‘රනිල් - සජිත් සමග ජාතික ආණ්ඩුවක් ඇති කිරිමේ කිසිදු අවශ්‍යතාවයක් නැහැ‘
(හැටන් රංජිත් රාජපක්ෂ)
මහ මැතිවරණයෙන් ශ්‍රී ලංකා නිදහස් පොදු ජන සන්ධානය 2/3 බලයක් ලබා ගන්නා බවත්, රනිල් වික්‍රමසිංහ සමග හෝ සජිත් ප්‍රේමදාසගේ කණ්ඩායම සමග ජාතික ආණ්ඩුවක් ඇති කිරීමේ කිසිදු අවශ්‍යතාවයක් නොමැති බවත් හිටපු රාජ්‍ය අමාත්‍යය සහ ශ්‍රී ලංකා පොදුජන පෙරමුණේ නුවරඑළිය දිස්ත්‍රික් අපේක්ෂක එස්.බී. දිසානායක මහතා පැවසීය.
එස්.බී. දිසානායක මහතා ඒ බැව් කියාසිටියේ ගිනිගත්හේන අඹගමුව ප්‍රදේශයේ (27) දින පැවැති තරුණ හමුවකින් පසු මාධ්‍යයට අදහස් දක්වමිණි.
මෙහිදී වැඩිදුරටත් අදහස් දැක්වූ එස්.බී. දිසානායක මහතා කියා සිටියේ රනිල් වික්‍රමසිංහ සහ සජිත් ප්‍රේමදාස වෙනස් මත දරණ අය බවත්, එවන් අය ශ්‍රී ලංකා නිදහස් පොදු ජන සන්ධානයට කිසිසේත් නොගැලපෙන බවයි.
මෙවර මහ මැතිවරණයෙන් ශ්‍රී ලංකා නිදහස් පොදු ජන සන්ධානය නුවරඑළිය දිස්ත්‍රික්කයෙන්ද අතිවිශිෂ්ඨ ජයග්‍රහණයක් ලබා ගන්නා බවත්, ශ්‍රි ලංකා නිදහස් පක්ෂයේ සභාපතිවරයා සහ ලේකම්වරයා පොහොට්ටුවෙන් තරග කරද්දී තවත් පිරිසක් අත සලකුණ යටතේ තරග කරන නිසා ශ්‍රී ලංකා නිදහස් පක්ෂයට මෙවර මැතිවරණයෙන් අවාසියක් සිදුවන බව එස්.බී. දිසානායක මහතා ප්‍රකාශ කළේය.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
