එසැණ පුවත්

’’ජනතාව ගැන සිතා තෙල් මිල අඩු කරන්න’’

ජනතාව ගැන සිතා තෙල් මිල අඩු කරන්නැයි රජයෙන් ඉල්ලා සිටින බවත් ඉන්ධන සම්බන්ධයෙන් මිල සූත්‍රයක් හඳුන්වා දුන් අවස්ථාවේදී මේ අය එදා හිනා වුණු බවත් සමගි ජන බලවේගයේ පත් කළ මන්ත්‍රී එරාන් වික්‍රමරත්න මහතා පාර්ලිමේන්තුවේ දී අද (19) පැවසීය.

19 July 2021

කොතලාවල පනත 3වැනිදා පාර්ලිමේන්තුවට

කොතලාවල ආරක්ෂක විශ්ව විද්‍යාල පනත් කෙටුම්පත ලබන මස තුන් වැනිදා පාර්ලිමේන්තුවේ විවාදයට ගෙන සම්මත කරගැනීමට බලාපොරොත්තු වන බව ජනාධිපති ගෝඨාභය රාජපක්ෂ මහතා ආණ්ඩු පක්ෂ මන්ත්‍රී කණ්ඩායම් රැස්වීමේදී ප්‍රකාශ කර ඇත .

19 July 2021

කතරගම ජනතාවගෙන් අඳෝනාවක්

ඓතිහාසික රුහුණු මහා කතරගම දේවාලයේ ඇසළ පෙරහැර මංගල්‍යයට උරුමයක් ඇති කතරගම ප්‍රදේශවාසී ජනතාවට පෙරහර නැරඹීම තහනම් කොට කොළඹ ඇතුළු දුරබැහැර ප්‍රදේශයන්හි ජනතාවට පෙරහර නැරඹීමට ඉඩ ලබාදීම පිළිබඳව පිළිකුල් සහගතව හෙලා දකින බව ප්‍රදේශවාසීහු පවසති.

19 July 2021

පො.එ.පෙ ප්‍රධාන ලේකම් කපන්න බැරි අත සිප ගනී

බලශක්ති අමාත්‍ය උදය ගම්මන්පිල මහතාට ඉල්ලා අස්විය යුතු බව කීවත් විපක්‍ෂයට අවශ්‍ය පරිදි අස්කිරීමට ඉඩ දෙන්නේ නැතැයි ශ්‍රී ලංකා පොදුජන පෙරමුණේ ප්‍රධාන ලේකම්, පාර්ලිමේන්තු මන්ත්‍රී, නීතීඥ සාගර කාරියවසම් මහතා පැවසීය.

19 July 2021

දුමින්ද නාගමුවගේ පෙත්සම ඉල්ලා අස්කරගනී

පල්ලෙකැලේ ප්‍රදේශයේ නිරෝධායන මධ්‍යස්ථානයක රඳවා සිටි සිය සැමියා වහා අධිකරණය හමුවට ඉදිරිපත් කරන නියෝගයක් නිකුත් කරන්නැයි ඉල්ලා පෙරටුගාමී සමාජවාදී පක්ෂයේ ප්‍රචාරක ලේකම් දුමින්ද නාගමුව මහතා ගේ බිරිය විසින්ගොනු කර තිබූ හබයාස්කෝපුස් පෙත්සම අභියාචනාධිකරණයේදී අද ( 19)ඉල්ලා අස් කර ගන්නා ලදී.

19 July 2021

යාපනය ආරක්ෂක සේනා මූලස්ථානයට නව ආඥාපතිවරයෙක්

යාපනය ආරක්ෂක සේනා මුලස්ථානයේ නව ආඥාපතිවරයා වශයෙන් මේජර් ජනරාල් ටී ජේ කොඩිතුවක්කු මහතා අද (19) සුභ මොහොතින් වැඩ බාරගත්තේය.

19 July 2021

‘දරුවන්ගේ අධ්‍යාපනය අඩාල කරන්න එපා‘

රටේ දූ දරුවන්ගේ අධ්‍යාපන කටයුතු අඩාල කර ඔවුන් පීඩනයකට ලක්කිරීම සාධාරණ නැති නිසා මාර්ගගත අධ්‍යාපන කටයුතු යළි ආරම්භ කරන්නැයි අධ්‍යාපන අමාත්‍ය මහාචාර්ය ජී.එල් පීරිස් මහතා රටේ සියලුම ගුරුවරුන්ගෙන් ඉල්ලීමක් කළේය.

