එසැණ පුවත්

අඹේවෙළ සිට බදුල්ල දක්වා විශේෂ දුම්රියක් ධාවනයට

දිට්වා සුලි කුණාටුවෙන් පසු උඩරට දුම්රිය මාර්ගයේ ස්ථාන කිහිපයක් නායයෑමෙන් දින 23කට පසු අඹේවෙළ සිට බදුල්ල දක්වාත් බදුල්ලලේ සිට අඹේවෙළ දක්වත් දුම්රියන් දෙකක් (20) දින උදෑසන 9:30ට ධාවනය කරනු ලැබුවා.

20 December 2025

පින්නලන්දේ ගල් පෙරළීමේ අවදානමක්: පවුල් 6ක් ඉවතට

හල්දුම්මුල්ල මාලදොළ පින්නලන්ද ප්‍රදේශයේ අද 20 අලුයම විශාල ගල් පර්වත කිහිපයක් නාය යාම සමඟ එම ආසන්නයේ අවදානම් ලෙස පදිංචිව සිටින පවුල් හයක පුද්ගලයින් එකොළොස් දෙනෙකු ආරක්ෂිත පියවරක් ලෙස වහාම ඉවත්කළ බව හල්දුම්මුල්ල පොලිස් ස්ථානාධිපති ප්‍රධාන පොලිස් පරීක්ෂක අසේල ඉඳුනිල් රත්නායක මහතා පැවසීය.

20 December 2025

’’දිට්වා’’ රජයේ බිල්ඩින් 2000කට පාඩු කරයි

කාලගුණ ආපදාවෙන් රජයේ ගොඩනැගිලි දෙදහසකට වැඩි ප්‍රමාණයකට පාඩු සිදුව ඇතැයි වාර්තාවේ.

20 December 2025

ලොරි රථයක ගැටී එක් අයෙකු මරුට - අයෙක් රෝහලට

නාත්තන්ඩියේ සිට නුවරඑලිය දක්වා ධාවනය වූ ලොරි රථයක, පුද්ගලයන් දෙදෙනකු ගැටීමෙන් එක් අයෙකු එම ස්ථානයෙම ජීවිතක්ෂයට පත් වී තවත් මගියෙකු බරපතල ලෙස තුවාල ලබා කොටගල ප්‍රාදේශීය රෝහල වෙත ඇතුලත් කිරිමෙන් පසු එම තුවාලකරුගේ තත්වය බරපතල නිසා දික්ඔය මූලික රෝහල වෙත මාරැ කර යවා ඇත.

20 December 2025

මැතිසබේ මන්ත්‍රීලාට ලොකු නිවාඩුවක්

අයවැය ලේඛනය සම්මත කර ගැනීමෙන් පසු පාර්ලිමේන්තු මන්ත්‍රීවරුන්ට සහ පාර්ලිමේන්තු කාර්ය මණ්ඩලයට වර්ෂ අවසානයේ දිගු නිවාඩුවක් ලබාදී ඇත.

20 December 2025

ලොක්කෝ විස්සක් මැතිසබය හැර යති

දීමනා හා පහසුකම් අඩුකම මෙන්ම වෙනත් විවිධ හේතු කාරණා හේතුවෙන් ජ්‍යෙෂ්ඨ මාණ්ඩලික නිලධාරීන් දෙදෙනෙකු ඇතුළු විවිධ තරාතිරම්වල නිලධාරීන් විසි දෙනෙකු පසුගිය වසරක පමණ කාලයේදී පාර්ලිමේන්තු සේවය හැර ගොස් ඇතැයි එහි ආරංචි මාර්ග සඳහන් කළේය.

20 December 2025

යෞවන ක්‍රීඩා උළෙල ඇරැඹෙයි

ජාතික යෞවන ක්‍රීඩා උළෙල 2025 දියගම මහින්ද රාජපක්ෂ ක්‍රීඩා සංකීර්ණයේ දී ඇරැඹිණි.

20 December 2025

පළාත් තුනකට අදත් වැස්ස

නැගෙනහිර, ඌව සහ මධ්‍යම පළාත්වලත් පොලොන්නරුව සහ හම්බන්තොට දිස්ත්‍රික්කවලත් වැසි වාර කිපයක් ඇති වන බව කාලගුණ විද්‍යා දෙපාර්තමේන්තුව කියයි.

