එසැණ පුවත්

යුක්රේන ජනපති පාප්තුමන් හමුවෙයි

බ්‍රිතාන්‍යයේ ලන්ඩන් නුවරට ගොස්, බ්‍රිතාන්‍ය අග්‍රාමාත්‍යවරයා සහ යුරෝපා රටවල රාජ්‍ය නායකයන් හමුවීමෙන් අනතුරුව, යුක්රේන ජනාධිපති ව්ලොදිමීර් සෙලෙන්ස්කී රෝමය බලා ගියේය.

10 December 2025

තද වැසි අකුණු කලාප ගැන කාලගුණයෙන් නිවේදනයක්

බස්නාහිර සහ සබරගමුව පළාත් මෙන්ම ගාල්ල සහ මාතර දිස්ත්‍රික්ක සඳහා ප්‍රබල අකුණු පිළිබඳව අවවාදාත්මක නිවේදනයක් කිතුත් කර අැත

10 December 2025

යුරෝපා නායකයන්ට ජනපති ට්‍රම්ප් දෙහි කපයි

ඇමෙරිකා ජනාධිපති ඩොනල්ඩ් ට්‍රම්ප්, යුරෝපා බටහිර රටවල රාජ්‍ය නායකයන්ට දොස් නගා ඇත. ඒ, එම රටවල ලිහිල් සංක්‍රමණික ප්‍රතිපත්ති විවේචනය කරමිණි.

10 December 2025

නුවරඑළිය රෝහලේ හානි බලන්න ලේකම් යයි

ආපදා තත්ත්වය හමුවේ නුවරඑළිය දිස්ත්‍රික් මහ රෝහලට ඇති වී තිබෙන හානි පිළිබඳවත්, කාර්ය මණ්ඩලයට ඇති වී තිබෙන දුෂ්කරතා පිළිබඳවත් සොයා බැලීමට මෙන්ම එම දුෂ්කරතාවලට කඩිනමින් විසඳුම් ලබාදීමෙි අරමුණින් සෞඛ්‍ය හා ජනමාධ්‍ය අමාත්‍යාංශයේ ලේකම් විශේෂඥ වෛද්‍ය අනිල් ජාසිංහ මහතා නුවරඑළිය දිස්ත්‍රික් මහ රෝහලේ නිරීක්ෂණක නිරත විය.

10 December 2025

ඇල්පිටිය ප්‍රා.ස. අය වැය සම්මතයි

ජාතික ජනබලවේගය බලයේ සිට්න ඇල්පිටිය ප්‍රාදේශීය සභාවේ සභාපති සනත් ප්‍රියන්ත සුමනසිරි මහතා විසින් 2026 වසර සඳහා අද (10) ඉදිරිපත් කරන ලද අයවැය වැඩි ජන්ද එකකින් ජයග්‍රහණය කරනු ලැබීය .

10 December 2025

ට්‍රම්ප් තායි - කාම්බෝජ ගැටුම්වලට යළි මැදිහත් වේ

තායිලන්ත සහ කාම්බෝජ දේශසීමා අසල පැතිරයන ගැටුම් වහාම නතර කරන්නැයි ඇමෙරිකා එක්සත් ජනපදය දෙරටෙන්ම ඉල්ලා ඇතැයි විදෙස් මාධ්‍ය සඳහන් කරයි

10 December 2025

බියගම පිරිසිදු කරයි

බියගම ප්‍රදේශය ගං වතුර තත්වය හමුවේ විශාල ලෙස හානියට ලක්වූ අතර,ප්‍රදේශය පුරා එක්රැස් වී තිබූ කැලිකසල ටොන් ගණනක් ඉවත් කිරීමට දින කීපයක කඩිනම් මෙහෙයුමක් ආරම්භ කළ බව බියගම ප්‍රාදේශීය සභා සදහන් කරයි.

10 December 2025

මරණ පරීක්ෂකවරුන්ගෙන් පින් අතේ වැඩක්

ආපදාව හේතුවෙන් මරණයට පත් වූවන්ගේ මරණ පරීක්ෂණ කටයුතු සඳහා රජය ලබාදෙන දීමනාව ලබා නොගැනීමට හදිසි මරණ පරීක්ෂකවරුන්ගේ සංගමය තීරණය කර ඇත.

