එසැණ පුවත්

ෆොන්සේකාගේ වාර‍ණ නියෝගය දිග් කරයි

සමගි ජන බලවේගයේ සභාපති ෆිල්ඩ් මාර්ෂල් සරත් ෆොන්සේකා මහතාගේ පක්ෂ සාමාජිකත්වය,සභාපති ධුරය, කැලණිය සංවිධායක ධුරය අත්හිටුවීම හා විනය ක්‍රියාමාර්ග ගැනීම වළක්වාලමින් සමගි ජන බලවේගය පක්ෂයට නිකුත් කර තිබූ වාරණ නියෝගය ලබන 19 දින දක්වා යළි දීර්ඝ කිරීමට කොළඹ දිසා අධිකරණය අද(04)නියෝග කළේය.

04 March 2024

රත්තරන් කිලෝ 9ක් රේගුවට මාට්ටු

රුපියල් කෝටි 20ක් පමණ වටිනා කිලෝ ග්‍රෑම් 09 ක් බර ස්වර්ණාභරණ තොගයක් කටුනායක ගුවන් තොටුපොළෙන් පිට කිරීමට තැත් කළ ගුවන් තොටුපොළ සේවකයෙකු රේගු මත්ද්‍රව්‍ය පාලන අංශයේ නිලධාරීන් පිරිසක් විසින් අද (04) දින පෙරවරුවේ අත් අඩංගුවට ගත් බව රේගු මාධ්‍ය ප්‍රකාශක, ජ්‍යෙෂ්ඨ රේගු අධ්‍යක්‍ෂ සීවලී අරුක්ගොඩ මහතා පැවසීය.

04 March 2024

මාස 14ට නව නීති 42ක්

රටේ කළ යුතු නව ආර්ථික පරිවර්තනය වෙනුවෙන් පසුගිය මාස 14 ක කාලය ඇතුලත නව නීති 42ක් පාර්ලිමේන්තුවේ සම්මත කරගෙන ඇති බව ජනාධිපති රනිල් වික්‍රමසිංහ මහතා පැවසීය.

04 March 2024

‘ස්ථූලතා ‘දිනය අදයි

සෑම වසරකම යෙදෙන මාර්තු 04 වන දින ස්ථුලතා දිනය අදට යෙදී තිබේ.

04 March 2024

හංවැල්ලේ වෙඩි තැබීමකින් අයෙක් මරුට

ඝාතනයට ලක්වු පාතාග සාමාජිකයකුගේ සහෝදරයාට සහ තවත් පුද්ගලයෙකුට මීට සුළු මොහොතකට පෙර හංවැල්ල නිරිපොළ ප්‍රදේශයේදී වෙඩි තබා ඇතැයි පොලිසිය පවසයි.

04 March 2024

ජලය අරපිරිමැස්මෙන් භාවිත කරන්න

වියළි කාලගුණය හේතුවෙන් ජලය අරපිරිමැස්මෙන් භාවිත කරන ලෙස වාරිමාර්ග දෙපාර්තමේන්තුව ජනතාවගෙන් ඉල්ලීමක් කරයි.

04 March 2024

ගම්පහ රෝහල් තුනකට හොඳ කලක්

ගම්පහ, මිනුවන්ගොඩ සහ මිරීගම රෝහල්වල අත්‍යවශ්‍ය විශේෂඥ වෛද්‍යවරු, හෙද කාර්ය මණ්ඩලය හා කනිෂ්ඨ සේවකයන් කඩිනමින් ලබා දීමට බස්නාහිර පළාත් ආණ්ඩුකාරවරයා හා සෞඛ්‍ය ඇමතිවරයා එකඟ වූ බව නිවාස සහ නාගරික සංවර්ධන රාජ්‍ය ප්‍රසන්න රණතුංග මහතා පැවසීය.

04 March 2024

අභ්‍යවකාශ නැවතුම්පොළක් ඉදිකරන්න ඉන්දියාව සූදානම්

අභ්‍යවකාශ තරණයටත්, විශ්ව ගවේෂණයටත් යොමු වී සිටින ඉන්දියාව, වසර 2035 වනවිට, අභ්‍යවකාශ නැවැතුම්පොළක් ඉදිකිරීමට බලාපොරොත්තු වන බව අග්‍රාමාත්‍ය නරේන්ද්‍ර මෝදි පවසයි.

04 March 2024

අල්ලස්ගත් බව කියන නුවරඑලිය ප්‍රවාහන අධිකාරියේ දෙන්නා 15 තෙක් රිමාන්ඩ්

බස් රථ මාර්ග ධාවන බලපත්‍රයක් නිකුත් කිරීමට රුපියල් තිස් පන්දහසක අල්ලසක් ලබා ගත්තේ යැයි කියන නුවරඑළිය පළාත් සභා ප්‍රවාහන අධිකාරී කාර්යාලයේ දිස්ත්‍රික් කළමනාකාර සහ කළමනාකාර සහකාරවරයා ලබන 15 වැනි දින දක්වා රක්ෂිත බන්ධනාගාර ගත කිරීමට කොළඹ ප්‍රධාන මහේස්ත්‍රාත් ප්‍රසන්න අල්විස් මහතා අද (04)නියෝග කළේය.

