සයුරෙන් එතෙර

යුක්රේනයට දැන්ම සාමාජිකත්වය දෙන්න බෑ

යුක්රේනයට ‘නේටෝ’ සාමාජිකත්වය දෙන දවස දැන්ම කීමට නොහැකි යැයි ‘නේටෝ’ සාමාජික රටවල් යුක්රේන ජනාධිපති ව්ලොදිමීර් සෙලෙන්ස්කීට පවසා ඇත.

ජපානයේ මහ වැසි

ජපානයට ඇද හැලෙන මහ වැසි හේතුවෙන් හටගත් ජල ගැලීම් සහ නායයෑම්වලින් හය දෙනකු මියගිය බවත්, තවත් තිදෙනකු අතුරුදන් බවත් පැවැසෙයි.

කණ්ණාඩියක් වැනි ග්‍රහයෙක් හමුවෙලා

ආලෝක වර්ෂ 264 ක් ඈතින් කණ්ණාඩියක් වැනි දිලිසෙන ග්‍රහලෝකයක් සොයා ගැනීමට ඇමෙරිකාවේ නාසා ආයතනය සමත් වී ඇත.

‘නේටෝ’ මහ සමුළුව ඇරැඹේ

නේටෝ හෙවත් උතුරු අත්ලාන්තික් ගිවිසුම් සංවිධානයේ මහ සමුළුව ලිතුවේනියාවේ විලිනියුස් නුවරදී ආරම්භ විය. නේටෝ සංවිධානයට අයත් සාමාජික රටවල් ගණන 31 කි.

සංචාරක හෙලිකොප්ටරයක් නේපාලයේ අනතුරේ

විදෙස් සංචාරකයන් රැගෙන පියාසර කරන්න වූ හෙලිකොප්ටරයක්, නේපාලයේ එවරස්ට් ශිඛරයට කන්දට නුදුරින් පිහිටි තවක් කන්දක හැපී විනාශ විය.

පාකිස්තානයට මහ වැසි: ජල ගැලීම්වලින් 86 ක් මරුට

පාකිස්තානයට ඇද හැලෙන මෝසම් වැසි හේතුවෙන් පළාත් රැසක් යටවී ඇතැයි විදෙස් මාධ්‍ය වාර්තා කරයි. ජල ගැලීම් සහ නායයෑම් හේතුවෙන් මියගිය ගණන 86 ක් යැයි ද පැවැසෙයි. ආපදා හේතුවෙන් තුවාල ලැබූ ගණන 151 කි.

අත්ලාන්තික් සාගරයේ ප්‍රබල භූමි කම්පාවක්

උතුරු අත්ලාන්තික් සාගර පතුලේ ප්‍රබල භූමි කම්පාවක් හට ගත්තේය. ඇමෙරිකන් භූ විද්‍යාඥයන් පැවැසුවේ භූමි කම්පාවේ ප්‍රබලත්වය රික්ටර් පරිමාණයේ ඒකක 6.4 ක් සනිටුහන් කළ බවය.

ඇමෙරිකන් ජනපති බ්‍රිතාන්‍ය අගමැති හමුවෙයි

ලිතුවේනියාවේ පැවැත්වෙන ‘නේටෝ’ හෙවත් උතුරු අත්ලාන්තික් ගිවිසුම් සංවිධානයේ මහ සමුළුවට සහභාගී වීමට යන අතරතුරේ, බ්‍රිතාන්‍යයට පැමිණි ඇමෙරිකා ජනාධිපති ජෝ බයිඩන් සහ බ්‍රිතාන්‍ය අග්‍රාමාත්‍ය රිෂී සුනාක් අතරේ සුහද හමුවක් පැවැත්විණි.

වැග්නර් ප්‍රධානියා පුටින් හමුවෙලා

බලය අල්ලා ගැනීමට කුමන්ත්‍රණය කළේ යැයි චෝදනා ලැබ සිටින රුසියානු ‘වැග්නර්’ කුලී හේවා බලඇණියේ ප්‍රධානී යෙව්ගෙනි ප්‍රිගෝෂීන් සහ රුසියන් ජනාධිපති ව්ලැදිමීර් පුටින් අතරේ හමුවක් පැවැත්විණි.

ඇමෙරිකාව සතුව රසායනික අවි කිසිවක් නෑ

රසායනික අවි සම්බන්ධ ප්‍රඥප්තියට ගරු කරමින්, ඇමෙරිකාව දශක ගණන තිස්සේ එක් රැස් කළ සියලු රසායනික අවි විනාශ කර දැමූ බව ඇමෙරිකන් ජනාධිපති ජෝ බයිඩන් කියයි.