10 December 2025

කොත්මලේ හරහා ගමන් කිරීම සැහැල්ලු වාහන පමණයි

කොත්මලේ වේල්ල මතින් බරවාහනවලට ධාවනය කිසිම අයුරින් අවසරයක් නැතැයි මහවැලි සංවර්ධන අධිකාරියේ අධ්‍යක්ෂක ජෙනරාල් එච්.එම්.ජේ. හේරත් මහතා පැවසීය.

10 December 2025

පහට අඩු දූදරුවන් 1,168 ක් බදුල්ලේ සුරක්ෂිත මධ්‍යස්ථානවල

දිට්වා සුළි කුණාටුවෙන් ආපදා රැසක් සිදුවීමෙන් පසු බදුල්ල දිස්ත්‍රික්කයේ පිහිටුවා ඇති සුරක්ෂිත මධ්‍යස්ථානවල වයස අවුරුදු පහට අඩු දූදරුවන් 1, 168 දෙනෙකු (පිරිමි දරුවන් 565+ ගැහැණු දරුවන් 603) සිටින බවත් වයස අවුරුදු දහ අටට අඩු දූ දරුවන් 5259 ක් ( පිරිමි 2552+ගැහැණු 2707) සිටින බවත් බදුල්ල දිස්ත්‍රික් ලේකම් කාර්යාලය සඳහන් කරයි.

10 December 2025

කොළඹ යළි අනවසර ඉදිකිරීම් බෑ

කොළඹ දිස්ත්‍රික්කයේ අනවසර ඉදිකිරීම් වලට කිසිම ඉඩක් දෙන්නේ නැතැයි අග්‍රාමාත්‍ය ආචාර්ය හරිනි අමරසූරිය මෙනවිය කීවාය.

10 December 2025

කෝටි පන්දාහේ පරිපූරකයට මුදල් සභාවේ අනුමැතිය

ආපදාවෙන් විපතට පත්වූවන්ට සහන සැලසීම සහ විනාශ වූ භෞතික සම්පත් ප්‍රතිසංස්කරණයට රුපියල් කෝටි 5000ක අතිරේක මුදලක් ලබා ගැනීම සඳහා ඉදිරිපත් කිරීමට නියමිත පරිපූරක ඇස්තමේන්තු යෝජනාවට රජයේ මුදල් පිළිබඳ පාර්ලිමේන්තු කාරක සභාවේ අනුමැතිය හිමි වී ඇත.

10 December 2025

රස පරීක්ෂක නිලධාරීන් 50ක් කොන්ත්‍රාත් පදනමට

රස පරීක්ෂක දෙපාර්තමේන්තුව සඳහා නිලධාරීන් ප්‍රමාණවත් නැති හෙයින් කොන්ත්‍රාත් පදනම මත නිලධාරීන් 50 දෙනකු බඳවා ගන්නා බව අධිකරණ සහ ජාතික ඒකාබද්ධතා අමාත්‍ය, නීතිඥ හර්ෂණ නානායක්කාර මහතා පැවසීය.

10 December 2025

බුර්කාවක් ඇඟලා නගරයේ සැරි සැරූ සිසුවා අත්අඩංගුවට

බුර්කාවක් පැළද කාන්තාවක් ලෙසින් බණ්ඩාරවෙල නගරයේ වෙළද සංකීර්ණයක් අසල සැකකටයුතු අන්දමින් සැරිසරමින් සිටි 15 හැවිරිදි පාසැල් සිසුවෙකු සැකපිට අත් අඩංගුවට ගත් බව බණ්ඩාරවෙල පොලිසිය පවසයි.

10 December 2025

රට නගන අරමුදල⁣ට කෝටි 189ක් ලැබිලා

දිට්වා සුළි කුණාටුවෙන් සිදු වූ ආපදාවෙන් රට යථා තත්වයට ගොඩනැඟීම සඳහා ආරම්භ කරන ලද Rebuilding Sri Lanka වැඩසටහනට දේශීය වශයෙන් මෙන්ම විදෙස්ගත ශ්‍රී ලාංකිකයන්ගෙන් සහ විවිධ ආයතන වලින් මූල්‍යාධාර ලෙස රුපියල් මිලියන 1893ක් ලැබී ඇති බව මුදල්, ක්‍රම සම්පාදන සහ ආර්ථික සංවර්ධන අමාත්‍යාංශයේ ලේකම් ආචාර්ය හර්ෂණ සූරියප්පෙරුම මහතා ප්‍රකාශ කරයි.