04 March 2024

අටවැනි ශ්‍රේණියෙන් ඉහළ දරුවන්ට අයිටී - ඒඅයි

මෙරට රජයේ පාසල්වල අටවැනි ශ්‍රේණියේ සිට ඉහළ දරුවන්ට තොරතුරු තාක්‍ෂණය සහ කෘත්‍රිම බුද්ධිය විෂයන් ලෙස හැදෑරීමේ අවස්ථාව හිමිවන බවත්

04 March 2024

පියාගේ වේවැල් පහරින් පුතා රෝහලේ

තම පියා විසින් හිසට සහ දෙපාවලට වේවැලකින් පහරදීමෙන් තුවාල ලැබූ දරුවෙකුට මීගහකිවුල දිසාරෝහලට අද (04) උදෑසන ඇතුළත් කර ඇතැයි පොලිසිය පවසයි.

04 March 2024

ඉන්දිය ධීවරයින්ට එරෙහිව යාපනය මුහුදේ විරෝධයක්

ඉන්දීය ධීවරයින් උතුරු මුහුදු සීමාවන්ට ඇතුල් වී නීතිවිරෝධීව මසුන් ඇල්ලීම සහ ඉන්දීය ට්‍රොලර් යාත්‍රා මගින් උතුරු ධීවරයින්ගේ දැල් ආම්පන් විනාශ කිරීම ආදි කරුණු කිහිපයකට විරෝධය පාමින් යාපනයේ ධීවරයින් යාපනය මුහුදේ විරෝධතාවක නිරත වූහ.

04 March 2024

’’බට අත’’ අයිතිය කෘෂිකර්මයට පවරයි

වසර 14කට පසුව හුංගම බටඅත කෘෂි තාක්ෂණික උද්‍යානයේ නීත්‍යානුකුල අයිතිය කෘෂිකර්ම දෙපාර්තමේන්තුවට පවරනු ලැබීය.

04 March 2024

විදුලිය ඉන්ධන අත්‍යවශ්‍ය සේවා කරයි

විදුලිය සහ ඉන්ධන අත්‍යවශ්‍ය සේවා බවට පත් කරමින් ජනාධිපතිවරයා විසින් ගැසට් නිවේදනයක් නිකුත් කර තිබේ.

04 March 2024

දරුවන්ගේ පොත් බෑගයේ බර අඩු කරන්න චක්‍රලේඛයක්

පාසල් දරුවන්ගේ පොත් බෑගයේ බර අඩු කිරීම සඳහා චක්‍රලේඛයක් අද (4) නිකුත් කරන බව බස්නාහිර පළාත් අධ්‍යාපන දෙපාර්තමේන්තුවේ උසස් නිලධාරියෙක් පැවසීය.

04 March 2024

උන්ඩයක් සමග ඊශ්‍රායල තරුණියක් අල්ලයි

ශ්‍රී ලංකාවේ සංචාරයක නිරත වී ආපසු ඊශ්‍රායලය බලා යාමට කටුනායක ගුවන් තොටුපොළ වෙත පැමිණි ඊශ්‍රායල ජාතික තරුණියකගේ ගමන් මල්ලේ තිබූ මිලි මීටර් 5.56 ජීවී පතුරමක් කටුනායක ගුවන් තොටුපොළ ආරක්ෂක අංශ නිලධාරීන් විසින් සොයා ගෙන ගුවන් තොටුපොළ පොලිසිය වෙත අද (04) දින අලුයම භාර දී තිබේ .

04 March 2024

ඉන්ධන මිල අඩුවෙයි?

ඉන්ධන මිල සංශෝධනයක් අද (4) රාත්‍රී කිරීමට බොහෝ දුරට ඉඩ ඇති බව ලංකා ඛනිජතෙල් නීතිගත සංස්ථාවේ උසස් නිලධාරියෙක් පැවසීය.

04 March 2024

සිගරට් 160කට අසූදහක් දඩ

නීතීවිරෝධී ආකාරයෙන් ගෙන්වු සිගරට් 160ක් ලඟ තබාගැනීමේ චෝදනාවට වරද පිළිගත් පුද්ගලයකුට මාලිගාක්නද මහේස්ත්‍රාත් ලෝචනී අබේවික්‍රම වීරසිංහ මහත්මිය රුපියල් 80 000/-ක දඩයක් පැනවුවාය.