20 December 2025

දිඹුලපතන අනතුරින් අයෙක් මරුට:තවත් අයෙක් රෝහලට

ඩයගම සිට කොළඹ දක්වා ධාවනය වූ ලංගම බස් රථයක ගමන් ගත් මගීන් දෙදෙනකු ලොරි රථයක ගැටී එක් අයකු එම ස්ථානයෙම ජීවිතක්ෂයට පත් ව ඇතැයි තවත් මගියකු බරපතල ලෙස තුවාල ලබා කොටගල ප්‍රාදේශීය රෝහලට ඇතුළත් කිරිමෙන් පසු එම තුවාලකරුගේ තත්වය බරපතල නිසා දික්ඔය මූලික රෝහල වෙත මාරැ කර යවා ඇත.

20 December 2025

ජනපති, ආපදා සහන පැකේජය මැති සබේ දී දිග හරියි

රට යළි ගොඩනැගීමේ වැඩපිළිවෙළ ඉතා සැලසුම් සහගතව පියවරෙන් පියවර ඉදිරියට ගෙන යන බව ජනාධිපති අනුර කුමාර දිසානායක මහතා පාර්ලිමේන්තුවේ දී පැවැසීය. ජනතාවට ආධාර ලැබී නොමැති නම් තව මාස දෙකකින් ගෙයින් ගෙට ගොස් කරුණු සොයා බලන්නැයි විපක්ෂයට කී ජනාධිපතිවරයා දැනට ආපදා කළමනාකරණ කමිටුවට ගොස් සහාය දෙන්නැයි කීය.

19 December 2025

කෝටි 50000 පරිපූරක ඇස්තමේන්තුව සම්මතයි

හදිසි ආපදාවෙන් විපතට පත් ජනතාවට සහන සැලසීම සඳහා ඉදිරිපත් කරන ලද රුපියල් කෝටි පනස් දහසක පරිපූරක ඇස්තමේන්තුව පාර්ලිමේන්තුවේදී ඡන්ද විමසීමකින් තොරව අද සම්මත විය.

19 December 2025

”ලෙල්ලමට“ භාරකරුවෙකු පත්කරන්නැයි නියෝග

මීගමුව ධීවර වෙළඳ මධ්‍යස්ථානයේ දේපල (”ලෙල්ලම”) පරිපාලනය සහ කළමණාකරණයට භාරකරුවෙකු පත්කරන ලෙස මීගමුව දිසා අධිකරණය ලබා දුන් අතුරු නියෝගය ස්ථීර කිරීමට මීගමුව සිවිල් අභියාචනා මහාධිකරණය අද (19)තීන්දු කළේය.

19 December 2025

“විධායක බලතල රහිත ජනාධිපතිවරයකු පත් කරනවා“

නව ආණ්ඩුක්‍රම ව්‍යවස්ථාව සකස් කිරීමේදී විධායක ජනාධිපති ධුරය අහෝසි කර පාර්ලිමේන්තු ආණ්ඩු ක්‍රමයක් ස්ථාපනය කර විධායක බලතල රහිත ජනාධිපතිවරයකු පත් කිරීමට කටයුතු කරනු ඇති බව අගමැතිනී ආචාර්ය හරිනි අමරසූරිය මෙනවිය පාර්ලිමේන්තුවේදී අද (19) පැවසුවාය.

19 December 2025

පුස්සැල්ලාවේ වෙළදසැල් 07ක් නායයෑමේ අවදානමක

ගම්පොළ නුවරඑළිය ප්‍රධාන මාර්ගයේ පුස්සැල්ලාව නගරයේ වෙදළසැල් 7ක් නායයෑමේ අවදානමක් නිසා අද (19) දින වසා දමා එහි සිටි පුද්ගලයන් ඉවත් කිරිමට පියවර ගත් බව බව පුස්සැල්ලාව පොලිසියේ නිළධාරියෙකු පැවසීය.

