එසැණ පුවත්

එන්නත් මාත්‍රා දෙකම ගත් වෛද්‍යවරු දෙකක් ඇතුළු හතකට කොරෝනා

බදුල්ල මහ රෝහලේ වෛද්‍යවරු දෙදෙනකු හා හෙදියන් 5 දෙනකු කොවිඩ් ආසාධිතයන් බව තහවුරු වී ඇති බව රජයේ වෛද්‍ය නිලධාරින්ගේ සංගමයේ බදුල්ල ශාඛා සභාපති හා ඌව පළාත් සම්බන්ධීකාරක වෛද්‍ය පාලිත රාජපක්ෂ මහතා පවසයි.

20 July 2021

කතරගම නගරයේ කොටසක් ඇතුළු ගම් හතරක් වහයි

කතරගම ප්‍රදේශයෙන් කොරෝනා රෝගින් වාර්තා වීම ඉහළ යෑම හේතුවෙන් කතරගම නගරය අයත් දෙටගමුව ,වල්ලිමාතා කන්ද පාර සහ ඩිපෝව පාර අද සිට හුදකලා කළ බව ⁣කතරගම සෞඛ්‍ය නිළධාරිනි අයි.එස් දේවණාරයන මහත්මිය සඳහන් කරයි.

20 July 2021

‘‘විශ්වාසභංගයෙන් සැබෑ මුහුණු රටට පෙනෙයි‘‘

තෙල් මිල සම්බන්ධව ප්‍රසිද්ධියේ විවාද කරපු ඇමතිවරුන්ගේ සැබෑ මුහුණුවර රටට පෙන්නන්න විශ්වාසභංග යෝජනාවෙන් හැකියාව ලැබෙන බව සමගි ජන බලවේගයේ ජාතික සංවිධායක පාර්ලිමේන්තු මන්ත්‍රී තිස්ස අත්තනායක මහතා පවසයි.

20 July 2021

මන්ත්‍රීවරු හතරක් දැරියගේ මරණය ගැන පරික්ෂණයක් ඉල්ලති

සමගි ජන බලවේගය පාර්ලිමේන්තු මන්ත්‍රී රිෂාඩ් බදුර්දීන් මහතාගේ නිවසේ සේවය කළ බාලවයස්කාර දැරියක් පිළිස්සී මිය යාමේ සිද්ධිය සම්බන්ධයෙන් විධිමත් පරීක්ෂණයක් සිදුකරන ලෙස ඉල්ලා පාර්ලිමේන්තු මන්ත්‍රීවරුන් සිව් දෙනෙක් අපරාධ පරීක්ෂණ දෙපාර්තමේන්තුවට පැමිණිල්ලක් ඉදිරිපත් කළහ.

20 July 2021

‘සයිනොපාම්‘ ගැන ජපුරෙන් සුබ ආරංචියක්

සයිනොපාම් එන්නත ගත් පුද්ගලයන්ගෙන් සියයට 95කගේම ශරීරයන්හි හොඳින් ප්‍රතිශක්තිය ගොඩ නැංවෙන බව ශ්‍රී ජයවර්ධනපුර විශ්වවිද්‍යාලයේ වෛද්‍ය පීඨයේ ආසාත්මිකතා,ප්‍රතිශක්තිවේද සහ සෛල ජෛව විද්‍යා අධ්‍යයන අංශය කළ පරීක්ෂණයකදී තොරතුරු අනාවරණය වී ඇත .

