IMG-LOGO

2024 පෙබරවාරි මස 22 වන බ්‍රහස්පතින්දා


මුහුණු පොතේ පෙමට දැක්කදාම තිත

ෆේස් බුක් හෙවත් මුහුණු පොත නමැති අන්තර්ජාල සමාජ වෙබ් අඩවිය ඔස්සේ හඳුනාගත් පුද්ගලයකුට රැවටී තමන් සතු වටිනාම දේ ඔහුට පූජා කළ බව කියන 19 හැවිරිදි තරුණියක් පිළිබඳව පුවතක් පසුගියදා පුත්තලම කොට්ඨාසයේ පොලිස් බල ප්‍රදේශයකින් වාර්තා විය. 


ඇය මෙම සිදුවීමට සතියකට පමණ ඉහතදී සිය ෆේස් බුක්  ගිණුම ඔස්සේ තරුණයකු හඳුනාගෙන ඇත. කොළඹ ප්‍රදේශයේ වැඩපලක කාර්මිකයකු  වශයෙන්  සේවය කරන අයකු බවත් කියති. 


මොවුන් දෙදෙනා ෆේස් බුක් ඔස්සේ හඳුනාගෙන සතියක් ගතවනවිට අදහස් හුවමාරු කර ගැනීම අතින් බොහෝ දුර ගොස් තිබී ඇත. ඒ අනුව තරුණියගේ නාඩි වැටෙන අයුරු හොඳින් වටහාගත් තරුණයා තමා හමුවීම සඳහා නගරයට එන ලෙසට තරුණියට ආරාධනාවක් කර ඇත. 


මිතුරාගේ ඇරයුම මහත් ඉහළින් පිළිගත් තරුණියද තමන්ට එවැනි අවස්ථාවක්  ලැබීම කෙරෙහි මහත්සේ සතුටට පත්ව ඇත. මෙම තරුණිය තමන් යෙහෙළියක  හමුවීමට යන බවට සිය මවට පවසා පසුදින  උදෑසනම  ජැන්ඩියට හැඳ පැලඳගෙන මිතුරා හමුවීම සඳහා සැතපුම් 40ක් පමණ දුරින් පිහිටි ප්‍රධාන නගරයකට ගොස් ඇත. 


මග සලකුණු ඔස්සේ කතිකාකරගත් නියමිත ස්ථානයකදී  දෙදෙනාට දෙදෙනා මුණ ගැසී ඇත. 


තරුණිය මෙන්ම ජැන්ඩියට හැඳ පැළඳගත් තරුණයාද සිය ගොදුර ඩැහැ ගැනීම සඳහා අමතර හිස්වැසුමක්ද සහිතව යතුරුපැදියකින් නගරයට පැමිණ සිටියේය. 


මේ අතර එදින සවස අදාළ නගරයට සැතපුම් 40කට පමණ දුරින් පිහිටි පොලිස්බල ප්‍රදේශයක අතුරු මාර්ගයක් ඔස්සේ හඬා වැළපෙමින් ප්‍රධාන මාර්ගය දෙසට දිව එන නාඳුනන තරුණියක ඒ අවට වැසියන් පිරිසක් දැක ඇත. ඒ අනුව වහාම ක්‍රියාත්මක වූ ඔවුන් තරුණියගේ ගමන වළක්වා ප්‍රදේශයේ පොලිස් ස්ථානයට බාරදීමට කටයුතු කර තිබිණි. 


එහිදී වැඩිදුරටත් අනාවරණය වූ තොරතුරුවලට අනුව තමන්ට පළමු වතාවට එදින උදෑසන නගරයේදී හමුවූ ෆේස් බුක් මිතුරා සමග මෙම තරුණිය රිසිසේ විනෝද වී ඇත. ඒ අනුව පෙම්වතුන් බවට පත් වූ ඔවුන් අනතුරුව සිනමා ශාලාවක විශේෂ නැරඹුම් කුටියකද  තනිවී සිට ඇත. 