19 December 2025

ග්‍රීන් කාඩ් අත්හිටුවයි

‘ග්‍රීන් කාඩ්’ වීසා වැඩසටහන අත්හිටුවීමට ඇමෙරිකන් ජනාධිපති ඩොලන්ඩ් ට්‍රම්ප් තීරණය කර ඇතැයි විදෙස් මාධ්‍ය වාර්තා කර ඇත. ‘ග්‍රීන් කාඩ්’ යනු ඇමෙරිකන් පුරවැසියකු නොවන අයකුට ඇමෙරිකාවේ ස්ථිර පදිංචිය සඳහා ලබාදෙන නිල අවසර පත්‍රයයි.

19 December 2025

3I/ATLAS අබිරහස් වස්තුව පෘථිවිය අසලින් යයි

අප සෞරග්‍රහ මණ්ඩලයට ඔබ්බෙන් ඈත අභ්‍යවකාශයේ සිට පැමිණ, සෞරග්‍රහ මණ්ඩලයේ ග්‍රහලෝක පසු කරමින් ආ අබිරහස් අභ්‍යවකාශ වස්තුව අද (19) පෘථිවිය අසලින් යමින්, පෘථිවිය පසු කරනු ඇත.

19 December 2025

17648කට ලක්ෂ පනහ ගානේ දෙනවා

සම්පූර්ණයෙන් නාය ගිය සහ දැඩි නාය අවදානමක ඇති බව හඳුනාගත් නිවාස 17648ක් සඳහා රුපියල් ලක්ෂ පනහ බැගින් වන දීමනාව ලබාදෙන බව ජනාධිපති අනුර කුමාර දිසානායක මහතා පාර්ලිමේන්තුවේදී අද (19) පැවසීය.

19 December 2025

සාගරට එරෙහි නඩුවකට දින දෙයි

මහජන රැළියකදී කරන ලද ප්‍රකාශයෙන් සිදුවූ අපහාසයට රුපියල් බිලියන දහයක වන්දියක් ගෙවන ලෙස ඉල්ලා ජනාධිපති අනුර කුමාර දිසානායක මහතා විසින් පොදුජන එක්සත් පෙරමුණ මහ ලේකම් සාගර කාරියවසම් මහතාට එරෙහිව පැවරූ නඩුවේ පූර්ව නඩු විභාග සම්මන්ත්‍රණය ජනවාරි 30 දින ආරම්භ කිරීමට කොළඹ අතිරේක දිසා විනිසුරු සුමුදු වැරණියගොඩ මහතා අද (19) දින නියම කළේය .

19 December 2025

සිංහල අවුරුද්දට පෙර නුවරට කෝච්චි යවනවා

පේරාදෙණිය පරණ කෝච්චි පාලම මාර්තු 31ට පෙර සාදා නිම කර සිංහල අලුත් අවුරුද්දට පෙර නුවරට කෝච්චි ගෙනියන බව ප්‍රවාහන අමාත්‍ය බිමල් රත්නායක මහතා පාර්ලිමේන්තුවේදී අද (19) පැවසීය

19 December 2025

’’සර් අයිවෝ හදපු එක ගොඩනැගිල්ලකටවත් හානිවෙලා නැහැ’’

පේරාදෙණිය විශ්ව විද්‍යාලයේ සර් අයිවෝ ජෙනිංග්ස් මහතා හදපු එක ගොඩනැගිල්ලකටවත් කාලගුණ ආපදාවෙන් හානි නොවූ බවත් එමගින් රටට ලොකු පාඩමක් කියා දෙන බවත් අගමැතිනී ආචාර්ය හරිනි අමරසූරිය මෙනවිය පාර්ලිමේන්තුවේදී අද (19) පැවසුවාය

19 December 2025

මහනුවර හන්තාන මාර්ගය නාය යයි

මහනුවර දිස්ත්‍රික්කයට ඇතිවූ වැසි සහ නායයෑම් හේතුවෙන් මහනුවර හන්තාන උඩුවෙල මාර්ගයේ ස්ථාන කීපයක් ගිලා බැස නායයාමට ලක්ව තිබෙන බැවින් මෙම මාර්ගයේ රාත්‍රී කාලයේ වාහන පදවන රියදුරන්‍ දැඩි විමසිල්ලෙන් රථ වාහන ධාවනය කල යුතු බව මහනුවර දිස්ත්‍රික් ආපදා කළමණාකරණ මධ්‍යස්ථානයේ සහකාර අධ්‍යක්ෂක ඉන්දික රණවීර මහතා රියදුරු මහත්වරුන් දැණුවත් කරමින් පවසයි.

