දූෂණ හා වංචා මර්දන පනත රජයට වාසි වන ආකාරයෙන් සම්මත කර ගැනීමට ඉන්දීය රජය කටයුතු කළැයි විරෝධය පළ කිරීම සඳහා ප්රබල ගාන්ධි අනුගාමිකයකු වන අන්නා හසාරේ (74) ආරම්භ කර තිබූ උපවාසය වෛද්ය උපදෙස් මත අතහැර දමා ඇතැයි මුම්බායි ආරංචි මාර්ග කියා සිටී. ඉන්දීය පාලක රජයට හිතැති පිරිස් සිදු කරන දූෂණ හා වංචා ගැන එම රජය සොයා නොබලන්නේ යැයි චෝදනා කළ හසාරේ මීට මාස කීපයකට පෙරද උපවාසයක් ආරම්භ කළේය. ඊට සවන්දීමක් වශයෙන් ඉන්දීය රජය දූෂණ හා වංචා මැඩලීමේ පනතක් මුලින්ම පාර්ලිමේන්තුවේ ඉහළ මන්ත්රී මණ්ඩලයට ඉදිරිපත් කරන ලදී. එය ලොක්පාල් පනත යනුවෙන් නම්කර තිබුණි. එම පනත සම්මත කර ගැනීමට ඉහළ මන්ත්රී මණ්ඩලයේ බහුතරය නොලැබුණු හෙයින් අදාළ පනත් කොටුම්පත පහළ මන්ත්රී මණ්ඩලය වෙත යවන ලදී. එම පනත රජයට වාසිසහගත වන අයුරින් සකස්කර ඇති බවට මැසිවිළි නැඟූ අන්නා හසාරේ පසුගිය 22 දා නැවත උපවාසයක් ඇරඹීය. ඒ අතරතුර පාර්ලිමේන්තුවේ පහළ මන්ත්රී මණ්ඩලය ලොක්පාල් පනත පසුගිය අඟහරුවාදා සම්මත කර ගත්තේය. තමාගේ අධික රුධිර පීඩන තත්ත්වය හා වකුගඩුවලට සිදුවිය හැකි බලපෑම් නිසා උපවාසය අතරමග නතර කළ බව හසාරේ වාර්තාකරුවන්ට පැවසීය. මෙම පනත ඉහළ මන්ත්රී මණ්ඩලය ලවාද සම්මත කර ගැනීමට, තම රජයේ හවුල්කාර පක්ෂ හා විපක්ෂය සමග සාකච්ඡා කරමින් සිටින බව උප ඇමැති වී. නාරායන සාමි පැවසීය. එම ජන්ද විමසීම ඊයේ (29) පැවැත්වීමට නියමිතව තිබුණි.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
ලොක්පාල් පනතට විරෝධය පළකළ හසාරේ වෛද්ය උපදෙස් මත උපවාසය අත්හරී