සිනමා ශාලාවේ සිහින ලෝකයෙන් අවදිව ඉන් පිටතට පැමිණි පසු තරුණිය සිය පෙම්වතාගෙන් ඉල්ලීමක් කර ඇත. ඒ තමන්ට යළිත් නිවසට යා නොහැකි බවත් තමා රැගෙන ගොස් විවාහ කර ගන්නා ලෙසත්ය. තරුණියගේ ඉල්ලීම බරපතළ එකක් බව මෙහිදී තරුණයාට අවබෝධ වන්නට වැඩි වෙලාවක් නොගියේය. ඒ ඔහු එවැන්නක් බලාපොරොත්තුවෙන් ඇය ඇසුරු නොකළ නිසාය. එහෙත් ඔහු ඒ බවක් තරුණියට නොහඟවා ඇය සිය යතුරුපැදියට නංවාගෙන ඇති අතර එසේ නංවාගත් තරුණිය නාඳුනන පෙදෙසකට රැගෙන ගොස් මෙසේ අතරමග දමා තරුණයා පලා ගොස් ඇති බවට අනාවරණය විය. 

(කරුවලගස්වැව ජයරත්න වික්‍රමාරච්චි) 



අදහස් (0)

මුහුණු පොතේ පෙමට දැක්කදාම තිත

ජනහිත Friday, 14 October 2016 06:25 PM

අනේ අපොයි! දැන්වත් ඔය මුහුණු පොත් ආදරය නවත්වන්න. අත්‍යවශ්‍යම නම් මවුපියනට කියලා හොඳ දෙයක් කරගන්න. ඉස්සර නම් තිබුනේ පාසල් පෙමනේ. අපරාදේ කරදරේ වැටෙන්න එපා. (නි)

:       0       0

රූපවති Saturday, 15 October 2016 08:57 PM

මේ කොල්ලට හොයාගෙන ගිහිල්ල ..සම්මානයක් දෙන්න වටිනවා ඔලුව පාවිච්ච්චි කරලා මේ වගේ දෙයක් කරන්න ගණ දෙවි නුවන පහල වෙලා තිබුනට ...? මෝඩ කෙල්ලන්ට තියෙන කුලප්පුවට හොද උත්තරයක් , හොදම හොද පාඩමක් මේ ..?

:       0       0

පිටබැද්දර ජයා Sunday, 16 October 2016 12:22 AM

මමත් හැමදාම කියන්නේ ඔය රුපොවති කියල තියෙන ටිකම තමයි , (අ)

:       0       0

රූපවතී Sunday, 16 October 2016 04:42 AM

පිට බැද්දර ජයා අයියේ ..කොලු පැටිය යන්නේ කොහෙද කියලත් ටිකක් හොයල බලන්නත් අමතක කරන්න එපෝ ...? (බ)

:       0       0

අමරසිරි ප්‍රියංකර ජයසිංහ ආරච්චිගේ Sunday, 16 October 2016 06:33 AM

මුහුණත් පිටුවක් නිකුත් කිරීමට කොන්දේසි අනුව ඇතුල් වීමට ෆේස්බුක් නිර්මාතෘ සහ කණ්ඩායම ලඟදීම හඳුන්වා දේ.අපි හඳුන්වමු මුහුණත් පිටුව නමින් මුත් මෙම පිටුව වෙස්මුහුණු දාගත් අය බොහෝ ඇත.ඔවුන්ගෙ අරමුණ සමාජය දැනුවත් කිරීමවත්,මාධ්‍ය හා සමාන සත්‍යය තොරතුරු රැස් කිරීමවත් නොව,ස්ත්‍රි පක්ෂය රැවටීම සහ ඔවුන්ගෙ පටු මානසික වින්දනය මගහරවා ගැන්මට පමණි.දෙපක්ෂයෙම අවශ්‍යයතාවය එය බව නම් මැනවින් තහවුරු වේ.ශ්‍රී ලාංකික මුහුණත් පිටුවල 90%ක් ගේම අවශ්‍යයතාව මෙය බවට කිසිදු බියකින් තොරව දන්වමි.සමාජ ජාලය හරහා පනගැන්වෙන නීති රටක පාලන පක්ෂය හැඩගැස්වීම සඳහාද උපකාරීවේ. (අ)

:       0       0

ජයරත්න Sunday, 16 October 2016 07:11 AM

කොල්ලොනම් ඉතින් කොහේ ගියාම මොකෝ ? ගෙදර එනකොට කහ වතුර ටිකක් ඉහලා ගෙට ගන්න එකනේ , ගැහැණු දරුවෙක් එහෙම බැහැනේ , මේ අපේ අම්මා දොඩපු කතාවක් හරිය (හේ)