19 July 2021

කොළඹ ආසාදිතයන්ගෙන් සියයට 30කටම ඩෙල්ටා

කොළඹ දිස්ත්‍රික්කයෙන් වාර්තාවන කොවිඩ් ආසාදිතයින්ගෙන් සියයට 20ත් 30ත් අතර ප්‍රතිශතයක් ඩෙල්ටා ප්‍රභේදය ආසාදනයවූවන් විය හැකි බව නියෝජ්‍ය සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය හේමන්ත හේරත් මහතා පැවැසීය .

19 July 2021

කොතලාවල පීඨයේ ස.කළමනාකාරවරිය හයවන මහලින් වැටී මරුට

රත්මලාන කොතලාවල ආරක්ෂක පීඨ ගොඩනැගිල්ලක පාමුල තිබී එහි වෛද්‍ය පීඨයේ සහකාර කළමනාකාරවරියකගේ සිරුර සොයාගත් බව ගල්කිස්ස පොලිසිය පවසයි.

19 July 2021

මෘදුකාංග ඉංජිනේරුවාගේ සිරුර නිවාස සංකීර්ණය පාමුල

තලාහේන හල්බරාව ඕකිඩ් උද්‍යානය සුපිරි නිවාස සංකීර්ණයක පදිංචිව සිටි මෘදුකාංග ඉංජිනේරුවරයකුගේ සිරුර එම නිවාස සංකීර්ණය පාමුල වැටී තිබියදී හමුවූ බව මුල්ලේරියාව පොලිසිය කියයි.

19 July 2021

අධ්‍යාපන අමාත්‍යංශය ඉදිරිපිට උද්ඝෝෂණයක්

ගුරු හා විදුහල්පතිවරුන්ගේ වැටුප් විෂමතා ඉවත්කරන ලෙස බලකරමින් ගුරු හා විදුහල්පති වෘත්තීය සමිති 17ක් ඒකාබද්ධව බත්තරමුල්ල ඉසුරුපායහි පිහිටි අධ්‍යපන අමාත්‍යාංශය ඉදිරිපිට අද (19) පෙරවරුවේ උද්ඝෝෂණයක නිරත වූහ.

19 July 2021

ඊළඟ පාරත් මා එනවා:ජනපති රහසක් හෙළි කරයි

ජනාධිපතිවරණයට නැවතත් ඉදිරිපත් වීමට තමා බලාපොරොන්තුව වන බව ජනාධිපති ගෝඨාභය රාජපක්ෂ මහතා අද පෙරවරුවේ පැවැසීය.

19 July 2021

‘‘විශ්වාසභංගය කැබිනට් මණ්ඩලයටම ගෙන ආ යුතුයි‘‘

බලශක්ති අමාත්‍ය උදය ගම්මන්පිල මහතාට එරෙහි විශ්වාසභංග යෝජනාව මුළු කැබිනට් ඇමැතිවරුන්ටම එරෙහිව ඉදිරිපත් කරන යෝජනාවක් ලෙස සංශෝධනයක් ඉදිරිපත් කරන බව එක්සත් ජාතික පක්ෂ නායක සහ හිටපු අග්‍රාමාත්‍ය පාර්ලිමේන්තු මන්ත්‍රී රනිල් වික්‍රමසිංහ මහතා පාර්ලිමේන්තුවේදී අද පැවැසීය.

19 July 2021

‘එතිහාඩ්‘ ගුවන් සේවය ලංකාව ඇතුළු රටවල් 5ක මගීන් රැගෙන යාම නවත්වයි

නව කොවිඩ් ප්‍රභේදයන් පැතීරීයාම හේතුයෙන් ශ්‍රී ලංකාව ඇතුළු රටවල් පහක ගුවන් මගීන් රැගෙනයාම තාවකාලිකව අත්හිටුවීමට එක්සත් අරාබි එමීර් රාජ්‍යයේ එතිහාඩ් ගුවන් සේවය තීරණය කර ඇත.

