එසැණ පුවත්

කුණු දැමූවන් ලවාම කුණු අද්දවති

දොම්පේ පහුරුවෙල මාර්ගයේ වෙල් යායක් අසළ සායනික අපද්‍රව්‍ය තොගයක් දමා ගිය පිය පුතු දෙපළක් ලවාම එම අපද්‍රව්‍ය තොගය යළි වෙනත් ස්ථානයකට රැගෙන යාමට අද(04) අවශ්‍ය කටයුතු කළ බව දොම්පේ පොලීසිය කියයි.

04 September 2019

බුද්ධි තොරතුරු නොසළකා හළ වගකිව යුත්තන්ට අධි චෝදනා ගොනු කරන්න

පාස්කු දින ත්‍රස්ත ප්‍රහාරයක් එල්ල කිරීම සම්බන්ධයෙන් අදාළ බුද්ධි අංශ අනතුරු අගවා තිබියදීත් අදාළ වගකිවයුත්තන් එය නොසළකා හැරීම සම්බන්ධයෙන් ඔවුන්ට එරෙහිව අධි චෝදනා ගොනු කළ යුතු යැයි ඇන්ග්ලිකන් සභාවේ කොළඹ දියෝකීසයේ අගරදගුරු තුමන් වෙනුවෙන් පෙනී සිටින ජනාධිපති නීතීඥ චානක සිල්වා මහතා අද (4) ශ්‍රේෂ්ඨාධිකරණය හමුවේ කීය.

04 September 2019

නීතිපතිගෙන් විශේෂ ඉල්ලීමක්

අනිවාර්ය නිවාඩු යවා සිටින පොලිස්පති පූජිත් ජයසුන්දර මහතා පාස්කු දින ත්‍රස්ත ප්‍රහාරය සම්බන්ධයෙන් ගොනුකර ඇති මූලික අයිතිවාසිකම් පෙත්සම් විභාගයට අදාළව තමා සම්බන්ධයෙන් අසත්‍ය, පදනම් විරහිත සහ අපරාධ චෝදනා එල්ල කරමින් ඉදිරිපත් කර ඇති දිවුරුම් ප්‍රකාශ වහා ඉවත් කිරීමට නියෝග කරන්නැයි නීතිපති, ජනාධිපති නීතීඥ දප්පුල ද ලිවේරා මහතා අද (4) ශ්‍රේෂ්ඨාධිකරණයෙන් විශේෂ ඉල්ලීමක් කළේය.

04 September 2019

දඬුවම ලිහිල් කරන්නැයි කංජිපානිගෙන් ඇපෑලක්

කංසා ළඟ තබාගෙන ජාවාරම් කිරීමේ චෝදනාවන්ට වරද පිළිගත් තමන්ට මහාධිකරණයෙන් ලබාදුන් දඬුවම දැඩි බව පෙන්වා දෙන ජාත්‍යයන්තර මත්ද්‍රව්‍ය ජාවාරම්කරුවකු බව කියන කංජිපානි ඉම්රාන් නමැත්තා එම දඬුවම ලිහිල් කරන්නැයි අභියාචනයකරණයට ඇපෑලක් අද (4) ඉදිරිපත් කළේය.

04 September 2019

ශ්‍රී ලංකාවෙන් බංගලාදේශයට ඩොලර් 50,000 ක ගංවතුර ආධාර

ගංවතුර තත්ත්වය හේතුවෙන් පීඩාවට පත්ව සිටින බංගලාදේශයට ඇමරිකානු ඩොලර් 50,000ක ආධාර මුදලක් ලබාදීමට අමාත්‍ය මණ්ඩල අනුමැතිය හිමි වී තිබේ.

04 September 2019

ශ්‍රීලනිපයේ 5 කට විනය ක්‍රියාමාර්ග ගන්න ලිපි බාරදෙයි

ශ්‍රී ලංකා නිදහස් පක්ෂයෙන් ඉවත් වූ ජාතික ලැයිස්තු මන්ත්‍රීවරුන් 5 දෙනෙකුට එරෙහිව විනය ක්‍රියාමාර්ග ගැනීමට අදාළව පක්ෂය ලිපි බාර දී ඇතැයි ශ්‍රී ලංකා නිදහස් පක්ෂ මහලේකම් දයාසිරි ජයසේකර මහතා පැවසීය.

04 September 2019

මාලදිවයින් සංචාරය නිමවා අගමැති දිවයිනට

අග්‍රාමාත්‍ය රනිල් වික්‍රමසිංහ මහතා දෙදින මාලදිවයින සංචාරය නිමා කර අද(04) දහවල් කටුනායක ගුවන් තොටුපළට පැමිණියේය.

