එසැණ පුවත්

කොළඹ - ෂැංහයි ගුවන් ගමන් මාසයක් නවතී

ශ්‍රී ලංකන් එයාර්ලයින්ස් ගුවන් සේවය කොළඹ-ෂැංහායි ගුවන් ගමන් අගෝස්තු 17 වැනිදා සිට සති හතරකට නවත්වන බව චීනයේ සිවිල් ගුවන් සේවා පරිපාලනය සඳහන් කරයි.

13 August 2020

ගන්සයිඩ් කඳවුර ගෝඨා කඳවුර ලෙස නම්කළා

ගන්සයිඩ් කඳවුරක් ගෝඨා කඳවුර ලෙස නම් කර තිබුණේ එවකට පැවති යහපාලන ආණ්ඩුවට දේශපාලන වාසි ලබාගැනීමට බව නාවික හමුදාවේ කොමදෝරු සුමිත් රණසිංහ මහතා දේශපාලන පලිගැනීම් පිළිබඳ විමර්ශනය කරන ජනාධිපති කොමිසම හමුවේ සාක්ෂි ලබාදෙමින් ඊයේ (12) ප්‍රකාශ කළේය.

13 August 2020

සහරාන්ලා කලින් අල්ලාගන්න බැරිවුණා

එක නියෝජ්‍ය පොලිස්පතිවරයකු යටතේ පැවැති අපරාධ පරීක්ෂණ දෙපාර්තමේන්තුව හා ත්‍රස්ත විමර්ශන කොට්ඨාසය නියෝජ්‍ය පොලිස්පතිවරුන් දෙදෙනකු යටතට පත්වූ පසු විමර්ශන කටයුතුවලදී අංශ දෙක අතර තරගකාරිත්වයක් නිර්මාණය වූ අතර එම අංශ අතර තොරතුරු හුවමාරුව හා අන්‍යෝන්‍ය සබඳතාව බිඳවැටුණ බවද ත්‍රස්ත විමර්ශන කොට්ඨාසයේ, අන්තවාදී මූලධර්මවාදීන් පිළිබඳ විමර්ශන ඒකකයේ ස්ථානාධිපති උපපොලිස් පරීක්ෂක ගයාන් රත්නායක මහතා ඊයේ (12) පැවසීය.

13 August 2020

තවත් 8ක් සුවය ලබා පිටව යති

කොරෝනා වයිරසය ආසාදනය වීමෙන් රෝහල්වල ප්‍රතිකාර ලබමින් සිටි පුද්ගලයන් 8දෙනෙකු අද(13) සුවය ලබා පිටව ගිය බව වසංගත රෝග විද්‍යා අංශය පවසයි.

13 August 2020

කම්කරු ඇමැති වැඩ බාරගනී

නව රජයේ කම්කරු අමාත්‍යවරයා ලෙස නිමල් සිරිපාල ද සිල්වා මහතා අද(13) නාරාහේපිට කම්කරු අමාත්‍යාංශයේ අද(13) රාජකාරී ආරම්භ කළේය.

13 August 2020

අධ්‍යාපන ඇමැති වැඩ අරඹයි

නව රජයේ අධ්‍යාපන අමාත්‍යවරයා ලෙස ජී.එල්. පීරිස් මහතා අද (13) පැලවත්ත අධ්‍යාපන අමාත්‍යංශයේදි රාජකාරී ආරම්භ කළේය.

13 August 2020

සෞඛ්‍ය ඇමැතිනී වැඩ බාරගනී

නව රජයේ සෞඛ්‍ය අමාත්‍යවරිය ලෙස පවිත්‍රා වන්නිආරච්චි මහත්මිය අද (13)කොළඹ සෞඛ්‍ය අමාත්‍යංශයේදි රාජකාරි ආරම්භ කළාය.

