IMG-LOGO

2025 පෙබරවාරි මස 18 වන අඟහරුවාදා


කතකට ඇවිදින්න යන්න කතාකර බසයේදී ගුටිකයි

බසයක ගමන් කරමින් සිටියදී කාන්තාවකට හේත්තුවී ඇයට තමා සමග පිටකොටුවේ ඇවිදීමට එන්නැයි කී මැදිවියේ පුද්ගලයෙකු තරුණයන් දෙදෙනෙකුගෙන් හොඳ හැටි ගුටි කෑමේ සිද්ධියක් ඉකුත්දා පිටකොටුවේ බස් රථයකදී දකින්නට ලැබිණි.

සරමක් හා කමිසයකින් සැරසී බස් රථයේ ඉදිරි පෙළ අසුනක වාඩිවී සිටි මැදිවියේ පුද්ගලයාගේ දකුණු පසින් මැදිවියේ කාන්තාවක වාඩිවී සිටියාය. ඔහු වරින් වර ඇය සමග බලෙන්ම වාගේ කතා බහ කරමින් ඇයගේ සිරුරටද හේත්තු වන්නට පටන් ගත්තේය. එය කාන්තාවට නුරුස්සන දෙයක් බවට පත්වී තිබුණු බව ඇයගේ හැසිරීමෙන් දකින්නට විය.

බසය පිටකොටුවට ළඟාවත්ම ඔයා යන්නේ කොහාටදැයි ඔහු ඇයගෙන් විමසූ විට බඩු වගයක් ගන්න පිටකොටුවට යනවා යැයි ඇය පැවසුවාය. මමත් ඉන්නේ පිටකොටුවේ මට කොටුවත් එකයි පිටකොටුවත් එකයි. ඕනෑම කඩයක් අඳුනනවා තනියම යන්න එපා. මේවගේ ඉන්න එවුන් එච්චර හොඳ නැහැ. අද ගෑනියකට තනියම ඇවිදින්න පුළුවන්ද.

බය නැතුව එන්න මාත් එක්ක. ඕනෑම තැනකට යමු මම උදවු කරන්නම්කෝ, යැයි කියමින් ඔහු ඇයට තවත් ළංවිය. මෙතෙක් ඉවසාගෙන සිටි ඇය වහා නැගිට මේ මිනිහා මට ඉන්න දෙන්නේ නැහැ. අනෙකුත් මගීන්ට ඇසෙන සේ පැවසුවාය.

වහා එතැනට පැමිණි තරුණයන් දෙදෙනෙකුට කාන්තාව තමනට මෙතෙක් වේලා සිදුවූ හිරිහැර පැවැසුවාය. තරුණයන් දෙදෙනා කාන්තාවට හිරිහැර කළ පුද්ගලයාට දෝෂාරෝපණ කරද්දී ඔහුද මහා හඬින් කෑ ගසමින් මම ඒ ගෑනිට මොකුත් කළේ නැහැ ඕයි. කියමින් ගෝරනාඩු කරන්නට විය.

තරුණයෝද ඔහුට හොඳ පහර කීපයක් එල්ල කළහ. එයිනුත් නොසැලූණු ඔහු හරි මම බලා ගන්නම් මගෙත් කොල්ලෙක් හමුදාවේ ඉන්නේ යයි දොඩවමින් හිස්ව තිබූ වෙනත් අසුනකින් වාඩිවී ගියේය.



අදහස් (0)

කතකට ඇවිදින්න යන්න කතාකර බසයේදී ගුටිකයි

සුකොමලී Tuesday, 29 September 2015 07:55 AM

දැන් තියෙන්නේ අර ඉන්දියාවේ වගේ",කාන්තාවන්ට පමණයි"කියලා බස් එකේ කොටසක් වෙන් කරගන්න එක.එවිට මම හිතන්නේ මේ වාගේ නැහැදිච්ච මිනිසුන්ගෙන් බේරිලා අපේ කාන්තා පරපුරට නිවී සැනසිල්ලේ තමන්ගේ ගමන් බිමන් යන්න හැකි වේවි කියලා.ඒත් ........ඒක එහෙම අපේ රටේ වෙයිද.....? (අ)

:       1       0

රොෂාන් Monday, 28 September 2015 04:50 PM

ඒකනන් හොද වැඩෙි දෙන්න ඕනේ දත් සෙටි එක බඩට යන්න (බ)

:       0       0

සුසන්ත Monday, 28 September 2015 05:33 AM

යස වැඩේ ඉල ඇට කුඩුවෙන්නයි ගහන්න තිබුණෙ. (අ)

:       0       0

අජිත් Wednesday, 30 September 2015 02:10 PM

ජනිත්, ඉතින් එම නිදහස නැතිකළේ කව්ද? ඒකට වගකියන්න ඕනේ කව්ද? මේ සේරම උනේ 77 න් පස්සේ. (ර)

:       0       0

ශලිනි Monday, 28 September 2015 06:50 AM

කාන්තාවක් කියන්නේ ඕනැම පිරිමියෙකුට හා කියන්න මැවිලා තිබෙන භාණ්ඩයක් කියලානේ මේ සමහරු හිතන්නේ. (අ)

