IMG-LOGO

2025 නොවැම්බර් මස 29 වන සෙනසුරාදා


ගුටි පූජාවකින් පස්සේ ග්‍රීස් යකා වහලයත් හදා දීලා

(මීරිගම විශේෂ - පුෂ්පකුමාර මල්ලවආරච්චි)
 තමන් සිටින්නේ උඩු මහලක බව අමතක වූ ග්‍රීස් යකෙකු ජනේලයෙන් පනිද්දී පහළින් වූ වහලක් කඩාගෙන බිම ඇද වැටී ගුටි කා අන්තිමේ වහලයත් තම වියදමෙන් අලුත්වැඩියා කර දුන් පුවතක් රජරට ගම්මානයකින් වාර්තා විය.


දෙමහල් නිවෙසකි. මවත් දරු දෙන්නාත් නින්දට යන්නේ උඩු මහලේ කාමරයකටය. සැමියා නිතර කොලොම්පුරේ රක්ෂාවක නිරත නිසා බොහෝවිට නිවසේ සිටින්නේ මවත් දරු දෙන්නාත් පමණය. මේ මව නිතර තමන්ගේත් දරුවන්ගේත් ආරක්ෂාව ගැන විමසිලිමත් වූයේ සැමියා නිතර නිවසේ නැති නිසාය.


ගමේ ගැවසෙන ග්‍රීස් යකෙකු ගැන ආරංචිවීමෙන් පසු මේ මවගේ විමසිලිමත් බව තවත් වැඩි විය. දිනපතා නින්දට පෙර දොර ජනෙල් වසා පිරික්සීමට ඇය කටයුතු කළේ ඒ නිසාය.


 පසුගිය දිනක ඇය නිවෙස වටා සෝදිසි කර අන්තිමේ ඇඳ යට පිරික්සද්දී නාඳුනන පුද්ගලයෙකු ගුලි වී සිටිනු දුටුවාය. මේ පුද්ගලයා දුටු ඇය බියපත් වී කෑ ගැසුවාය. මේ හඬින් කැළඹුණු ග්‍රීස් යකා කාන්තාව තල්ලු කරගෙන ගොස් ජනේලය විවෘත කර ඉවතට පැන්නේ තමන් සිටින්නේ උඩු මහලක බව අමතක වීම නිසාය.


ග්‍රීස් යකා ඇද වැටුණේ පහළින් වූ නිවසක තහඩු වහලය මතටය. වහල කැඩී බිම වැටුණු ග්‍රීස් යකා සිටියේ කොන්ද අල්ලාගෙනය. එහි නිවැසියාගෙන් පොල්ලක් කැඩෙන තුරුම පහරකෑමට ග්‍රීස් යකාට සිදුවූයේය. අන්තිමේ නොවදිනා වැදුම් වැඳ බේරුණු ග්‍රීස් යකා කැඩුණු වහලය තම වියදමෙන් අලුත්වැඩියා කරදීමට පොරොන්දු වූයේ ඉදිරියට යළිත් මේ ආකාරයේ නොහොඹිනාකම් නොකරන බවට ද සපථ කරමිනි. 


 ඒ අනුව දෙමහල් නිවසේ කාන්තාවට වැඳ සමාව ගත් ග්‍රීස් යකා කඩා වැටුණු වහලය ද තනවා දීමෙන් පසු මෙතෙක් රාත්‍රියේ ගත කළ නිශාචර ජීවිතයට ද ආයුබෝවන් කියා ගමෙන් පිටව කුලී වැඩ කරමින් ජීවිකාව ගෙන යමින් සිටී. 

 



අදහස් (1)

ගුටි පූජාවකින් පස්සේ ග්‍රීස් යකා වහලයත් හදා දීලා

ravi Wednesday, 05 September 2018 08:52 AM

අද අපේ රටේ තියන හොඳම පුජාව තමයි .. " ගුටි පුජාව " මේක මහා පුදුම බලයකින් පිරි පුජාවක් ..

:       0       30

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී  ලංකා ඉන්ෂුවරන්ස් ලයිෆ්, 2025  SLIM  ජාතික විකුණුම් සම්මාන රාත‍්‍රියේදී  (SLIM National Sales Awards) සම්මානයන්ගෙන් පිදුම් ලබයි. 2025 නොවැම්බර් මස 21 196 1
ශ‍්‍රී ලංකා ඉන්ෂුවරන්ස් ලයිෆ්, 2025 SLIM ජාතික විකුණුම් සම්මාන රාත‍්‍රියේදී (SLIM National Sales Awards) සම්මානයන්ගෙන් පිදුම් ලබයි.

ශ‍්‍රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ‍්‍රී ලංක

ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න. 2025 නොවැම්බර් මස 17 257 0
ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න.

දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්‍යභාරයක් නේද? හවසට වැඩ ඇරිලා ගෙදර යන ගම

නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි. 2025 නොවැම්බර් මස 04 1157 0
නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි.

2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්

Our Group Site