13 August 2020

‘ටී.එන්.ඒ ජාතික ලැයිස්තු ප්‍රශ්නයට මම වගකියන්නෙ නෑ‘

දෙමළ ජාතික සන්ධානය තුළ පැන නැගුණු ජාතික ලැයිස්තු මන්ත්‍රීධූරය පිළිබඳ ගැටලුවට තමාට වගකිව නොහැකි බවත් එහි වගකීම ඉලංකයි තමිල් අරසු පක්ෂයේ මහ ලේකම් කේ.තුරෙයිරාජසිංහම් විසින් ගත යුතු බවත් දෙමළ ජාතික සන්ධානයේ නායක ආර්.සම්බන්ධන් මහතා අද(13) ලංකාදීපයට පැවසීය.

13 August 2020

බුදුන් වහන්සේගේ උපන් ස්ථානය ගැන ඉන්දියාව නේපාලය වචන හරඹයක

බුදුන් වහන්සේගේ උපත සහ උපන් ස්ථානය සම්බන්ධයෙන් ඉන්දීය විදේශ අමාත්‍ය ආචාර්ය සුබ්‍රමනියම් ජයිශංකර් කළ ප්‍රකාශයක් මුල් කරගනිමින් ඉන්දියාව සහ නේපාලය අතර වාග් යුද්ධයක් හටගෙන ඇත.

13 August 2020

ජනමාධ්‍ය ඇමැති වැඩ බාරගනී

නව රජයේ ජනමාධ්‍ය කැබිනට් අමාත්‍යවරයා ලෙස පත්වූ කෙහෙළිය රඹුක්වැල්ල මහතා අද(13) කොළඹ 05 පොල්හේන්ගොඩ පිහිටි ජනමාධ්‍ය අමාත්‍යාංශ යේදී සිය ධුරයේ වැඩකටයුතු නිල වශයෙන් ආරම්භ කළේය.

13 August 2020

ගුවන්සේවා ඇමැති වැඩ අරඹයි

ගුවන්සේවා හා අපනයන සැකසුම් කලාප සංවර්ධන රාජ්‍ය ඇමති ඩී.වී.චානක මහතා අද(13) සිය අමාත්‍යාංශයේදී වැඩ බාරගත්තේය.

13 August 2020

සංචාරක ඇමති වැඩ බාරගනී

සංචාරක ඇමති ලෙස පත්වීම් ලද ගම්පහ දිස්ත්‍රික් පාර්ලිමේන්තු මන්ත්‍රී ප්‍රසන්න රණතුංග මහතා අද(13) සිය අමාත්‍යාංශයේදී වැඩ බාරගත්තේය.

13 August 2020

ලංකාපුර ප්‍රාදේශිය ලේකම් කාර්යාලය හෙට සිට යළි විවෘතයි

කොවිඩ් 19 හේතුවෙන් දින 14ක් වසා දැමුණු ලංකාපුර ප්‍රදේශිය ලේකම් කාර්යාලය හෙට (14) සිට නැවත මහජනතාව වෙනුවෙන් විවෘත කරන බව ලංකාපුර ප්‍රදේශිය ලේකම් ඉන්දික කරුණාරත්න මහතා පැවසීය.

13 August 2020

ඥානසාර හිමි පාර්ලිමේන්තුවට යන්නැයි ඉල්ලා සත්‍යග්‍රහයක්

අපේ ජනබල පක්ෂයට හිමි ජාතික ලැයිස්තු මන්ත්‍රි ධුරය ගලගොඩඅත්තේ ඥානසාර හිමියන්ට ලබාදෙන ලෙස ඉල්ලා අපේ ජනබල පක්ෂයෙන් ගාල්ල දිස්ත්‍රික්කයට තරග කරන ලද මධුශාන් රන්දික අතුකෝරල මහතා ගාල්ල සරෙන්තුකඩේ හන්දියේ දී අද (13) සත්‍යග්‍රහයක් ආරම්භ කළේය.

13 August 2020

වෙලේ සුදාගෙන් විස්කි බෝතල් 100 ගත් ජේලර් ගැන සොයයි

බූස්ස විශේෂිත බන්ධනාගාරයේ රඳවා සිටින ජාත්‍යන්තර මත්කුඩු ජාවාරම්කරුවකු වන ’වෙලේ සුදා’ නැමැත්තාගෙන් සිය විවාහ මංගලෝත්සවය සඳහා මත්පැන් බෝතල් තොගයක් ලබාගත් බව කියන එම බන්ධනාගාරයේ ජේලර්වරයකු සම්බන්ධයෙන් බන්ධනාගාර මූලස්ථානය වාර්තාවක් කැඳවා ඇතැයි එහි ප්‍රකාශකයෙක් ලංකාදීපයට අද(11) පැවසීය.

