ස්වකීය නැගණියට අයුතු යෝජනාවක් කිරීම ගැන දැනගන්නට ලැබී කෝපයට පත්වූ තරුණ බිරියක් තම සැමියාගේ ජනනේන්ද්‍රිය පෙදෙසට උණුවතුර බාල්දියක් ගැසීමෙන් පිළිස්සුම් තුවාල ලැබූ ඔහු ප‍්‍රතිකාර ගැනීම සඳහා මහරෝහලට ඇතුළත්කර ඇත.

දරු ප‍්‍රසූතියක් සඳහා තම බිරිය ඇයගේ නැගණිය සමග රෝහල වෙත ගෙන ගොස් බිරිය රෝහල්ගතකර නෑනණ්ඩිය සමග නිවෙසට පැමිණි අවස්ථාවේ විවාහක මස්සිනා ඇයට අයුතු යෝජනාවක් කර ඇත. එහෙත් එම යෝජනාව පිළිකුල් සහගතව ප‍්‍රතික්‍ෂේප කළ නැගණිය තම සොහොයුරිය දරුවා පූසූතකර නිවෙසට පැමිණ නොබෝ දිනකින් මස්සිනාගේ අයුතු යෝජනාව පිළිබඳ සියලූ දෑ අක්කාට පැවසූහ.

මේ ගැන ඇය කෝපයට පත්වුවත් සැමියාට ඒ සම්බන්ධව කිසිවක් නොඅඟවා, නොවිමසා කල්ගත කළ බිරිය එක්තරා දිනක සැමියා හුදකලාව ඇඳ මත නිදා සිටියදී උතුරමින් තිබූ උණුවතුර බාල්දියක් ගෙනවිත් නිදා සිටි සැමියාගේ ඇඟට දැමූ බව කියති.

මෙයින් බරපතළ ලෙස පිළිස්සුම් තුවාල ලැබූ සැමියා කිසිවක් කර කියාගත නොහැකිව නිවෙසින් පිටව ගොස් ප‍්‍රතිකාර ලබා ගැනීම පිණිස රෝහලට ඇතුළත්ව තිබේ.

රෝහලේ ප‍්‍රතිකාර ලබන සැමියා රෝහල් සේවකයන්ට පවසා ඇත්තේ උණුවතුර වැටීමෙන් පිළිස්සුම් තුවාල ලැබූ බවය.