බර්ලුස්කෝනී පෙම්වතියට යූරෝ මිලියන 100 ක් දීලා

පසුගිය මාසයේ අභාවප්‍රාප්ත වූ, ඉතාලියේ හිටපු අග්‍රාමාත්‍යවරයකු ද වන සිල්වියෝ බර්ලුස්කෝනිගේ අවසන් කැමැති පත්‍රයේ සඳහන් අන්දමට ඔහු ඔහුගේ 33 හැවිරිදි පෙම්වතියට ඇමෙරිකන් ඩොලර් මිලියන 100 ක මුදලක් ඉතිරි කර තිබේ.

බටහිර බෙංගාලයේ මැතිවරණ ප්‍රචණ්ඩ ක්‍රියා

ඉන්දියාවේ බටහිර බෙංගාල ප්‍රාන්තයේ පැවැති නගරසභා මැතිවරණය පැවැත්වෙන අතරතුරේ සිදුවුණු ප්‍රචණ්ඩ ක්‍රියාවලින් 11 දෙනෙක් ජීවිතක්ෂයට පත්වූහ.

ගුවන් ප්‍රහාරයකින් සුඩානයේ 22 ක් මරුට

සුඩානයේ ඔම්ඩුර්මාන් නගරයට එල්ල වුණු ගුවන් ප්‍රහාරයකින් විසි දෙදෙනෙක් ජීවිතක්ෂයට පත්වූහ. ඔම්ඩුර්මාන් ඇත්තේ කර්ටෝම් අගනුවරට යාබදවය.

ස්පාඤ්ඤ මුහුදේ සංක්‍රමණික බෝට්ටු ගිලී 300 ක් අතුරුදන්

සෙනගාලයේ සිට ස්පාඤ්ඤයේ කැනරි දූපත් දක්වා සංක්‍රමණික බෝට්ටු 3 ක ගමන් කරමින් සිටි පුද්ගලයන් 300 දෙනකු පමණ ස්පාඤ්ඤය ආසන්න මුහුදේ දී අතුරුදන් වී ඇතැයි විදෙස් මාධ්‍ය වාර්තා කරයි.

උස්බෙකිස්තානයේ ජනාධිපතිවරණයක්

උස්බෙකිස්තාන ජනාධිපතිවරණය ඇරැඹිණි. උස්බෙකිස්තානය යනු මධ්‍යම ආසියානු කලාපයට අයත් රාජ්‍යයකි. උස්බෙකිස්තානයේ ජනාධිපති ධුරය හොබවන 65 හැවිරිදි ෂව්කාත් මිරිසියෝයේව් තෙවැනි ධුර කාලයක් අපේක්ෂාවෙන් ජනාධිපතිවරණයට ඉදිරිපත් වී සිටී.

ඇමෙරිකන් ජනපති බ්‍රිතාන්‍යයේ සංචාරයක

ඇමෙරිකන් ජනාධිපති බයිඩන් මහා බ්‍රිතාන්‍යයට පැමිණියේය. ඒ, ‘නේටෝ’ හෙවත් උතුරු අත්ලාන්තික් ගිවිසුම් සංවිධානයේ මහ සමුළුවට සහභාගී වීමේ අරමුණින්ය.

ඇමෙරිකන් ප්‍රහාරයෙන් අයි.එස්. නායකයෙක් මරුට

අයි.එස්. හෙවත් ඉස්ලාමික් ස්ටේට් ත්‍රස්ත නායක ඔසාමා අල් මුහාජීර් ඝාතනය කිරීමට හැකිවුණු බව ඇමෙරිකන් හමුදාව කියයි. ඇමෙරිකන් හමුදාව අල් මුහාජීර් ඝාතනය කර ඇත්තේ නියමුවන් රහිත ඩ්‍රෝන යානාවකින් පහර දෙමිනි.

රාහුල්ට යළි මන්ත්‍රීවරයකු වීමේ අවස්ථාව ගිලිහෙයි

ඉන්දියානු කොංග්‍රස් පක්ෂයේ නායක රාහුල් ගාන්ධි හට නැවතත් පාර්ලිමේන්තු මන්ත්‍රීවරයකු වීමට තිබූ අවස්ථාව අහිමි වී ගියේය.

ඇමෙරිකාව යුක්රේනයට පොකුරු බෝම්බ දෙනවා

යුක්රේන හමුදාවට පොකුරු බෝම්බ ලබා දීමේ සැලැස්මක්, ඇමෙරිකාව සතුව ඇතැයි රුසියාව චෝදනා කරයි. පොකුරු බෝම්බ යනු රටවල් 120 කට වැඩි ගණනක් විසින් තහනම් කරනු ලැබූ බෝම්බ වර්ගයකි. පොකුරු බෝම්බ තහනම් කර ඇත්තේ ඒවායින් සිදුවන මහා විනාශය සැලකිල්ලට ගනිමිනි.