20 July 2021

ගුවන්සේවා 4 ක් ලංකාව සමඟ අලුතින් ගුවන් ගමන් ඇරැඹිමට සාකච්ඡා

එයාර් ෆ්‍රාන්ස් ,ඕමානයේ සලාම් ගුවන් සේවය , සිනමන් ගුවන් සේවය ඇතුළු නව ගුවන් සේවා හතරක් අලුතින් ශ්‍රී ලංකාව සමඟ ගුවන් ගමන් ආරම්භ කිරීම පිළිබඳව සාකච්ඡා ආරම්භ කර ඇතැයි සංචාරක අමාත්‍ය ප්‍රසන්න රණතුංග මහතා අද (20)පැවසීය

20 July 2021

‘උස්බෙකිස්තාන‘ කතක් මුදලට අලෙවි කළ අයෙක් මාට්ටු

ලබා දෙන බව පවසා උස්බෙකිස්තාන ජාතික කාන්තාවක් මෙරටට ගෙන්වා ලිංගික කටයුතු සඳහා අලෙවි කළ තරුණයකු අපරාධ පරීක්ෂණ දෙපාර්තමේන්තුව විසින් වැල්ලවත්තේ දී අත්අඩංගුවට ගනු ලැබ ඇත.

20 July 2021

’’පාසල් අගෝස්තුවේ විවෘත කරනවා’’

දිවයිනේ පාසල් ලබන මස අග විවෘත කිරීමට බලාපොරොත්තු වන බව අධ්‍යාපන අමාත්‍ය මහාචාර්ය ජී එල් පීරිස් මහතා පැවැසීය .

20 July 2021

ප්‍රදේශ කිහිපයක් හුදෙකලා බවින් නිදහස් කරයි

කොරෝනා තත්ත්වය හේතුවෙන් හුදකලා කර තිබූ තවත් ප්‍රදේශ දෙකක් අද (20) උදෑසන 6 සිට හුදකලා බවින් මුදා හළ බව යුද හමුදාපති ජෙනරාල් ශවේන්ද්‍ර සිල්වා මහතා පැවසීය .

20 July 2021

නිරෝධායන නීති කැඩු 191 ක් පැය 24 කදී අල්ලයි

නිරෝධායන නීති උල්ලංඝනය කිරීම සම්බන්ධයෙන් ගතවූ පැය 24 තුළ පුද්ගලයන් 191 දෙදෙනෙකු අත්අඩංගුවට ගත් බව පොලිසිය කියයි.

20 July 2021

අද කාලගුණ තත්ත්වය

සබරගමුව සහ මධ්‍යම පළාත්වලත් ගාල්ල සහ මාතර දිස්ත්‍රික්කවලත් අද (20) වැසි වාර කිහිපයක් ඇතිවන බව කාලගුණ විද්‍යා දෙපාර්තමේන්තුව පවසයි.

20 July 2021

මත්කුඩු සමග කතක් ඇතුළු දෙකක් මාට්ටු

රුපියල් කෝටි එකහමාරකට ආසන්න වටිනා මත්කුඩු තොගයක් සමග කාන්තාවක ඇතුළු දෙදෙනකු කොටුගොඩ ප්‍රදේශයේ දී අත්අඩංගුවට ගත් බව කොළඹ අපරාධ කොට්ඨාසය කියයි.

20 July 2021

විශ්වාසභංගයේ ඡන්දය අද පස්වරුවේ

බලශක්ති අමාත්‍ය උදය ගම්මන්පිල මහතාට එරෙහිව සමගි ජන බලවේගය විසින් ඉදිරිපත් කෙරුණු විශ්වාසභංග යෝජනාව පිළිබඳ අවසාන ඡන්ද විමසීම අද පස්වරු 5.30 ට පැවැත්වීමට නියමිතය .

20 July 2021

දිවයින පුරා කළ මෙහෙයුමෙන් 3139 අත්අඩංගුවට

දිවයිනම ආවරණය වන පරිදි පොලිස් නිලධාරීන් 15000ට අධික පිරිසක් යොදවා සිදුකළ විශේෂ මෙහෙයුමකින් විවිධ වැරදි සම්බන්ධ සැකකරුවන් 3139 දෙනකු අත්අඩංගුවට ගත් බව පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා පවසයි.

20 July 2021

ලීටර් 18 ගෑස් සිලින්ඩරයට කැබිනට් අනුමැතිය

ගෑස් සමාගම් විසින් වෙළඳ පොළට අලුතින් හඳුන්වා දෙන ලද ලීටර් 18 ගෑස් සිලින්ඩරයක මිල රුපියල් 1150 දක්වා අඩු කිරීමට කැබිනට් මණ්ඩලය තීරණය කර ඇත.