19 December 2025

ජනපති පාර්ලිමේන්තුවට

රුපියල් බිලියන 500ක පරිපූරක ඇස්තමේන්තුව සම්මත කරගැනීම සඳහා පැවැත්වෙන විවාදයට සහභාගී වීම සඳහා ජනාධිපති අනුර කුමාර දිසානායක මහතා අද පාර්ලිමේන්තුවට පැමිණීමට නියමිතව තිබේ.

19 December 2025

සිංගනාගවිල්ලුව ගම්වැසියෝ ඉන්න තැනක් ඉල්ලයි

දිට්වා සුළි කුණාටුව හේතුවෙන් ඇතිවු ජල ගැලිමට මැදිවු වනාතවිල්ලුව කරතිව් සිංගනාගවිල්ලුව ගම්මානය අඩි 10 කට වැඩි ජල කදකින් මේ වන විටත් පිරි යාමේන් එම නිවාස වල පදිංචිව සිටි 50 කට ආසන්න පිරිස මේ වන විට එම ගම්මානයෙ සිට කිලෝ මිටර් දෙකකට ආසන්න දුරකින් පිහිටි මදර්සා පාසලක රැදි සිටියද එහි රැදි සිටිමට ඉඩ දී ඇත්තේ තවත් දින 15 ක් පමණක් බව එම පදිංචිකරුවෝ පවසති.

19 December 2025

බදුල්ල - අඹේවෙල අතර දුම්රිය ගමන් අරඹයි

දිට්වා සුලි කුණාටුවත් සමග බදුල්ල දිස්ත්‍රික්කයේ සිදුවු ආපදාවන් වලින් අනතුරුව ඇණහිට තිබු උඩරට දුම්රිය මාර්ගයේ බදුල්ල අඹේවෙල අතර දුම්රිය ධාවනය දින 22කට පසුව අද (20) ආරම්භ වනබව දුම්රිය පාලක මැදිරිය පවසයි .

19 December 2025

රජයේ ඩිජිටල් ගෙවීම් බිලියන 2 පසු කරයි

රජයේ ඩිජිටල් ගෙවීම් වේදිකාව වන GovPay 2025 වසරේදී සිදු කළ ඩිජිටල් ගනුදෙනුවල මුළු වටිනාකම රුපියල් බිලියන 2 ඉක්මවා තිබේ.

19 December 2025

ජපන් ඉදිකිරීම් සමාගමකින් ලංකාවට යෙන් මිලියනයක්

දිට්වා සුළි කුණාටුවෙන් විපතට පත් ජනතාවට සහන සැලසීමේ රජයේ ‘Rebuilding Sri Lanka’ අරමුදලට ජපානයේ අසුනාරෝ අඕකි ඉදිකිරීම් සමාගම ජපන් යෙන් මිලියනයක මූල්‍යමය පරිත්‍යාගයක් සිදුකර තිබේ.

19 December 2025

වැස්ස වැඩි ප්‍රදේශවලට නාය අවදානම්

මධ්‍යම කඳුකරය පුරා තව දුරටත් පවතින අධික වැසි තත්වය නිසා මහනුවර සහ නුවරඑළිය දිස්ත්‍රික්කවල ප්‍රාදේශීය ලේකම් කොට්ඨාස අටකට ජාතික ගොඩනැගිලි පර්යේෂණ සංවිධානය නායයෑමේ තෙවන මට්ටමේ රතු නිවේදනය නිකුත් කළේය.

19 December 2025

හානි වූ ආගමික තැන් ඉක්මනින් හදයි

ආපදාවෙන් හානි වූ ආගමික, සංස්කෘතික සහ පුරාවිද්‍යාත්මක ස්ථාන කඩිනම් ප්‍රතිසංස්කරණයට ලක් කරන බව බුද්ධශාසන, ආගමික සහ සංස්කෘතික කටයුතු අමාත්‍ය ආචාර්ය හින්දුම සුනිල් සෙනෙවි මහතා පැවසීය.

19 December 2025