:       0       0

ඔබේ අදහස් එවන්න

දෙයියෝ සාක්කි

මුහුණු පොතේ පාසල් පිටුවෙත් කුණු හරුප
2024 පෙබරවාරි මස 21 692 0

දකුණේ මිශ්‍ර පාසලක නිල මුහුණු පොතේ පිටුවට එක්වූ අමුතුම ආකාරයේ වීඩියෝවකින් එම විදුහලේ ගුරු, සිසු, ආදි සිසුන් හා මවුපියන් තුෂ්නිම්භූත වූ අපූරු පුවතක් ගැ


බස් රියේ වැලන්ටයින් පෙම බීඩියකින් බ්‍රේක්වෙලා
2024 පෙබරවාරි මස 20 1362 0

තරුණයකු වැලන්ටයින්දා ඉතා අමාරුවෙන් යාළුකරගත් තරුණියක බීඩියක් නිසා අහිමි වූ අපූරු පුවතක් දකුණේ පිටිසරබද ප්‍රදේශයකින් වාර්තාවේ. වාර්තා වන අන්දමට සිද


බොරුව අතේ පත්තු වී මඟු‍ලත් කැඩිලා
2024 පෙබරවාරි මස 19 3691 1

දහනව හැවිරිදි දියණිය රැකියාවකට ගිය පසු වසර විස්සකට වැඩි කලක් රහසක්ව තිබූ සැමියාගේ රැකියාවේ තත්ත්වය පිළිබඳව කරුණු හෙළිදරව් වීමෙන් පසු බිරිය සැමියා අත


අලු‍ත් විදුහල්පතිනියගේ නැකතට පරණ විදුහල්පති වැඩට ඇවිත්
2024 පෙබරවාරි මස 16 1486 0

නව විදුහල්පතිනිය සුබම සුබ නැකතින් වැඩ බාර ගැනීමට සූදානම් වූ අවස්ථාවේදී මාරුවීම් ලද හිටපු විදුහල්පති නැවතත් එම විදුහලේ විදුහල්පති ලෙසට නැවත වැඩ බාර ග


අම්මකුගේ උත්තරේට විදුහල්පති තමන්ටම ගහගෙන
2024 පෙබරවාරි මස 15 1557 2

මත් ගුලියක් නිසා රජරට පළාතේ අතිදුෂ්කර පාසලක විදුහල්පතිවරයකුට තමාටම වේවැල් ප්‍රහාරයක් එල්ලකර ගැනීම‍‍ට සිදුවූ පුවතක් ඉකුත් දිනක අසන්නට ලැබුණි. මෙම පා


ගෑනු ගැටයකට අහුවී දවස් 2ක්ම ඉස්පිරිතාලේ
2024 පෙබරවාරි මස 14 1799 0

රෝහලේදී හඳුනාගත් නාඳුනන මිතුරියක නිවෙසට කැඳවාගෙන පැමිණි තැනැත්තියකට මත්වෙන සුළු පිටිකිරි වීදුරුවක් බොන්නට දී ඇගේ රුපියල් ලක්ෂ තුනකට ආසන්න කනකර ආභර


මේවාටත් කැමතිවනු ඇති

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 157 0
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි 2024 පෙබරවාරි මස 13 229 0
නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි

දශක 6කට අධික ඉතිහාසයකට උරුමකම් කියන ශ‍්‍රී ලංකාවේ පුරෝගාමී රක්ෂණ සමාගම වන ශ‍්‍රී ලංකා ඉන්ෂුවරන්ස් සිය ජීවිත හා සාමාන්‍ය රක්ෂණ ව්‍යාපාර නීත්‍යානුකූල

හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි 2024 පෙබරවාරි මස 12 251 0
හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි

හලාල් ප්‍රතීතන කවුන්සිලය (Halal Accreditation Council), ජාතික අපනයනකරුවන්ගේ මණ්ඩලයේ (NCE) සංවිධානත්වයෙන් 2023 දෙසැම්බර් 8වන දින පැවැත්වුණු 31 වැනි NCE අපනයන සම්මාන උළෙලේ දී අඛණ්

Our Group Site