වසර ලක්ෂ 200 කට ඉහතදී පෘථිවියෙන් වද වී ගිය ඩයිනෝසෝරයන් යළි බිහිකළ හැකි යැයි ඔක්ස්ෆර්ඞ් සරසවියේ ජාන විද්‍යාඥයන් කණ්ඩායමක් කියයි.

ඔවුන් පවසන ආකාරයට ඩයිනෝසෝරයන්ට යළි පණදිමේ රහස සැගවී තිබෙන්නේ කුරුල්ලන්ගේ ඩි.එන්.ඒ. අණු සැකසුම් වලය.

ඞී.එන්.ඒ යනු  ඕනෑම ජීවියෙකුගේ සැකැස්ම තීරණය කරන සාධකයකි. පෙනුමේ සිට සිරුරේ සිදුවන සියලූ කි‍්‍රයාවන් ගොඩනැගී ඇත්තේ ඞී.එන්.ඒ අණු සැකසුම් මතය.

කුරුල්ලන් පරිනාමය වී ඇත්තේ ඩයිනෝසෝරයන්ගෙන් යැයි සනාථ කෙරෙන පැහැදිලි සාක්ෂි ඇති බැවින් කුරුල්ලන්ගේ ජාන සැකසුම් වල ඩයිනෝසෝරයන්ට අයත් වී යැයි සැකකළ හැකි ජාන සැකසුම් සොයාගත හැකි දැයි සොයාබැලිීමට මෙම විද්‍යාඥ කණ්ඩායම සැරසේ.

‘‘මෙය සාර්ථක වන්න හොද අවස්ථාවක් තිබෙනවා.මොකද ඩයිනෝසෝරයන්ගෙන් තමයි කුරුල්ලන් පරිනාමය වෙලා තිබෙන්නේ.ප‍්‍රාග් ඓතිහාසික යුගයේ විසූ ආකියෝප්ටෙරික්ස් වගේ කුරුල්ලන් ඊට හොදම උදාහරණයක්.අපේ සැළසුම තමයි දැන් සිටින කුරුල්ලන්ගේ ජාන සැකසුම් විමර්ෂණය කර බැලීම. ඕනෑම සතෙකුගේ  කි‍්‍රයාවිරහිත තත්ත්වයේ ජාන සැකසුම් තිබෙනවා.මෙසේ වී තිබෙන්නේ පරිනාමය සමග එම ජාන සැකසුම් වලින් ලැබෙන අංග තවදුරටත් එම සතාට අවශ්‍ය නොවන නිසා.කුරුල්ලනගේත් මෙවැනි සැගවුණු ජාන සැකසුම් තිබෙනවා.අපේ උත්සාහය එවන් සැකසුම් එකතු කරලා අවසානයේ ඩයිනෝසෝරයෙකු ගොඩ නැගීම‘‘ විද්‍යාඥ කණ්ඩායමේ සාමාජිකයෙකු වන වෛද්‍ය ඇලිසන් වුඞ්ලන්ඞ් කියයි.

මෙය කිසිසේත් සරල කි‍්‍රයාවලියක් නොවේ.වසර ගණනක් ගතවනු ඇති වුවද පර්යේෂණයේ සාර්ථකත්වය කෙරෙහි විද්‍යාඥ පිරිස විශ්වාසය තබා සිටී.