රාජ්‍ය ආයතනයක සේවය කරන උසස් නිලධාරියකුගේ විවේක කාමරයේ ඇඳක් මත සේදූ කාන්තා යට ඇඳුම් තොගයක් වනා ඒවා වියළීම සඳහා එහි විදුලි පංකාව ද ක‍්‍රියාත්මක කර තිබූ බව කියවෙන පුවතක් වියලූව ප‍්‍රදේශයෙන් වාර්තා වේ. සිද්ධිය සියැසින් දුටු එම ආයතනයේම පිරිසක් පැවසූ අන්දමට කතාව මෙසේය. එය වියලූවේ අර්ධ නාගරික ප‍්‍රදේශයක පිහිටි රාජ්‍ය ආයතනයකි. එහි සේවය කරන උසස් නිලධාරීන්ගේ පරිහරණය සඳහා යාබද නාන කාමරයක් සහිත විවේක කාමරයක් ද වෙන් කර තිබිණි. නිලධාරීන් සේවයට වාර්තා නොකරන අවස්ථාවේදීත් ඉන් පිටවන අවස්ථාවේදීත් බොහෝ විට එය අඟුළු දමා තිබිණි. පසුගිය දිනෙක එම ආයතනයේ තවත් උසස් නිලධාරියකුට එහි සේවක මහතකු ද සමග විවේක කාමරයේ දොරඟුළු විවෘත කර ඊට ඇතුළු වූයේ කිසියම් අවශ්‍යතාවක් සඳහාය. ඔහුට දැක ගන්නට ලැබුණේ අපූරු දර්ශනයකි. කාමරයේ ඇඳ පුරාවට විවිධ වර්ණයෙන් යුත් කාන්තා යට ඇඳුම් තොගයක් වනා තිබිණි. එහි විදුලි පංකාව ද වේගයෙන් ක‍්‍රියාත්මක කර තිබිණි. එම මොහොතේම එහි පැමිණි ආයතනයේ ආරක්ෂක නිලධාරියා තව දුරටත් පරීක්ෂා කිරීමේදී දැනගන්නට ලැබුණේ ඒවා කලින් දිනයේ යාබද නාන කාමරයේදී සෝදා තිබූ බවකි. රෙදි වේලීම සඳහා විදුලි පංකාව ක‍්‍රියාත්මක කර තිබූ බව ද දැක ගන්නට ලැබිණි. කෙසේ වෙතත් පිරිස පිටව ගොස් තවත් හෝරා කීපයකින් යළි පරීක්ෂා කිරීමේදී එම පිරිසට දැක ගන්නට ලැබී ඇත්තේ එම යට ඇඳුම් තොගය අතුරුදන්ව තිබූ බවකි. කවුරුන් කොයි මොහොතේ රැුගෙන ගියාදැයි තවමත් රහසකි. සිද්ධිය ආයතන ප‍්‍රධානියා ඇතුළු ආයතනයේ සියලූම සේවකයෝ දැන් දනිති. එහෙත් කළේ කවුදැයි තවමත් රහසකි.