මුහුණු පොත හරහා ගොඩ නඟා ගත් ප්‍රේම සම්බන්ධයක් මල්ඵළ ගැන්වී නොබෝ දිනකින් මංගල උත්සවයක්ද පවත්වා සහකාරිය නිවසට කැඳවාගෙන ගොස් එක් රැයක් එහි තබාගෙන සිට නැවත ඇගේ නිවසට පිටත් කොට යැවූ සිද්ධියක් දැනගන්නට ලැබිණි.
දැන ගැනීමට ලැබුණු පරිදි ඇය 21 වැනි වියේ පසුවන්නියෙකි. ‘ෆේස්බුක්’ හරහා ඇය තිස් වැනි වියේ පමණ පසුවන තරුණයකු හඳුනාගෙන තිබේ. මේ මිත්‍රත්වය ප්‍රේම සම්බන්ධයක් දක්වා වර්ධනය විය. දුරකතනවලින් පෙම් කළද මුහුණට මුහුණ හමුවී කතාබහ කිරීමට තවත් ටික කලක් ගතව තිබේ.
ඒ අවස්ථාවද උදාකර ගත් දෙදෙනා දැක හඳුනාගත් දිනට පසුදිනම ඔහු ඇයව සිය නිවසට කැඳවාගෙන ගොස් සාදයක්ද පවත්වා ඥාති මිත්‍රාදීන්ට කෑමෙන් බීමෙන් සංග්‍රහ කර ඇත.
එහෙත් මනාලියට මනාලයා සමග මදු සමය ගත කිරීමට ලැබී ඇත්තේ එක් රැයකි. පසුදින ඇයට ඇගේ නිවසට යාමට සිදුව ඇත. මනාලයාද සේවයට වාර්තා කිරීමට ගොස් ඇත. යළි ඔහු ගැන තොරතුරක් ඇයට දැන ගැනීමට ලැබී නැත. ඔහුගේ ජංගම දුරකථනයද ගොළු වී තිබේ.
ගල්ගමුව නිහාල් ජයවීර
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
