ඔහු ප‍්‍රසිද්ධ ව්‍යාපාරිකයෙකි. ආගමික ස්ථානයක පැවති අඩුපාඩුවක්  දුටු හෙතෙම තම පෞද්ගලික ධනයෙන් එම කටයුත්ත ඉටුකර දීමට පොරොන්දු විය. ඒ සඳහා පෙදරේරුවකු කර්මිකයකු ඔහුට හමුවිය. අත්උදව් කරු තමා විසින්ම සොයාගන්නා බව ව්‍යාපාරිකයාට පැවසු අතර වැඩය පටන් ගත්තේය. ව්‍යාපාරිකයා වැඩ පරික්‍ෂා කර බැලීමට එම ස්ථානයට යනවිට බාසුන්නැහේ කඩියකු මෙන් වැඩපළ කරමින් සිටියේය.  බදාම අනාගැනීම පවා ඔහුම කරගත්තේය. ඒ අසල තරමක් හැඩ කාන්තාවක් සිටිනු දුටු මුදලාලි ”කෝ බාසුන්නැහේ. ඔහේගේ ගෝලයා..”? යි  ඇසීය. ඔහුද ”අර  ඉන්නේ එයා තමයි” කියා කාන්තාවක් පෙන්නුවේය. එවිට ඇය ඔමරි පාමින් මුදාලාලිට සිනාසුණාය. ගෝලයා වැඩකළ යුතු වුවද එහි සිදුවුණේ බාසුන්නැහේම අනාගන්නා බදාම ටික ඇය ළඟට ගෙනැවිත් දීම පමණකි. මේ අතර තව දිනක වැඩ පරික්‍ෂා කිරීමට මුදලාලි එහි යනවිට ”එම කාන්තාව” අතරමගදී මුණ ගැසිණි. මුදලාලි  ඇයගෙන් ඒ ගැන විමසද්දී  තම වැඩ කොටස් නිමකළ බැවින් නිවසට යන බව කීවාය. මුදලාලි වැඩපොළට ගොස් ”කෝ බාස්සුන්නැහේ ගෝලයා” විමසනවිට වතුර ටිකක් බීලා එන්නට ගිය බව පෙදරේරුවා කීය. මෙතන පයිප්පයක් තියෙද්දී අහවල් දේකටද වෙන කොහේවත් වතුර බොන්න යන්නේ?  යැයි මුදලාලි ප‍්‍රශ්න කරනවිට බාසුන්නැහේ කට උත්තර  නැතිව කඩියකු මෙන් යළි  වැඩෙහි නිරතවෙමින් මෙසේ කීය. ”මුදලාලි මම එයාගේ වැඩ ටිකත් කරනවානේ.? කීය”. ”එතකොට මම එක මිනිහට  විසි දෙකක් ගෙවන එකේ තේරුමක් නැහැනේ”  මුදලාලි  කීය. ”නෑ.. මුදලාලි මම එයත් එක්ක පොඩි සම්බන්ධයක් තියෙනවා” එවිට පෙදරේරුවා කීය. ඔය බළලා එළියට පැන්නේ.! එහෙම කියන්න එපායැ. කී  මුදලාලි එතැනින් නික්ම  යද්දී පෙදරේරුවා පිංසෙන්ඩුවෙමින් රහස කිසිවකුට හෝ  එළි නොකරන ලෙස බැගෑපැත් වූයේ තමා වෙනත් කාන්තාවක සමග විවාහවී සිටින බවද පවසමිනි. එහෙත් දැන් අත්උදව්වට අනියම් බිරිය ගෝලයකු ලෙස යොදාගත් පුවත හෙළිවෙමින් පවතී.