19 July 2021

නැවේ ගින්නෙන් මියගිය සතුන් ගැන පරීක්ෂණවලට විදෙස් සහය

‘එක්ස්ප්‍රස් පර්ල්’ නෞකාවේ ගින්නෙන් පසුව වාර්තා වූ කැස්බෑවන්, තල්මසුන්, ඩොල්ෆින් වැනි සත්වයින් මියයාම සම්බන්ධයෙන් පරීක්ෂණ කිරීම සඳහා ජාත්‍යන්තර සහාය ලබා ගැනීමට කටයුතු කරමින් සිටින බව රජය පවසයි.

19 July 2021

පොලිසියේ හැසිරීම ගැන ඇමැති - මැති මත ගැටුමක

බත්තරමුල්ලේ ඉකුත්දා පැවැති ගුරු උද්ඝෝෂණයට සහභාගී වූ ගුරු සංගම් නියෝජිතයන් පොලිසිය මැදිහත්ව නිරෝධනයට යොමුකිරීම සම්බන්ධයෙන් ආණ්ඩු පක්ෂ රැස්වීමේදී මහජන ආරක්ෂක ඇමති රියර් අද්මිරාල් සරත් වීරසේකර මහතා සහ කොළඹ දිස්ත්‍රික් පාර්ලිමේන්තු මන්ත්‍රී එස් ඒ ඩි.ජගත් කුමාර මහතා අතර මත ගැටුමක් ඇති වූ බව වාර්තා වේ .

19 July 2021

අද ආසාදිතයන් 1,464ක්

කොවිඩ් -19 වයිරසය ආසාදනය වූ තවත් පුද්ගලයින් 484 දෙනකු අද (19) හඳුනාගත් බව සෞඛ්‍ය අංශ පවසයි.

19 July 2021

“සරසවි හා උසස් අධ්‍යාපනයට අත තියන්න එපා’’

රටේ විශ්ව විද්‍යාල සහ උසස් අධ්‍යාපන කටයුතුවලට අත්තනෝමතික ලෙස මැදිහත්වීමෙන් වළකින්නැයි රජයෙන් ඉල්ලා සිටින බව විශ්ව විද්‍යාල ආචාර්යවරුන්ගේ සමිති සම්මේලනය සඳහන් කරයි.

19 July 2021

ජාතික මැණික් හා ස්වර්ණාභරණ අධිකාරියට අයත් මැණික් ගල් තුනක් ලංකා බැංකුවේ තැන්පත් කරයි

ජාතික මැණික් හා ස්වර්ණාභරණ අධිකාරිය පිහිටි කොල්ලුපිටියේ ගොඩනැඟිල්ලේ සියළු කටයුතු තාවකාලිකව නාරාහේන්පිට පිහිටි මැණික් හා ස්වර්ණාභරණ ආශ්‍රිත කර්මාන්ත රාජ්‍ය අමාත්‍යාංශ භූමියට රැගෙන යාමට කටයුතු කළේය.

19 July 2021

කොවිඩ් මරණ 48ක්

කොවිඩ් ආසාදිතවූ තවත් 48 දෙනකු ඊයේ (18) මරණයට පත් වී ඇතැයි සෞඛ්‍ය සේවා අධ්‍යක්ෂ ජනරාල්වරයා අද (19) තහවුරු කළේය.

19 July 2021

විශ්වාසභංගයට විරුද්ධව සමගි බලවේගයේ දෙන්නකු ඡන්දෙ දෙනවා

ඇමති උදය ගම්මන්පිල මහතාට එරෙහි විශ්වාසභංග යෝජනාව පිළිබඳ ඡන්ද විමසීමේදී සමගි ජන බලවේගයේ මන්ත්‍රීවරුන් එක් කෙනෙකු හෝ දෙදෙනෙකු යෝජනාවට විරුද්ධව ඡන්දය ප්‍රකාශ කරන බව කෘෂිකර්ම අමාත්‍ය මහින්දානන්ද අලුත්ගමගේ මහතා පාර්ලිමේන්තුවේදී අද (19) පැවැසීය .