13 August 2020

පුත්තලම කලපුව වනසා තහනම් තල්ලු දැල් දැමු ධීවරයෝ 9 ක් අත්අඩංගුවට

පුත්තලම කලපුවේ නීතිවිරෝධි ආකාරයෙන් තල්ලු දැල් උපයෝගී කරගනිමින් මසුන් අල්ලමින් සිටි ධීවරයින් 9 දෙනෙකු අද (13) අත්අඩංගුවට ගත් බව පුත්තලම සහකාර ධීවර අධ්‍යක්ෂක කාර්යාලය පවසයි.

13 August 2020

වාසුදේව වැඩ බාර ගනී

නව රජයේ ජල සම්පාදන අමාත්‍යවරයා ලෙස වාසුදේව නානයක්කාර මහතා අද (13) පැලවත්ත ජලසම්පාදන අමාත්‍යංශයේදි රාජකාරී ආරම්භ කළේය.

13 August 2020

ඇමැතිවරුනි! රට විමසිල්ලෙන් වැඩ මිස හැඩ එපා

ශ්‍රී ලංකා ප්‍රජාතන්ත්‍රවාදී සමාජවාදී ජනරජයේ අමාත්‍ය මණ්ඩලය ඓතිහාසික මහනුවර මගුල් මඩුවේදී ඊයේ දිවුරුම් දුන්නේය. හැටනවලක්ෂයක ජන වරමින් ජනාධිපතිධුරයට පත් ගෝඨාභය රාජපක්ෂ මහතාගේ සෞභාග්‍යයේ ඉදිරි දැක්ම ඉදිරි කාලය තුළ ජීවමාන යථාර්ථයක් බවට පරිවර්තනය කිරීමේ අදහස් සහිත වගකීම දෙවුරට ගත් බල සෙනඟට එම වගකීම එයට හිමි නිසි ගැඹුරින්ම ඉටු කිරීමට ශක්තිය ලැබේවා යන්න ලංකාදීපයේ ප්‍රාර්ථනය වේ. එමෙන්ම නව කැබිනට් මණ්ඩලයට අපගේ උණුසුම් ශුභාශිංසන පිරිනමමු.

13 August 2020

ගම්පහ රෝහලේ හෙද වර්ජනය අවසන්

ගම්පහ දිස්ත්‍රික් මහ රෝහලෙහි හෙද කාර්ය මණ්ඩලය, පාලනාධිකාරිය සමඟ පවතින ගැටළුවක් සම්බන්ධයෙන් අරඹා තිබූ වැඩ වර්ජනය අවසන් කර තිබේ.

13 August 2020

බන්දුල වෙළෙඳ ඇමැති ධූරයේ වැඩ අරඹයි

නව රජයේ වෙළඳ අමාත්‍යවරයා ලෙස දිවුරුම් දුන් ආචාර්ය බන්දුල ගුණවර්ධන මහතා අද (13) වොක්ශෝල් වීදියේ පිහිටි වෙළඳ අමාත්‍යාංශයේදී වැඩ බාර ගත්තේය.

13 August 2020

සංවිධානාත්මක කල්ලියක සිව්දෙනෙක් අත්අඩංගුවට

සංවිධානාත්මක කල්ලියක සිව්දෙනෙකු වදුරාමුල්ල කැළෑවක පාළු නිවසක සැඟවී සිටියදී තියුණු ආයුධ බෝම්බ සහ මත්කුඩු සමඟ අත්අඩංගුවට ගත් බව නවගමුව පොලිසිය කියයි.

