2024 ඔක්තෝබර් මස 15 වන අඟහරුවාදා
2024 ඔක්තෝබර් මස 15 වන අඟහරුවාදා
(මීරිගම විශේෂ පුෂ්පකුමාර මල්ලවආරච්චි)
අම්මාගේ බිඳුණු පාදයට බඳින පත්තුවට ඇහැළපොතු කියා වල් බිලින් පොතු යොදා පත්තුවක් හදා බැන්ද බව කියන පුතකු පිළිබදව පසුගිය දා ගම්පහ යක්කලට නුදුරු ගම්මානයකින් වාර්තා විය.
තරුණ පුතෙකි. මව දින කිහිපයකට පෙර අනතුරකට ලක්ව පාදයක් බිදීමට ලක්වූවාය. කැඩුම් බිඳුම් ප්‍රතිකාර ලබාගෙන පැමිණ ප්‍රතිකාර කරන අතරේ එක් පත්තුවකට ඇහැළ පොතු ගැනීමට නියමිතව තිබිණි.
පියා පුතා අමතා වත්ත පහළ කොස් ගහ ළඟ ඇති ඇහැළ ගහෙන් පොතු ගලවාගෙන එන ලෙස දැන්වීය. මන්නයක්ද රැගෙන ගිය පුතා ඇහැළ පොතු රැගෙන ආයේය. සියල්ල වංගෙඩියකට දමා කොටන ලෙස පියා කළ ඉල්ලීම අනුව පුතා බෙහෙත් කොටා දුන්නේය. පත්තුව හැදු පියා බිරියගේ පාදයට එයින් ප්‍රතිකාර කළේය.
දෙදිනකට පසු පියා වත්ත පහළට ගිය විට දී වල්බිලින් ගසේ පොතු ගසා ඇති වග දුටුවේය. ඇහැළ ගසේ පොතු ගැල වූ සලකුණක්ද නොවීය. ඒ ගැන සොයා බලද්දී පුතා වැරදීමකින් ඇහැළ ගස අසල තිබූ වල් බිලින් ගහෙන් පොතු ගලවාගෙන ගොස් බෙහෙත් කොටා ඇති බව තේරුම් ගත්තේය.
වහා නිවෙසට ගිය පියා බිරියගේ පාදයට බෙහෙත් පත්තුවද බැඳ තිබුණි. පාදයේ අමාරුව ද සුව විය. කෙසේ හෝ මේ ආරංචිය පුතුගේ මිතුරන් කනට ගිහින් දැන් ඔවුන් “මචං ඇහැළ වල් බිලින් වගේද“ කියා මිතුරා ගෙන් අහනවාලු.
සෙල්ලම් කරමින් තිබූ පන්දුව අත්අඩංගුවට ගත් අසල්වැසියාට අපූරු දඬුවමක් දුන් කොල්ලන් පිරිසක් පිළිබඳ කතාවක් ගාලු දිසාවේ නගරයකින් අසන්නට ලැබේ.
දියණියකගේ මංගල උත්සවයකට හිතවතුන් කණ්ඩායමක් විසින් රැගෙන ආ විශාල තෑගි පෙට්ටිය විවෘත කර බැලූ විට ගෘහ මූලිකයාට පවුලේ ඥාතින් ඉදිරියේ හීන් දාඩිය දැමු පුව
යුගදිවිය ප්‍රී්‍රතියෙන් ප්‍රමෝදයෙන් ගත කිරීමට ඒ සම්බන්ධයෙන් දේශනයක් පැවැත්වූ දේශකයා කියූ පිළිවෙත අනුව භාර්යාවගේ උපන් දිනය දා දීමට ගෙන ආ මල් කිනිත්ත
“ආයේ මම ගමේ කාගෙවත් කෙසෙල් කැන් හොරෙන් කපන්නේ නෑ” යැයි පවසමින්, කාලයක සිට හොරෙන් කෙසෙල් කැන් කපා අලෙවි කර මත්ද්‍රව්‍ය පානය කර ඇතැයි කියන තරුණයකු කෙසෙ
දුරකතන අංක නිවැරදි ආකාරයෙන් සටහන් කර තැබීමට නොහැකි වීමත්, නිසි පරිදි සොයා නොබලා ඇමතුම් ලබා ගැනීමත් හේතුවෙන් සිදුවූ අකරතැබ්බයක් පිළිබඳ පුවතක් දකුණු ප
කොල්ලාගෙන් ගන්න බැරි වුණු පලිය බල්ලාගෙන් ගන්න බලු වැඩක් කොට බලු කූඩුවේ නොවැටී අනූනවයෙන් බේරුණු අයකු පිළිබඳ කතාවක් අම්බලන්ගොඩට නුදුරු ප්‍රදේශයකින
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර
2024 සැප්තැම්බර් මස 21
457
0
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්‍රී ලංකාවේ ජනපති වන්නේ කවුරුන්
2024 සැප්තැම්බර් මස 19
1422
4
ශ්‍රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
මවගේ බිඳුණු පාදයට පුතා අමුතු පත්තුවක් බැඳලා
Perakum Monday, 19 June 2017 06:21 AM
පුදුම වෙන්න දෙයක් නෑ. බෙහෙත් නැතුව නිකන් පත්තුව බැන්දත් සනීප වෙනවා නේ....