චීනය සමඟ යහපත් සබඳතා පවත්වනවා

නවසීලන්තයේ ප්‍රධානතම වෙළෙඳ හවුල්කරු චීනය බවත්, චීනය සමඟ යහපත් සබඳතා දිගටම පවත්වාගෙන යෑමට කටයුතු කරන බවත් නවසීලන්ත අග්‍රාමාත්‍ය ක්‍රිස් හිප්කින්ස් අවධාරණය කර තිබේ.

‘වැග්නර්’ හමුදා ප්‍රධානියා ආපසු රුසියාවට

හමුදා කැරැල්ලෙන් පසු, බෙලරූස් රාජ්‍යයට පිටුවහල් වී සිටි රුසියාවේ ‘වැග්නර්’ කුලී හේවා බලඇණියේ ප්‍රධානී යෙව්ගෙනි ප්‍රිගෝෂින් යළි රුසියාවේ ශාන්ත පීටර්ස්බර්ග් නුවරට පැමිණ සිටින බව විදෙස් මාධ්‍ය වාර්තා කරයි.

ස්වීඩන අගමැති ධවල මන්දිරයේ

ස්වීඩනය ‘නේටෝ’ සාමාජිකයකු වීම දැකගන්න තමන් නොඉවසිල්ලෙන් බලා සිටින බව, ඇමෙරිකන් ජනාධිපති ජෝ බයිඩන් පවසයි. ඇමෙරිකන් ජනාධිපතිවරයා මෙසේ පැවැසුවේ, ධවල මන්දිරයට ආ ස්වීඩන අග්‍රාමාත්‍ය උල්ෆ් ක්‍රිස්ටෝර්සන් හමුවී ඔහු සමඟ සාකච්ඡා කරද්දීය.

දකුණු අප්‍රිකාවේ ගෑස් කාන්දුවකින් 16 ක් මරුට

මෙක්සිකෝවේ බස් රථ අනතුරක්

මෙක්සිකෝවේ සිදුවුණු බස් රථ අනතුරකින්, බස් රථයේ ගමන් කරමින් සිටි 27 දෙනකු ජීවිතක්ෂයට පත් වුණු බව වාර්තා වේ.

රූපලාවණ්‍ය නිෂ්පාදන කටයුතු අත්හදා බලන්න සතුන් ගන්නේ නෑ

රූපලාවණ්‍ය නිෂ්පාදන අත්හදා බැලීමට සතුන් යොදා ගැනීම තහනම් කිරීමට තීරණය කළ බව කැනඩා රජය පවසයි. කැනඩා රජය ගත් මෙම තීරණය, සතුන් සුරැකීමේ සංවිධානවල පැසැසුමට ලක් වී ඇතැයි ද විදෙස් මාධ්‍ය වාර්තා කර තිබේ.

නෙදර්ලන්තයේ පාසල් දරුවන්ට ෆෝන් තහනම්

2024 ජනවාරි පළමු වැනිදා සිට, නෙදර්ලන්තයේ පංති කාමරවලින්, ස්මාර්ට් ෆෝන්, ටැබ් සහ ස්මාර්ට් වොච් තහනම් කිරීමට අධ්‍යාපන බලධාරීන් තීරණය කර තිබේ

රුසියාවේ මොස්කව් අගනුවරට ඩ්‍රෝන ප්‍රහාරයක්

රුසියාවේ මොස්කව් අගනුවරට, යුක්රේනයෙන් ඩ්‍රෝන ප්‍රහාරයක් එල්ල විය. රුසියානු රජය චෝදනා කළේ යුක්රේනය නේටෝ සංවිධානයේත් ඇමෙරිකාවේත් සහාය ඇතිව එම ඩ්‍රෝන ප්‍රහාරය එල්ල කළ බවය.

ජනපති පුටින් බලන්න පුංචි අමුත්තියක් ඇවිල්ලා

රුසියන් ජනාධිපති ව්ලැදිමීර් පුටින්ගේ ආරාධනාවෙන් අට හැවිරිදි දැරියක ක්‍රෙම්ලීනයට පැමිණියාය. මල් කලඹක් දී ඇය පිළිගනිමින්, ඇය වෙනුවෙන් භෝජන සංග්‍රහයක් ද පැවැත්වීමට පුටින් අමතක නොකළේය.