑතින්ම පිරිනැමුවේය.


සතුටට පත් විදුහල්පතිතුමා නියමිත මුදලටත් වඩා ගණනක් ඔහු අත තබා පැණි මුලත් රැගෙන හනිකට ගෙදර ගියේය.


 දානෙට පෙර දින සවස තවත් අසල්වැසි තරුණයකු සමඟ විදුහල්පතිතුමා නිවෙසට ඈතින් වූ අරඹට ගියේ පුවක් වල්ලක් කඩාගෙන ඒමටය. එහිදී ඔවුන්ට දැක ගන්න ලැබුණේ ඉඩමේ කොණකට වෙන්නට වෙල අයිනේ තිබූ කිතුල් ගසක මලක් සාදා මුට්ටියක් ද එල්ලා ඇති බවයි.


එම දසුන දැකීමෙන් විදුහල්පතිවරයාට යකා නැග්ගේය. තව ටිකක් ඒ අවට සෝදසි කර බැලීමේදී දිගු කලක් ගමන් කිරීමෙන් සෑදී තිබූ අඩි පාරක් ද දැක ගන්නට ලැබිණ. “එකත් එකටම මේක නම් අහවලාගෙ නොහොබිනා වැඩක් තමයි. මූ එහෙනම් ඊයෙ මට විකුණුවෙ මගේම කිතුලෙ පැණි” යි තමාටම කියාගත් විදුහල්පතිවරයා අඳුර වැටෙන තුරු තරුණයා ද සමඟ රැක සිට වගකිවයුත්තා අතටම අල්ලාගෙන අමතක නොවන පාඩමක් ඉගැන්නුවාලු



අදහස් (0)

හිත ගන්න තෑග්ගක්දී අම්බානට කාලා

ඔබේ අදහස් එවන්න

දෙයියෝ සාක්කි

මෝදක ගුලියේ අවුල මීයාගේ පිටින් ගිහින්
2024 ජුනි මස 18 704 0

කුස්සියේ ගෑස් ළිප ළඟ තිබූ මෝදක ගුලියක කොටසක් හේතුවෙන් නිට්ටඹුව ප්‍රදේශයේ නිවෙසක අඹු සැමි යුවළක් අතර ඇති වූ ආරාවුලක් අවසානයේදී මීයකු පිට වරද පැටවීමෙන


ගම කුලප්පු කරපු දුවගෙ බොරුවෙන් පවුලෙම සායම ගිහින්
2024 ජුනි මස 17 935 0

සිය නිවෙස ආසන්නයේ අතුරු මාර්ගයක තරුණයකු හා රැඳී සිටි යුවතියක අසල්වැසියකු පැමිණෙනු දැක බියට පත්ව කෑ ගැසීම නිසා මුළු ගමම කුලප්පු වූ පුවතක් පිළිබඳව දකුණ


කරුවලේ අත ගෑ ගැහැනිය පිරිමියෙක් වෙලා
2024 ජුනි මස 15 909 0

සිය වැඩට පැමිණි කාන්තාවක් යැයි සිතා පිරිමියකු බදාගෙන ලැජ්ජාවට පත් වූ මුදලාලී කෙනකු පිළිබඳව උතුරු මැද පළාතේ එක්තරා ගමකින් අසන්නට ලැබුණි. සිද්ධිය මෙසේ


කුඩු අල්ලන්න ගිහින් පොලිසිය ඉල්ලන් කාලා
2024 ජුනි මස 15 644 0

මිරිස් කුඩු පැකට්ටුවකින් පොලිස් නිලධාරීන්ගේ ඉහමොළ රත් කළ අයකු පිළිබඳ පුවතක් දකුණු පළාතේ නගරයකින් අසන්නට ලැබේ. ඔහුට පොලිස් නිලධාරීන් ඇලජික්ය. පොලිස්


සොරාගත් මාලය ගෑනු ගැටයෙන් එළියට
2024 ජුනි මස 15 316 0

අසල්වැසි කාන්තාවක් විසින් සොරා ගන්නා ලද සිය රන්මාලය පොලිසියට නොගොස් උපක්‍රමයකින් ලබාගත් කාන්තාවක පිළිබඳ අපූරු පුවතක් දකුණු පළාතේ ගිංගඟ අසබඩ ගම්මාන


යෙහෙළියගේ ගෙදරදී පැරණි පෙම්වතා දැක තරු පෙනිලා
2024 ජුනි මස 15 324 0

පැරණි පෙම්වතා සිය හොඳම යෙහෙළිය විවාහ කර ගැනීමට පැමිණි අවස්ථාවේ තරු පෙනුණු තරුණියක පිළිබඳව රත්නපුර දිස්ත්‍රික්කයේ එක්තරා ගමකින් අසන්නට ලැබුණි. සිද්ධ


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1336 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 3060 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2506 6
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site