sam Monday, 19 June 2017 07:27 AM
80 දශකයේ මගේ සේවා සගයෙකු නිතර සෙම් අමාරුවලින් පෙළුනා . මේකට කෙම් ප්‍රතිකාරයක් ලෙස, නිශ්ශබ්දව, කතා නොකර සස්සඳ වැලක මුල අනුභව කරන ලෙසට වැඩිහිටි සේවකයෙක් උපදෙස් දුන්නා. රෝගී මිතුරා සස්සඳ හඳුනන්නේ නැහැ. අපගේ සේවා ස්ථානයේ යම් තැනක සස්සඳ වැලක් තිබෙනවා මා දැක තිබුණ නිසා අපි කතා නොකර එම ස්ථානයට ගියා. නමුත් සස්සඳ වැල තිබුනේ නැහැ. ඒ වුණාට එතනම පෝටා වැල් ගොන්නක්ම තිබුණා. මම හස්ත මුද්‍රාවෙන් පෝටා මුලක් පෙන්නුවහම මෙයා එළුවෙක් වාගේ පෝටා මුලක් එහෙම පිටින්ම කෑවා. ටික දිනකින්ම ඔහුගේ රෝගය සුව වුණ අතර මේ සිද්ධිය එලි වුණේ ඔහු තවත් කෙනෙකුට මේ පෝටා වැල සස්සඳ ලෙස පෙන්වාදෙන්න යාමෙනුයි..
arschloch Monday, 19 June 2017 03:38 PM
පුතා හොඳට දන්නවා ඇති පත්තු බඳින්න... ඒ හින්දා අම්මගේ තුවාලේ නිකම්ම සුවවෙන්න ඇති..!!!
arschloch Friday, 23 June 2017 11:31 AM
මෙහෙම අමුතු පත්තු බඳින්න ඇත්තේ පළවෙනි වතාව හින්දා හොඳ වෙයිද දන්නෑ ...
sam Friday, 23 June 2017 10:21 PM
කකුලක් කැඩී සිටින නාගරික කාන්තාවකට එකල ලංකාවේ ප්‍රසිද්ධ වෙද මහතෙකු වූ මාගේ සීයාගෙන් ප්‍රතිකාර ලබා ගැනීමට යෝජනා කල විට ඔහුව "පින්න කොළ වෙදා" ලෙස හැඳින්වූ බව සීයාටත් ආරංචි වී තිබුණා. කෙසේ නමුත් අවසානයේ මේ කාන්තාවට ප්‍රතිකාර ලබා දීමට සිදු වූ අතර සියලුම පත්තු, මැල්ලුම්, කසාය, ආදී බෙහෙත් වර්ග වලට පින්න කොළ ඇතුලත් කිරීමට මාගේ සීයා කටයුතු කල බවත් ප්‍රතිකාරය ඉතාම හොඳින් සිදු වූ බවත් අපේ පවුලේ වැඩිහිටියන් දන්නා සිද්ධියක්. මෙවැනි හෙළ වෙදකම් අපි අගය කළ යුතුයි.
dammi Saturday, 24 June 2017 02:42 PM
දවස් දෙකකින් අස්ථියක් කැඩුණාම හොඳ වෙනවාද? මොන පාසලටද ගියේ...