IMG-LOGO

කොන්දොස්තර මාරුවෙලා පොලිසියට පටලැවිල්ලක්

වේගයෙන් ආ යතුරපැදියක් කොළඹ සිට ධාවනය ඇරඹූ පෞද්ගලික බස් රථයේ හැපුණා. එහි පැමිණි තරුණයා මෙම අනතුරින් බරපතළ තුවාල ලබා රෝහලට ඇතුළු කළේය. ඒ අතර අවටින් පැමිණි සෙනඟ දුටු බසයේ රියැදුරු වහාම පොලිසියට ගොස් සිද්ධිය දැනුම් දී බාරවිය. ඒ අනුව පොලීසිය වහාම කි‍්‍රයාත්මක වී අනතුර වු ස්ථානයට  පැමිණ පරීක්‍ෂණ ආරම්භ කළේය. අනතුර සිදුකළ පෞද්ගලික  බසය පාර මැද නතර කර තිබුණි. ඊට ඉදිරියේ දැඩි ලෙස හානියට පත් යතුරුපැදියක්ද බිම පෙරැළි තිබුණි. පාර මැද  ලේ සලකුණු ද තිබුණි .එම ස්ථානයට විශාල පිරිසක් එක්  රොක් වී සිටි අතර එහි ආ පොලිස් නිලධාරීහු පරීක්‍ෂණ ඇරඹූහ. අනතුර සිදුකළ රියැදුරු පොලිසියේ රඳවා ආ බැවින් රැස්ව සිටි අයගෙන් විස්තර විමසූ අතර එක් නිලධාරියෙක් ''කෝ මේ බස් එකේ කොන්දොස්තර” යි ප‍්‍රශ්න කළේය. සෙනඟ අතර බස් ටිකට් නිකුත් කරන මැෂිමක් හා නෝට්ටු ඇඟිලි අතර රඳවා සිටි  තරුණ ගැටයෙක්ද සෙනඟ අතර සිටියත් පොලිස් නිලධාරින්ගේ  ප‍්‍රශ්න කිරීම ඔහු ගණන් නොගෙනම සිටියේය. ''කෝ මේ කොන්දොස්තර” පොලිස් නිලධාරියා යළි විමසීය. රැස්ව සිටි පිරිස් තමන් අතර ටිකට් මැෂිම තියාගෙන සිටි තරුණ ගැටයා නිලධාරියාට පෙන්වමින් ''සර් මේ මෙතන ඉන්වායි’’ කීහ. ඔහු ළඟට ගිය පොලිස් නිලධාරියා  ''තමුසේ කොන්දොස්තරද?”   විමසු විට ''ඔව් සර් මම කොන්දොස්තර තමයි” කැඩුණු සිංහලෙන් පිළිතුරු දුන්නේය. එහෙම නම් නගිනවා ජිප් එකට, යි පොලිසිය කි විට බියට පත් ගැටයා ''සර් මට ,මට”යි තැනනුවේය. ඒවා හරියන්නේ නැහැ නගිනවා ජිප් එකට කට උත්තර අරන් අරින්නම්”යි කියමින් ඔහු අල්ලා ජීප් එකට දාගෙන ආ එක් නිලධාරියෙක් ඔහුව පොලිසියේ බංකුවක් මත වාඩි කරවිය. ද්‍රවිඩ ජාතික තරුණයා දැඩිලෙස බියට පත්ව නිහඬව බංකුව මත වාඩිවිය. ඒ සමඟම සෙනග පිරිණු පෞද්ගලික බසයත් පැමිණ පොලිසිය ඉදිරිපිට නතර කළේය. එහි රියැදුරු බිමට බැස පොලිසියේ ගේට්ටුව ළඟ සිටි නිලධාරියා දැනුම්වත් කර රථවාහන ඒකකයට පිවිසියේය. එහි බංකුවක් මත කලින් රැගෙන ආ කොන්දොස්තර ගැටයා වාඩිවී සිටිනු දුටු රියැදුරු නිලධාරියකු ළඟට  ගොස් ‘‘සර්  ....අර බංකුවේ ඉන්නේ මගේ බසයේ කොන්දොස්තර. කට උත්තරය ගන්න අරං ආවලූ. මොනවාටද සර් මිනිහගෙන් කට උත්තර ගන්නේ’’. රියැදුරු විමසූ විට පටලැවිල්ල තේරුම් ගිය අතර බංකුවේ හුන් කොන්දොස්තර ගැටයා කැඳවා ප‍්‍රශ්න කළේය. කොළඹ සිට ආ බසය අනතුර සිදුකළ තැනට ආ විට අනතුර බලන්න ගොස් සෙනඟ අතර සිටි කොන්දොස්තර වැරදීමකින් කටඋත්තර ගැනිමට රැගෙන විත් තිබූ බව මෙහිදී හෙළිවිය. ටිකට් මැෂිම හා නෝට්ටු අතේ තිබු නිසා කවුරුත් ඔහු අනතුර සිදුකළ බසයේ කොන්දොස්තර යැයි හිතා ඔහු පොලිසියට යොමුකිරිම නිසා මෙම පැටලැවිල්ල වි ඇති බව වැටහුණි. වු ප‍්‍රමාද දෝෂය තේරුම් ගත් පසු පොලිසිය ඔහු මුදා හැර ඇත.



අදහස් (0)

කොන්දොස්තර මාරුවෙලා පොලිසියට පටලැවිල්ලක්

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 233 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 757 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1176 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site