10 December 2025

සූමෝ ශූරයෝ මව්බිමට එති

රුසියාවේ පැවති 2025 - පොදු රාජ්‍ය මණ්ඩලීය සූමෝ තරගාවලියේ දී ශ්‍රී ලංකා කාන්තා සූමෝ කණ්ඩායමේ සිව් දෙනා ලෝකඩ පදක්කමක් දිනා ගෙන අද (10) උදෑසන කටුනායක ගුවන් තොටුපොළට පැමිණියහ .

10 December 2025

කොස්ගම වෙඩිතැබීමේ වෙඩික්කරු ඇතුළු තුනක් මාට්ටු

කොස්ගම බොරළුගොඩ දී ත්‍රී රෝද රථයකින් ගමන් කරමින් සිටි පුද්ගලයෙකුට වෙඩි තබා බරපතල තුවාල සිදු කිරීමේ සිද්ධිය සම්බන්ධයෙන් එම වෙඩික්කරු සහ තිදෙනෙකු අත්අඩංගුවට ගත් බව හෝමගම කොට්ඨාශ අපරාධ විමර්ශන ඒකකය පවසයි.

10 December 2025

ඉන්දුනීසියාවේ තට්ටු හතක ගොඩනැගිල්ල ගින්නක්

ඉන්දුනීසියාවේ ජකර්තා අගනුවර පිහිටි සත් මහල් කාර්යාල ගොඩනැගිල්ලක ඇති වූ ගින්නකින් පුද්ගලයන් 22 දෙනකු මිය ගොස් ඇති බවත් බලධාරීන් තුවාල ලැබූවන් සෙවීම දිගටම කරගෙන යන බවත් විදෙස් මාධ්‍ය වාර්තා කරයි.

10 December 2025

කොල්මලේ ජලාශ වේල්ල මතින් බර වාහන ධාවනය තහනම් කරයි

කොත්මලේ ජලාශයේ වේල්ල මතින් බර වාහන ධාවනය කිරිම සම්පූර්ණයෙන්ම තහනම් කළ බවත්, අවහිර වී ඇති මාර්ග යථා තත්වයට පත් වන තෙක් සැහැල්ලු වාහන පමණක් ජලාශ වේල්ල මතින් ධාවනය කිරිමට අවසර දෙන බවත් මහවැලි සංවර්ධන අධිකාරියේ අධ්‍යක්ෂක ජෙනරාල් ජෙනරාල් එච්.එම්.ජේ. හේරත් මහතා පැවසීය.

10 December 2025

රට නගන අරමුදලට රට වටින් ආධාර

පෞද්ගලික සමාගම් රැසක් විපතට පත් ජනතාවට සහන සැලසීමේ රජයේ අරමුදලට ඊයේ (9) මූල්‍ය පරිත්‍යාග ලබා දුන්නේය.

10 December 2025

රිදීමාලියද්දේ කදුවැටි කීපයක නාය යාම් යළි සක්‍රිය වෙලා

රිදීමාලියද්ද ප්‍රාදේශීය ලේකම් කොට්ටාශය තුල පිහිටි කදුවැටි කීපයක නාය යාම් අද (10) දින යළී සක්‍රිය වි ඇතැයි රිදීමාලියද්ද ප්‍රාදේශීය ලේකම් ඩී.ඩී.එස්.තක්ෂිලා ගුණරත්න මහත්මිය පැවැසුවාය.

10 December 2025

බෝගහපතන කන්ද නාය සක්‍රීය වෙයි

බදුල්ල මීගහකිවුල මොරහෙල බෝගහපතන කන්ද අද(10) අලුයම නායයාමට ලක්ව ඇති අතර, ඒ අවට පදිංචි ජනතාව ආරක්ශිත ස්ථානකරා යොමු කිරිමට කටයුතු සිදු කරන බව බදුල්ල දිස්ත්‍රික් ලේකම් පණ්ඩුක ශ්‍රී ප්‍රභාත් අබේවර්ධන මහතා පවසයි .