:       0       0

සරත් Monday, 28 September 2015 10:10 PM

ඇයි නෝනේ නොදන්නා අයත් එක්ක කතාවට ගියේ? පාඩුවේ ගියා නම් ඉවරනේ. (නි)

:       0       0

චන්දි Wednesday, 30 September 2015 04:58 PM

හොඳ වැඩේ ගහපු එකනම්. ගහලා පොලිසියට දෙන්න තිබුනේ.ගැහැණුන්ට අපහාස කරන්නෙත් පිරිමි, ගැහැණුන්ට කරදර කරන්නෙත් පිරිමි. අනේ මන්දා, මේ එරික්ලා වගේ මිනිස්සු කවදා හැදෙයිද කියලා. (නි)

:       0       0

අශෝක ‍ Tuesday, 29 September 2015 09:35 PM

කපන්න තිබුනේ මිනිහගේ කට නැවත ඔය වගේ දෙයක් කරන්න බැරිවෙන්න (නි)

:       0       0

රෙජි-සිඩ්නි Tuesday, 29 September 2015 12:45 AM

අනේ දෙවියනේ!මේ මිනිසුන්ට මොනවද වෙලා තියෙන්නේ?කාන්තාවකටවත් තනිපංගලමේ ගමනක් බිමනක් යන්න දෙන්නේ නැත්තේ ඇයි? (නි)

:       0       0

තුෂා Monday, 28 September 2015 08:16 AM

මේ කතාවේ සරමකින් සැරසී සිටිය පුද්ගලයෙකුගේ කතාව කියවනවිට මට කලකට ඉහත සිදු වුණ දෙයක් මතක් වුණා. නුවර සිට මාතලේ දක්වා ධාවනයවූ සෙනඟ පිරි ලංගම බස් රථයක සිටගෙන ගමන් කරපු මගීන් දෙදෙනෙක් අතර රන්ඩුවකි. එක්කෙනෙක් සරම් කාරයෙක්. අනිකා කලිසම් කාරයෙක්.සරම ඇඳී පුද්ගලයා අහනවා අනෙකාගෙන් "තමුසේ කලිසමකුත් ඇඳගෙනද ඕයි .මෙහෙම කරන්නේ" කියලා.කලිසම ඇඳී පුද්ගලයා අහනවා "තමුසේ සරමක් ඇඳගෙනද මෙහෙම කතා කරන්නේ" කියලා.සන්ඩුව මොකටද දන්නේ නැති වුණාත් මට මේක මතක් වෙද්දී තාම හිනා. (අ)

:       0       0

එරික් Wednesday, 30 September 2015 08:39 AM

වීරයෝ ඕනේ තරම් , ඔය ගහපු දෙන්නට නම් ඇවිදින්න යන්න බැරිවුනාට ඊර්ශ්‍යාව ඇති. (ස)

:       0       0

අජිත් කරුණාරත්න Wednesday, 30 September 2015 04:03 AM

තරුණ දරුවන් දෙදෙනාට ගොඩක් ස්තුතියි. මේ වගේ දේවලට සමහරු මැදිහත් වෙන්නේ නැහැ. අහක බලා ගෙන යනවා. ඒක නිසා බස්වල ගමන් ගන්න කාන්තාවන්ට මෙවැනි හිරිහැර වල අඩුවීමක් වෙන්නේ නැහැ. මෙහෙම ඉදිරිපත් වන දරුවන් කාන්තාවන්ට ලොකු ආරක්ෂාවක්. නැවතත් එම දරුවන්ට ස්තුතියි. (බ)

:       0       0

අජිත් Tuesday, 29 September 2015 11:57 AM

කාන්තා හිංසනය පිටු දකිමු. (ර)

:       0       0

සමාධි Monday, 28 September 2015 12:01 PM

පුදුම මිනිස්සු තමා. (අ)

:       0       0

පිටබැද්දර ජයා Monday, 28 September 2015 01:47 PM

වරද ඔහුගේ වුණත් නිතිය අතට ගන්න එකනම් වැරදියි, කරන්න තිබුණේ පොලොසියට බාර දෙන්නයි (අ)

:       0       0

ජනිත් Wednesday, 30 September 2015 12:19 PM

ළමා අපචාර කාන්තාවන් දුශන කිරීම් ..අපේ සමාජය ගොඩක් පිරිහිලා ...මේකට හොදම විසදුම ගම වල ජනතව එකතු වෙන එක .....මම දන්නා තරමින් අපේ ගමේ ඔය වගේ නරක වැඩක් කරලා බේරෙන්න බැරි බව ගමේ ඉන්න කසිප්පු කාරයත් දන්නවා....ඒ නිසා ගමේ තරුණියකට කාන්තාවකට තනියම පාරේ යන්න වාතාවරණයක් හැදිලා තියෙනවා .(හේ)

:       0       0

ප්‍රංශයේ - සුජීව Monday, 28 September 2015 02:16 PM

සමහර මිනිස්සුන්ට ගුටි කාලත් ලැජ්ජ නැහැ (බ)