19 July 2021

කොවිඩ් ආසාදිතයන් තවත් 980ක්

කොවිඩ් ආසාදිත රෝගීන් තවත් 980 දෙනෙක් අද (19) හඳුනාගත් බව සෞඛ්‍ය අංශ පවසයි.

19 July 2021

කටානේ පොල්තෙල් මෝලෙන් ඩෙල්ටා ආසාදිතයෙක්

කටාන ප්‍රදේශයේ පොල් තෙල් මෝලක සේවකයින් අතරින් කොරෝනා ආසාදිත වූ 18 දෙනෙකු ගේ ජෛව සාම්පල සම්බන්ධයෙන් ජයවර්ධනපුර රෝහලේ සිදුකළ වැඩිදුර පරීක්ෂණයකදී එක් අයෙකු ඩෙල්ටා ප්‍රභේදය ආසාදිතයකු බව හෙළිවී ඇතැයි කටාන පරිපාලන මහජන සෞඛ්‍ය පරීක්ෂක කේ ඒ යූ ටී කුලතිලක මහතා අද (19) පැවසීය.

19 July 2021

රිෂාඩ්ගේ ගෙදරදී මියගිය මෙහෙකාර දැරියට දිගින් දිගටම ලිංගික අතවර

හිටපු අමාත්‍ය රිෂාඞ් බදියුදීන් මහතාගේ නිවෙසේ මෙහෙකාර සේවයේ යෙදී සිටියදී සිරුරට ගිනි ඇවිලී මියගිය බාලවයස්කාර දැරිය කාලාන්තරයක් තිස්සේ ලිංගික අතවරයට ලක්ව සිටි බවට අධිකරණ වෛද්‍ය වාර්තාවේ සඳහන්ව ඇතැයි කොළඹ අතිරේක මහේස්ත‍්‍රාත් රජීන්ද්‍රා ජයසූරිය මහත්මිය හමුවේ බොරැල්ල පොලීසිය ඉදිරිපත් කළ වෛද්‍ය වාර්තාවේ සඳහන්ව ඇත.

19 July 2021

දකුණේ දුම්රියවල මකුණු කරදරයට තිත

සමුද්‍ර දේවි,සාගරිකා සහ රුහුණු කුමාරි දුම්රිය මැදිරිවල පැවැති මකුණු වදයට දිගුකාලීන විසඳුම් ලබාදීමේ මෙහෙයුමක් ක්‍රියාත්මක බව දුම්රිය ධාවන බලවේග උප දෙපාර්තමේන්තුවේ ප්‍රධාන ඉංජිනේරු (ධාවන බල) කේ.ජී.එස් බණ්ඩාර මහතා පවසයි.

19 July 2021

‘‘ජනපතිගේ ප්‍රකාශය බරපතලයි‘‘

විශ්වවිද්‍යාල පනත සංශෝධනය කරන බවට ජනාධිපතිවරයා බෞද්ධ කටයුතු උපදේශන සභාව හමුවේ කළ ප්‍රකාශය බරපතළ සහ භයානක යැයි පෙරටුගාමී සමාජවාදී පක්ෂයේ ප්‍රචාරක ලේකම් පුබුදු ජාගොඩ මහතා පැවසීය.

19 July 2021

‘‘මහා භාණ්ඩාගාරයෙන් අමතර මුදල් ඉල්ලන්න එපා‘‘

මහා භාණ්ඩාගාරයෙන් අමතර මුදල් ප්‍රතිපාදන ඉල්ලිමෙන් වළකින්නැයි මුදල් අමාත්‍ය බැසිල් රාජපක්ෂ මහතා ඇමතිවරුන්ගෙන් ඉල්ලීමක් කර ඇත .

19 July 2021