10 December 2025

අද කාලගුණය

ඊසානදිග මෝසම් තත්ත්වය ස්ථාපිත වී ඇති බැවින් අද (10) උතුරු, උතුරු-මැද සහ නැගෙනහිර පළාත්වල ඇතැම් ස්ථානවලට මි.මී. 100ට වැඩි තද වැසි ඇති විය හැකි බව කාලගුණවිද්‍යා දෙපාර්තමේන්තුව කියයි.

10 December 2025

දෙමෝදර කන්ද නාය අවදානමක

දෙස් විදෙස් සංචාරකයින්ගේ විශේෂ ආකර්ෂණයක් ඇති ස්ථානයක් වන ඇල්ල දෙමෝදර නැරඹුම් වේදිකා සහිත කන්ද නාය යෑමේ දැඩි අවදානමකට ලක්වී ඇති බවත් ඒ පිළිබඳව ජාතික ගොඩනැගිලි පර්යේෂණ ආයතනයෙන් කඩිනම් විමර්ශන වාර්තාවක් ලබා ගැනීමට අවශ්‍ය කටයුතු යොදා ඇති බවත් බදුල්ල ආපදා කළමනාකරණ මධ්‍යස්ථානයේ නියෝජ්‍ය අධ්‍යක්ෂ ඊ එම් එල් උදය කුමාර මහතා අද (10) පැවසීය.

10 December 2025

බදුල්ලේ තැන් හතක් ගැන විමසිල්ලෙන්

ජාතික ගොඩනැගිලි පර්යේෂණ ආයතනයේ ඉක්මන් පරීක්ෂාවකට ලක් කළ යුතු බදුල්ල ප්‍රදේශයේ ස්ථාන හතක් හඳුනාගෙන ඇති බව බදුල්ල ආපදා කළමනාකරන මධ්‍යස්ථානය අද 10 උදෑසන සඳහන් කළේය .

10 December 2025

විපතට පත් ජනතාවට සෙත් පතා ගංගාරාමයේ පිංකම්

දිට්වා සුළි කුණාටුවෙන් විපතට පත් ජනතාවට සෙත් පැතීමේ පිංකමක් කොළඹ නව කෝරළයේ ප්‍රධාන සංඝනායක කොළඹ හුනුපිටිය ගංගාරාමාධිපති කිරින්දේ අස්සජි නාහිමියන්ගේ අනුශාසකත්වයෙන් ගංගාරාම විහාරස්ථ සීමාමාලකයේ දී පැවැත්විණි.

10 December 2025

ආපදාවේ තොරතුරු ඉල්ලා සජබ හෙට ආයතන පහකට යයි

හදිසි ආපදාවට අදාළ කාලගුණ තත්වයන් සම්බන්ධයෙන් කාලගුණ විද්‍යා දෙපාර්මේන්තුව, ආපදා කළමනාකරණ මධ්‍යස්ථානය, වාරිමාර්ග දෙපාර්තමේන්තුව හා ගොඩනැගිලි පර්යේෂණ සංවිධානය ආපදාවට පෙර කරන ලද සාකච්ඡාවල සියලු තොරතුරු ඉල්ලා සිටීමට සමගි ජන බලවේගය තීරණය කර ඇත.

09 December 2025

සංවර්ධන නිලධාරියාට බාධා කළ කතක් අත්අඩංගුවට

ආපදා වන්දි සඳහා ඉල්ලුම් කිරීමේ සිද්ධියක් පාදක කොට ගනිමින් ඇති වූ ආරවුලකදී ආර්ථික සංවර්ධන නිළධාරියෙකුට සාපරාධී බළහත්කාරය පෑම යන චෝදනාව යටතේ නොරොච්චෝල පොලිස් බළ ප්‍රදේශයට අයත් දලුව ප්‍රදේශයේ දී කාන්තාවක අත්අඩංගුවට ගත් බැව් නොරොච්චෝල පොලිසිය පවසයි.

09 December 2025