04 September 2019

බ්‍රිතාන්‍ය අගමැතිගේ යෝජනාව පරාජය වෙයි

බ්‍රෙක්සිට් වැඩපිළිවෙළ ක්‍රියාත්මක වීම වැළැක්වීමට බ්‍රිතාන්‍ය අගමැති බොරිස් ජොන්සන් විසින් පාර්ලිමේන්තුවට ඉදිරිපත්කර නව යෝජනාව පරාජයට පත්වී ඇති බව වාර්තා වේ.

04 September 2019

‘සජිත් එනවා’ තෙවැනි රැළිය කුරුණෑගල

‘සජිත් එනවා’ තේමාවෙන් රටපුරා සංවිධානය කිරීමට සැලසුම් කර තිබෙන රැස්වීම් මාලාවේ තුන්වන රැළිය කුරුණෑගල සත්‍යවාදී පිටියේ හෙට (5) පස්වරු 2.00 සිට පැවැත්වෙන බව ප‍්‍රවාහන හා සිවිල් ගුවන්සේවා රාජ්‍ය අමාත්‍ය අශෝක් අබේසිංහ මහතා පැවසීය.

04 September 2019

ජෝන් අමරතුංග ඉදිරිපත් කළ කැබිනට් සංදේශයට ඇමැතිවරුන් පිරිසකගේ විරෝධය

විල්පත්තු ජාතික වනෝද්‍යානය තුළ කතෝලික දේවස්ථානය පිහිටි භූමිය ජාතික වනෝද්‍යානයෙන් ඉවත් කර වෙනම ගැසට් කිරීම සඳහා වනජීවී හා සංචාරක හා ක්‍රිස්තියානි කටයුතු ඇමැති ජෝන් අමරතුංග මහතා විසින් ඉදිරිපත් කරන ලද කැබිනට් සංදේශයට අද (03) පැවැති කැබිනට් රැස්වීමේදී ඇමැතිවරුන් පිරිසක් දැඩි විරෝධය පළකර ඇතැයි රජයේ ආරංචි මාර්ග සඳහන් කරයි.

03 September 2019

වජිරගේ තීරුබදු සහන යෝජනාවට මංගලගේ විරෝධය

පළාත් සභාවල හිටපු මැති ඇමැතිවරුන්ට තීරුබදු සහන යටතේ වාහන ආනයනය සඳහා බලපත්‍ර නිකුත් කිරිමට අනුමැතිය ඉල්ලා පළාත් සභා හා ස්වදේශ කටයුතු ඇමැති වජිර අබේවර්ධන මහතා විසින් අද (3) පැවති කැබිනට් රැස්වීමට ඉදිරිපත් කරන ලද යෝජනාවට මුදල් ඇමැති මංගල සමරවීර මහතා විරුද්ධ වී ඇතැයි ද වාර්තා වේ.

03 September 2019

අරුවක්කාලු විරෝධතාකරුවන්ට අධිකරණයෙන් නියෝගයක්

පුත්තලම නගරයේ ප්‍රධාන මාර්ග හා දුම්රිය මාර්ග හරස් කරමින් විරෝධතා කිසිවක් නොපවත්වන ලෙසට පුත්තලම දිසා විනිසුරු හා මහෙස්ත්‍රාත් අනුර ඉන්ද්‍රජිත් බුද්ධදාස මහතා අද ( 03 ) එයට සම්බන්ධ සිව් දෙනෙකුට නියෝග කළ අතර එම සිව් දෙනාට 11 වැනිදා අධිකරණයේ පෙනී සිටින ලෙසට ද දන්වා නොතිසි ද නිකුත් කළේය.

03 September 2019

විගණනයක් කරන තුරු ක්‍රිකට් ඒඩ් මෙහෙයුම් අත්හිටුවන ලෙස කෝප් කමිටුවෙන් නියෝගයක්

ශ‍්‍රී ලංකා ක‍්‍රිකට් ආයතනය විසින් සමාගමක් වශයෙන් ලියාපදිංචි කර පිහිටුවා ඇති ක‍්‍රිකට් ඒඩ් (ක‍්‍රිකට් ආධාර) හි ගිණුම් පරීක්‍ෂා කර බලා විගණනයක් සිදුකරන තුරු එහි මෙහෙයුම් අත්හිටුවන ලෙස පොදු ව්‍යාපාර කාරක සභාව හෙවත් කෝප් කමිටුව ක‍්‍රිකට් ආයතන නිලධාරීන්ට නියෝග කළේය.