19 July 2021

හරින් ගැන රනිල්ගෙන් මැතිසබයට ප්‍රකාශයක්

පාර්ලිමේන්තු මන්ත්‍රී රිෂාඩ් බදුයුදීන් මහතා අත්අඩංගුවට ගැනීම සහ හරීන් ප්‍රනාන්දු මහතා පාස්කු ප්‍රහාරය ගැන කළ ප්‍රකාශයක් සම්බන්ධයෙන් පොලිසිය ප්‍රශ්න කිරීම සමස්ත පාර්ලිමේන්තුවේම වරප්‍රසාද උල්ලංඝනය කිරීමක් බව හිටපු අග්‍රාමාත්‍ය පාර්ලිමේන්තු මන්ත්‍රී රනිල් වික්‍රමසිංහ මහතා පාර්ලිමේන්තුවේ දී අද (19) ප්‍රකාශ කළේය.

19 July 2021

පළමු වසරට සිසුන් ගැනීමේ අයදුම්පත් භාර ගැනීම දීර්ඝ කෙරේ

2022 වසර සඳහා රජයේ පාසල්වල පළමු ශ්‍රේණියට සිසුන් ඇතුළත් කරගැනීමේ අයදුම්පත් භාරගන්නා කාලය අගෝස්තු මස 7 වැනිදා තෙක් දීර්ඝ කර ඇතැයි ශ්‍රී ලංකා පොදුජන පෙරමුණේ සභාපති, අධ්‍යාපන අමාත්‍ය මහාචාර්ය ජී.එල් පීරිස් මහතා අද (19) පැවසීය.

19 July 2021

’’අද විශ්වාසභංග ගේන්නේ රටට සහගහන විනාශය කැඳවූ පිරිසක්’’

වැඩ කරන ආණ්ඩුවකට විරුද්ධව බොරු විශ්වාසභංග ගෙන එමින් අද ලොකු ඝෝෂාවක් නගන්නේ පාස්කු ප්‍රහාරය කැඳවා මේ රටට සහ ගහන විනාශයක් ගෙන ආ පිරිසක් යැයි වෙළඳ අමාත්‍ය බන්දුල ගුණවර්ධන මහතා පාර්ලිමේන්තුවේ දී අද (19) පැවැසීය.

19 July 2021

අපරාධ නඩු විධිවිධාන පනතට කතානායක අත්සන තබයි

අපරාධ නඩු විධාන සංග්‍රහය (සංශෝධන) සහ වධදීමට සහ අනිකුත් කෘෘර අමානුෂික හෝ නින්දිත සැළකීමට හෝ දඬුවම්වලට එරෙහිව වූ සම්මුතිය (සංශෝධන) නමැති පනත් කෙටුම්පත්වලට සිය සහතිකය සටහන් කළ බව කතානායක මහින්ද යාපා අබේවර්ධන මහතා පාර්ලිමේන්තුවටඅද (19) දැනුම් දුන්නේය .

19 July 2021

කල්පිටිය දූපතේ සංචාරක ගම්මානයක්

කල්පිටියේ පිහිටි දූපත් ආශ්‍රිතව ජල සංචාරක නිවාස සහ ජල බංගලා සඳහා අනුමැතිය ලබා ගැනීමට කැබිනට් පත්‍රිකාවක් ඉදිරිපත් කළ බව සංචාරක අමාත්‍ය ප්‍රසන්න රණතුංග මහතා පවසයි.

19 July 2021

මැතිසබය උණුසුම් වෙයි

උදය ගම්මන්පිල මහතාට එරෙහි විශ්වාසභංග යෝජනාව ඉදිරිපත් කිරීමේදී මතුවූ ගැටළුවක් හේතුවෙන් ආණ්ඩු පක්ෂයේ හා විපක්ෂයේ මන්ත්‍රීවරුන් අතර ඇතිවූ සංවාදයක් නිසා මැතිසබයේ උණුසුම් තත්වයක් අද (19) පෙරවරුවේ ඇතිවිය .