13 August 2020

කොරෝනා ආසාදිත ඉන්දීය නෞකා ආරක්ෂකයා අයිඩීඑච් රෝහලට

ඊජිප්තුවේ සිට ගාලුවරායට ගොඩබසිනු ලැබු නෞකා මුහුදු ආරක්ෂකයකු වශයෙන් සේවය කරන ඉන්දියානු ජාතිකයෙකුට කොරෝනා වයිරසය ආසාදනය වී ඇති බවට පී.සී.ආර්. පරීක්ෂණයේ දී තහවුරුවී ඇතැයි ගාල්ල දිස්ත්‍රික් ප්‍රාදේශිය වසංගත රෝග විද්‍යාඥ වෛද්‍ය වෙනුර කේ සිංගාරච්චි මහතා පවසයි.

13 August 2020

කෝටියක හෙරොයින් මෝටර් රථයෙන් රැගෙනයද්දී අල්ලයි

රුපියල් කෝටියකට අධික හෙරොයින් මත්කුඩු මෝටර් රථයකින් ප්‍රවාහනය කරමින් සිටි අඹු සැමි යුවලක් පිලියන්දල, පැලැන්වත්ත ප්‍රදේශයේදී අත්අඩංගුවට ගත් බව බස්නාහිර පළාත් පාසල් ආශ්‍රිත මත්ද්‍රව්‍ය වැටලීම් ඒකකය කියයි.

13 August 2020

පොලිසියේ වෙඩි ප්‍රහාර මැද කොල්ල කල්ලිය පලා යයි

පූගොඩ පොලිස් වසමේ වෙළෙඳසලක් කොල්ල කා පලා යමින් සිටි කොල්ල කල්ලිය ගමන් ගත් වෑන් රියකට මීරිගම පොලිස් නිලධාරීන් අද(13) පමණ වෙඩි ප්‍රහාරයක් එල්ල කර ඇතැයි පොලිසිය කියයි.

13 August 2020

ඉන්දියාවෙන් ගෙන්වූ ලක්ෂ 50ක කහ තොගයක් කල්පිටියේ සඟවලා

ඉන්දියාවේ සිට නීති විරෝධි ලෙස බෝට්ටු යාත්‍රා ආධාරයෙන් තීරු බදු රහිතව ගෙනෙවිත් තිබූ ලක්ෂ 50ට ආසන්න වටිනාකමකින් යුත් කහ තොගයක් කල්පිටිය, පල්ලිවාසල්තුරේ, ප්‍රදේශයේ සඟවා තිබියදී කල්පිටිය පොලීසිය අද (13 ) අලුයම අත්අඩංගුවට ගෙනතිබේ.

13 August 2020

කොන්ක්‍රීට් තට්ටුවක් කඩා වැටී අයෙක් මරුට

මහරගම අඹගහ පුර සමාධි මාවතේ නිවසක කොන්ක්‍රීට් වලින් ඉදිකළ ඉස්තෝප්පුවක් අනාරක්ෂිත ලෙස කඩා ඉවත් කිරීමට යාමේදී කොන්ක්‍රීට් තට්ටුවක් කඩා වැටීමෙන් කම්කරුවෙකු එම ස්ථානයේදීම මියගොස් ඇතැයි මහරගම පොලීසිය පවසයි.

12 August 2020

අමාත්‍යාංශ රාජකාරී සඳුදාට පෙර අරඹන්න ජනපති නියෝග

සිය ආයතනවල රාජකාරී කටයුතු ලබන සඳුදාට (17) පෙර බාරගන්නැයි ජනාධිපති කාර්යාලය සියලුම කැබිනට් ඇමැතිවරුන්ට සහ රාජ්‍ය ඇමැතිවරුන්ට දැනුම් දී තිබේ.

12 August 2020

සංස්ථා මණ්ඩල සභාපති තනතුරු එලෙසම

රජයේ සංස්ථා ,මණ්ඩල හා ව්‍යවස්ථාපිත ආයතන සඳහා පත් කර සිටින සභාපතිවරුන් අධ්‍යක්ෂ මණ්ඩල සාමාජිකයින් දිගටම කටයුතු කරන බව ජනාධිපති ලේකම් ආචාර්ය පී බී ජයසුන්දර මහතා සියලුම අමාත්‍යංශ ලේකම්වරුන්ට ලිපියකින් දැනුම් දී තිබේ.

12 August 2020