03 September 2019

‘‘විධායක ජනපති ධූරය අහෝසි කරන්න කැපවෙනවා‘‘

විධායක ජනාධිපති ධූරය අහෝසි කිරීම වෙනුවෙන් තමා තවදුරටත් කැපවී සිටින බව අග්‍රාමාත්‍ය රනිල් වික්‍රමසිංහ මහතා මාලදිවයින් පාර්ලිමේන්තුව හෙවත් මහජන මජ්ලිසය අමතමින් අද (03) දින ප්‍රකාශ කළේය.

03 September 2019

‘‘2020 පත්වන ජනපතිට නෙවෙයි අගමැතිටයි බලය තියෙන්නේ‘‘

ශ්‍රී ලංකා නිදහස් පක්ෂය ලෙස අපි කල්පනා කළ යුත්තේ විස්සයි විස්සේදී ජනාධිපති කවුද කියන එක ගැන නෙවෙයි අගමැති කවුද කියන එක ගැනයි. දහනව වන ව්‍යවස්ථා සංශෝධනය අනුව මීළගට පත්වෙන ජනාධිපතිට නොව බලය තිබෙන්නේ අගමැතිට යැයි ශ්‍රී ලංකා නිදහස් පක්ෂයේ සභාපති, ජනාධිපති මෛත‍්‍රීපාල සිරිසේන මහතා අද (03) පැවසීය.

03 September 2019

‘‘අර්ජුන් මහේන්ද්‍රන් ලංකාවට ගෙන්වන්න සියල්ල සූදානම්‘‘

හිටපු මහ බැංකු අධිපති අර්ජුන් මහේන්ද්‍රන් මහතා සිංගප්පූරුවේ සිට මෙරටට ගෙන්වීමට අවශ්‍ය සියලු කඩදාසිත් මහේන්ද්‍රන්ටත් වඩා ලොකු මහත්වරුන්ට උසාවියේ කූඩුවට නගින්නට සිදුවන ලිපිගොනු සියල්ලත් හදා අවසන් යැයි ද ජනාධිපති මෛත්‍රිපාල සිරිසේන මහතා ශ්‍රී ලංකා නිදහස් පක්ෂයේ 68 වැනි සංවත්සරයේ ප්‍රධාන දෙසුම කරමින් පැවැසීය.

03 September 2019

දක්ෂිණ අධිවේගයේ ඉදිකිරීම් වලින් ඉතිරිවන කොන්ක්‍රීට් මත්තල කැලෑවකට

මාතර සිට මත්තල දක්වා ඉදිකෙරෙන දක්ෂිණ අධිවේගි මාර්ගයේ පාලන් හා බෝක්කු ඉදිකිරීමට ගෙනවිත් ඉතිරි වූ කොන්ක්‍රීට් මත්තල ප්‍රදේශයේ කැලෑවක් තුළට දැමීමෙන් මහා පරිමාණ පරිසර හානියක් සිදු වන බව ප්‍රදේශවාසීහු පවසති.

03 September 2019

ගෝඨා ගැන හොයන්න සී.අයි.ඩී. 20 ක් හම්බන්තොට යති

පාස්කු ඉරුදින එල්ලවූ ත‍්‍රස්ත ප‍්‍රාහාරය ගැන හොයනවාටත් වඩා ජනාධිපතිවරණ අපේක්‍ෂක ගෝඨාභය රාජපක්‍ෂ මහතාගේ නම 2005 ඡන්ද හිමි නාමලේඛණයට ඇතුළත්ව තිබුනේදැයි සෙවීම අපරාධ පරීක්‍ෂණ දෙපාර්තමේන්තුවේ නිලධාරීන්ට වැදගත්ව තිබෙන බව විපක්‍ෂනායක මහින්ද රාජපක්‍ෂ මහතා අද (3) පැවැසීය.

03 September 2019

‘විස්සයි - විස්ස අලුත් ආණ්ඩුවක් හදනවා’

’ශ්‍රීලනිපයට 68 යි. මටත් 68 යි. 68 කියන්නේ පරිණතයි. අපි යෝධ බල යෝධ ශක්තියක් යොදවා දේශපාලන පරිවර්තයක් කර 20 – 20 අලුත් ආණ්ඩුවක් හදනවා’ යැයි ජනාධිපති මෛත්‍රීපාල සිරිසේන මහතා කීය.

03 September 2019

පුද්ගල ඝාතනයකට තිදෙනෙක්ට මරණ දඬුවම

වසර නවයකට පෙරදී මොරටුව මෝදර වත්ත ප්‍රදේශයේ දී ත්‍රී රෝද රථයක සිටි පුද්ගලයකුට තියුණු ආයුධ වලින් කපා කොටා ඝාතනය කිරිමේ සිද්ධියක් සම්බන්ධයෙන් එකම පවුලේ සහෝදරයන් දෙදෙනෙකු ඇතුළු පුද්ගලයන් තිදෙනෙකුට මරණ දඬුවම නියම කිරිමට පානදුර බස්නාහිර පළාත් මහාධිකරණ විනිසුරු මහේෂ් වීරමන් මහතා අද (3) නියෝග කළේය.