:       0       0

ඔබේ අදහස් එවන්න

 

 

දෙයියෝ සාක්කි

ලයින් දාන්න ගිහින් තරු පෙනිලා
2025 පෙබරවාරි මස 18 347 0

උපකාරක පන්ති නිමවී බස් පොළේ කරක් ගැසූ සිසුන් තිදෙනාට පාසල් පන්ති කාමරයේදී හෝ උපකාරක පන්තියේදී ඉගෙන ගැනීමට නොහැකිවූ අපුරු කතාවක් ගාලු‍ දිසාවේ ප්‍රසිද


වැලැන්ටයින් සමරන්න ගිහින් ගුටි කාලා
2025 පෙබරවාරි මස 17 693 2

වැලැන්ටයින් දා මල් කලඹක් දී අනියම් පෙම්වතිය හමුවී පෙම් සුව විදින්නට ගිය විදුහල්පතිවරයකුට ගම්වාසීන් එක්ව පහර දුන් බවට තොරතුරක් වයඹ පළාතෙන් වාර්තා වෙය


මැල්ලුම මාරු වී වැසිකිලි පෝලිමේ
2025 පෙබරවාරි මස 15 533 0

පියාගේ පාදයක අසනීපයකට බඳින්නට සාදන ලද බෙහෙත් මැල්ලු‍ම සහ නිවසේ අාහාරයට පිසින ලද පළා මැල්ලු‍ම මාරුවී අනුභව කිරීමෙන් අපුරු අකරතැබ්බකට මුහුණ පෑමට ලක්වු


ආප්ප කන්න ගිහින් රෙදි ගලෝගෙන
2025 පෙබරවාරි මස 15 324 0

අඩු මුදලට බිත්තර ආප්ප කන්නට ගිය තරුණ පිරිසක් පිළිබඳ පුවතකි.සිද්ධිය මෙසේ ය. එය අර්ධ නාගරික ප්‍රදේශයක පිහිටි තේ වෙළෙඳ සලකි.


අමුඩය අමතක වී ලේලිය අමනාප වෙලා
2025 පෙබරවාරි මස 15 162 0

මී හරක් පට්ටියකට හිමිකම් කියූ කිරි ගොවියකුට ‘‘අමුඩය”‍ අමතක වීම නිසා තම එකම පුතු අලුත විවාහ කර ගත් ලේලිය අමනාප වී නිවසින් පිටව ගිය අපූරු පුවතක් වැව් බැඳ


නම පැටලී අලි ජරමරයක
2025 පෙබරවාරි මස 15 121 0

අනුන්ගේ පුතකුට උප්පැන්නයක් ලියන්න ගිය පියකු පිට වැටුණු අලි ජරමරයක් පිළිබඳ කතාවක් ගාලු‍ දිසාවේ ප්‍රසිද්ධ පාසලකින් අසන්නට ලැබේ.


මේවාටත් කැමතිවනු ඇති

Samsung සමාගමෙන් උසස් AI විශේෂාංග වලින් සමන්විත දොර දෙකේ Bespoke AI ශීතකරණ මාලාවක් 2025 පෙබරවාරි මස 07 336 1
Samsung සමාගමෙන් උසස් AI විශේෂාංග වලින් සමන්විත දොර දෙකේ Bespoke AI ශීතකරණ මාලාවක්

ශ්‍රී ලංකාවේ අංක එකේ පාරිභෝගික ඉලෙක්ට්‍රොනික සන්නාමය වන Samsung සිය නවතම දොර දෙකේ Bespoke AI ශීතකරණ මාලාව ශ්‍රී ලංකාවට හදුන්වාදෙන ලදි.

උසස් පෙළින් පසු ඔබේ අනාගතය සැලසුම්කරන්න NSBM “Meet Your Lecturer” මේ සතිඅන්තයේ 2025 ජනවාරි මස 23 150 0
උසස් පෙළින් පසු ඔබේ අනාගතය සැලසුම්කරන්න NSBM “Meet Your Lecturer” මේ සතිඅන්තයේ

මෙවර උසස් පෙළ අවසන් කළ සිසුන්ට නිවැරදි මග පෙන්වීමක් ඇතිව තම අනාගතය සැලසුම් කිරීමට අවස්ථාව ලබාදෙමින් මෙරට ප්‍රමුඛතම විශ්වවිද්‍යාලයක් වන NSBM

“NSBM Edu Fair” උසස් අධ්‍යාපන  ප්‍රදර්ශනය  මේ සති අන්තයේ කොළඹ සහ මහනුවර දී 2025 ජනවාරි මස 08 1009 0
“NSBM Edu Fair” උසස් අධ්‍යාපන ප්‍රදර්ශනය මේ සති අන්තයේ කොළඹ සහ මහනුවර දී

NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්‍රදර්ශනය අති සාර්ථක ලෙස ඉකුත් සතිඅන්තයේ විශ්වවිද්‍යාල පරිශ්‍රයේදී පැවැත්විණි.

Our Group Site