මාතරින් ගමන ආරම්භ කළ දුර ගමන් බස් රථයකි. එදින බස් වර්ජනය නිසා විශාල පිරිසක් බසයට නැග සිටි අතර බසයේ රාක්කයේ ද බඩු මලු තදබදව අසුරා තිබුණි. හදිසියේ විශාල බෑගයක් රැගෙන බසයට ගොඩ වූ තරුණයකු රාක්කයේ බඩු මලු අයිනේ තම බෑගයද එබුවේ කළබලයෙනි.

බසය සෑහෙන දුරක් ගියවිට වංගුවකදී එම බෑගය වාඩිවී සිටි මගියකුගේ හිස මතට කඩා වැටුනෙන් ඔහු කලබල විය. බෑගය පසෙකට ලූ ඔහු හිස අත ගානවිට තෙලට මිශ්‍ර වූ ලේ බිඳක් අතේ ගෑවිණ. ඔහු කෝපයට පත් විය. “කවුද මේක තිබ්බ බූරුවා” ඔහු කීය. බෑගය තැබූ තරුණයාද කට කාරයෙකි. “හුංඩුවක් වගේ මේ රාක්කෙ බඩු අහුරන්න පුළුවන්ද? මේක කොන්දොස්තරගෙ වරද?” ඔහු ද පැවැසීය. මේ හඬ ඇසුණු කොන්දොස්තර “රාක්කෙ හැදුවෙ මම නෙමෙයි. ඒක මණ්ඩලේ වැඩක්” කීවෙන් මේ කැකිල්ලේ තීන්දුවටට බසයේ වූවෝ සිනාසුනහ. හිස තුවාල වූ මගියාට ද සිනා ගියේය.

(තිහගොඩ උපසේන ලියනගම)