19 July 2021

කැබ්රියේ ආ මාරයා සය හැවිරිදි දැරිය රැගෙන යයි

පුත්තලම පරණ මන්නාරම මාර්ගයේ ගමන්ගත් කැබ් රථයක් වනාතවිල්ලුව මංගලපුර ප්‍රදේශයේදී පාරෙන් ඉවතට පැන අනතුරට ලක් වීමෙන් නිවෙසක මිදුලේ සෙල්ලම් කරමින් සිටි හය හැවිරිදි දැරියක මරණයට පත්ව තවත් දෙදෙනකු බරපතල ලෙස තුවාල ලබා කොළඹ ජාතික රෝහලට ඇතුළත් කළ බව වනාතවිල්ලුව පොලිසිය කියයි.

19 July 2021

මුලතිව් නිවෙසකට තියුණු ආයුදවලින් පහර දෙයි

මුලතිව් මාන්තෙයි නැගෙනහිර පාණ්ඩියන්කුලම් ප්‍රදේශයේ නිවෙසකට තියුනු ආයුද රැගෙන ඇතුලු වූ පිරිසක් සිදුකරන ලද පහරදීමකදී එක් අයකුට බරපතල තුවාල සිදු කර දේපල රැසක් විනාශ කර පළාගොස් ඇතැයි මල්ලාවි පොලීසිය පවසයි.

19 July 2021

උසස් පෙළ- ශිෂ්‍යත්ව විභාග නොවැම්බරයේ

මෙවර අ.පො.ස උසස් පෙළ හා ශිෂ්‍යත්ව විභාගයන් ලබන නොවැම්බර් මාසයේ පැවැත්වීමට තීරණය කර ඇතැයි අධ්‍යාපන අමාත්‍ය මහාචාර්ය ජී.එල් පීරිස් මහතා පැවසීය.

19 July 2021

සත්වෝද්‍යාන ලබන සදුදා සිට විවෘතයි

දෙහිවල සත්වෝද්‍යානය ඇතුළු දිවයිනේ සියලුම සත්වෝද්‍යාන සෞඛ්‍ය මාර්ගෝපදේශ යටතේ ලබන 26 වැනිදා සඳුදා විවෘත කරන බව වනජීවී රාජ්‍ය අමාත්‍ය විමලවීර දිසානායක මහතා පැවැසීය

19 July 2021

කතක්, මගියකුගේ පහත් ක්‍රියාව විඩියෝ කර පොලිසියට දෙයි

කැස්බෑව - පිටකොටුව බස් රථයක ගමන් ගත් සුරූපි කාන්තාවකට ඇය අසල ගමන් ගත් පුද්ගලයකු ඔහුගේ රහස් පෙදෙස පෙන්වද්දී එය ජංගම දුරකථනයෙන් හොර රහසේ පටිගත කර පොලිසියට අල්ලාදීමට සුරූපී කාන්තාවක් කටයුතු කළ බව කොහුවල පොලිසිය කියයි.

19 July 2021

ඇසළ පෙරහරට ගිය නැටුම් කණ්ඩායම්වල 15 කට කොරෝනා

කතරගම මහා දේවාලයේ ඇසල පෙරහරට සහභාගිවු නැටුම් කණ්ඩායම්වල 15 දෙනකුට කොරෝනා ආසාදනයවි ඇති බවට තහවුරුවි ඇතැයි දකුණු පළාත් සෞඛ්‍ය සේවා අධ්‍යක්ෂ කාර්යාලය පවසයි.

19 July 2021

දැරිය මිය යාමේ සිද්ධියට රිෂාඩ්ගේ නිවැසියන්ගෙන් ප්‍රකාශ ගනිති

හිටපු අමාත්‍ය පාර්ලිමේන්තු මන්ත්‍රී රිෂාඩ් බදියුදීන් මහතාගේ කොළඹ 7 නිවසේ සිටි 16 හැවිරිදි දැරියක් පිළිස්සී මිය යාමේ සිද්ධියට අදාළව දැරියගේ මව ගෙන් සහ මන්ත්‍රීවරයාගේ බිරිදගේ පියා හා මවගෙන් ප්‍රකාශ සටහන් කරගෙන ඇති බව පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා පවසයි.

19 July 2021

නිරෝධායන නීති කැඩු 245 ක් පැය 24 කදී අල්ලයි

නිරෝධායන නීති උල්ලංඝනය කිරීම සම්බන්ධයෙන් ගතවූ පැය 24 තුළ පුද්ගලයන් 245 දෙදෙනෙකු අත්අඩංගුවට ගත් බව පොලිසිය කියයි.

19 July 2021