03 September 2019

රාවණ - 1 සාර්ථක ප්‍රතිඵල ලබාගනී

දේශීය ඉංජිනේරුවන් අතින් නිර්මාණය වූ රාවණ - 1 චන්ද්‍රිකාව සාර්ථකව ඡායාරූප හා තොරතුරු ලබා ගැනීමේ කාර්යයෙහි නියැලෙන බව නවීන තාක්ෂණය පිළිබඳ ආතර් සී.ක්ලාක් ආයතනය සඳහන් කරයි.

03 September 2019

ශ්‍රිලනිප යේ සමුළුව ඇරැඹේ

ශ්‍රී ලංකා නිදහස් පක්ෂයේ 68 වැනි මහා සමුළුව මීට ටික වේලාවකට පෙර අරැඹිණි.

03 September 2019

ශිෂ්‍යත්වය සමතුන්ට දෙන ශිෂ්‍යාධාරය 750 දක්වා ඉහළට

පහ ශ්‍රේණියේ ශිෂ්‍යත්ව විභාගයෙන් සමත් සිසු දරුවන්ට රජයෙන් ලබාදෙන මාසික ශිෂ්‍යාධාර මුදල රුපියල් 750 දක්වා ඉහළ නැංවීමට කැබිනට් මණ්ඩල අනුමැතිය හිමි වී තිබේ.

03 September 2019

ජ්‍යෙෂ්ඨ මාධ්‍යවේදී මෙරිල් පෙරේරා සමුගනී

දිනපතා දිවයින පුවත්පතේ හිටපු ප‍්‍රධාන කර්තෘවරයකු, ජ්‍යෙෂ්ඨ මාධ්‍යවේදියකු සහ ග‍්‍රන්ථ කතුවරයකු වූ මෙරිල් පෙරේරා මහතා අද(3) අභාවප‍්‍රාප්ත විය.

03 September 2019

හම්බන්තොට හිටපු නගරාධිපතිට හිරගෙදර විශේෂ සැලකිලි

අගුණකොළපැළැස්ස බන්ධනාගාරයේ සිරදඬුවම් විදින හම්බන්තොට හිටපු නගරාධිපති එරාජ් රවීන්ද්‍ර ප්‍රනාන්දු නමැත්තාට බන්ධනාගාර පරිපාලනයෙන් විශේෂ සැළකිලි ලැබෙමින් පවතින්නේ යැයි එහි අභ්‍යන්තර ආරංචි මාර්ග සඳහන් කරයි.

03 September 2019

‘ගෝලීය ත්‍රස්තවාදය මර්දනයට මාලදිවයින හා එක්ව විසඳුම් සොයනවා‘

ගෝලීය ත්‍රස්තවාදය , මත්ද්‍රව්‍ය ජාවාරම මර්දනය කිරීම සඳහා ශ්‍රී ලංකාව සහ මාලදිවයින එක්ව විසඳුම් සෙවිය යුතු බව අග්‍රාමාත්‍ය රනිල් වික්‍රමසිංහ මහතා මාලදිවයිනේ දී පැවසීය.

03 September 2019

සංවර්ධන නිලධාරීහු වර්ජනයකට සැරසෙති

පරිපාලන වියදම් දීමනාව ලබාදීම ඇතුළු ඉල්ලීම් 6ක් මුල්කරගනිමින් දිවයින පුරා රාජ්‍ය සේවයේ නියුතු සංවර්ධන නිලධාරීන් හෙට(4) වැඩවර්ජනයක හා උද්ඝෝෂණයක නියැළෙන බව සංවර්ධන නිලධාරී සේවා සංගමයේ කැඳවුම්කරු චන්දන සූරියආරච්චි මහතා ‘ලංකාදීප’ යට පැවසීය.

03 September 2019

බීමත් රියදුරන්ගෙන් රජයට කෝටි 30 ක්

බීමත් රියදුරන් අත්අඩංගුවට ගැනීම සදහා රට පුරා කි‍්‍රයාත්මක කළ මෙහෙයුමේ දී මාස දෙකකට ආසන්න තුළ අත්අඩංගුවට ගත් රියදුරන් අධිකරණයට ඉදිරිපත් කිරීමෙන් දඩ මුදල් වශයෙන් රුපියල් කෝටි 30 ට අධික මුදලක් රජයට උපයා දී ඇති බව රථවාහන පොලිසිය කියයි.

03 September 2019