04 March 2024

සමන් රත්නායක අධිකරණයට රැගෙන එයි

රක්ෂිත බන්ධනාගාරගත කර සිටින සෞඛ්‍ය අමාත්‍යාංශයේ අතිරේක ලේකම් සමන් රත්නායක මීට සුළු වේලාවකට පෙර මාලිගාකන්ද අධිකරණය වෙත රැගෙන විත් තිබේ.

04 March 2024

සමන් රත්නායකගෙන් අද ප්‍රකාශයක්

බාල බෙහෙත් ජාවාරම පිළිබඳ සියළු තොරතුරු හෙළි කරමින් සෞඛ්‍ය අමාත්‍යංශයේ අතිරේක ලේකම් සමන් රත්නායක මහතා මාලිගාක්නද මහේස්ත්‍රාත් ලෝචනී අබේවික්‍රම වීරසිංහ මහත්මිය හමුවේ අද (04) රහස් පාපොච්චාරණයක් කිරීමට නියමිතය.

04 March 2024

රිය අනතුරින් ප්‍රංශ ජාතික මව-පියා දරුවා ඇතුළු 5කට තුවාලයි

දඹුල්ල හබරන ප්‍රධාන මාර්ගයේ පැල්වෙහෙර ප්‍රදේශයේදී අද(04) උදෑසන බස් රථයක් සහ මෝටර් රථයක් එකිනෙක ගැටීමෙන් මෝටර් රථයේ ගමන් කරමින් සිටි ප්‍රංශ ජාතික එකම පවුලේ මව පියා සහ පිරිමි දරුවෙකු මෝටර් රථ රියදුරු මෙන්ම බස් රථයේ ගමන් කරමින් සිටි මෙහෙණින් වහන්සේ නමක් තුවාල ලබා දඹුල්ල මූලික රෝහලට ඇතුළත් කළ බව දඹුල්ල පොලිසිය කියයි.

04 March 2024

ශ්‍රී ලංකා - බංග්ලාදේශ ක්‍රිකට් තරගය අද

ශ්‍රී ලංකාව සහ බංග්ලාදේශය අතර පළමු විස්සයි විස්ස ක්‍රිකට් තරගාවලිය බංග්ලාදේශයේදී අද (04) ආරම්භ වේ.

04 March 2024

මනුෂ්‍ය ඝාතන ගැන පොලිස්පතිගෙන් ප්‍රකාශයක්

මනුෂ්‍ය ඝාතන වැළැක්වීම සඳහා ගත හැකි ක්‍රියාමාර්ග පිළිබඳව මේ මාසයේදී වැඩි අවධානය යොමු කරන බව පොලිස්පති දේශබන්දු තෙන්නකෝන් මහතා පැවසීය.

04 March 2024

බඳින තුවක්කුව පත්තුවී ගොවියා මරුට

ගිරාදුරුකෝට්ට අලුත්තරම ප්‍රදේශයේ වන රක්ෂිතයක වනසතුන් දඩයම් කිරීම සදහා අටවා තිබූ බදින තුවක්කුවක් පත්තු වී බරපතළ තුවාල ලැබු පුද්ගලයකු මහියංගණ රෝහලට ඇතුළත් කිරීමෙන් පසුව මියගිය බව ගිරාදුරුකෝට්ට පොලිසිය පවසයි .

04 March 2024

වෙරළබඩ වෙඩි තැබීමේ සිද්ධියේ තවත් අයෙක් මාට්ටු

වෙරළබඩ නිව් හැම් චතුරස්‍රය වෙළඳසැලක් ඉදිරිපිටදී කුකුල් මස් ව්‍යාපාරිකයෙකුට වෙඩි තබා ඝාතනය කිරීමට තැත් කිරීමේ සිද්ධිය සම්බන්ධයෙන් ආධාර අනුබල දුන් පුද්ගලයෙක් බ්ලූ මැන්ඩල් ප්‍රදේශයේදී අත්අඩංගුවට ගත් බව කොළඹ අපරාධ කොට්ඨාසය කියයි.

04 March 2024

ජනපති මැතිවරණ මෙහෙයුම් කමිටුවක් පත් කරයි

ඉදිරි මැතිවරණ කටයුතු මෙහෙයවිය යුතු ආකාරය ගැන සාකච්ඡා කිරීම සඳහා ජනාධිපති රනිල් වික්‍රමසිංහ මහතා විසින් විශේෂ කමිටුවක් පත් කර තිබේ.

04 March 2024

දිස්ත්‍රික්ක කිහිපයකට වැසි

කළුතර, රත්නපුර, ගාල්ල සහ මාතර දිස්ත්‍රික්කවල සවස් කාලයේදී හෝ රාත්‍රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇතිවිය හැකි බව කාලගුණවිද්‍යා දෙපාර්තමේන්තුව කියයි.

04 March 2024

රැකියා පෙන්වා යුද්දෙට යවලා

කොළඹ , නුගේගොඩ ප්‍රදේශයේ පිහිටි රැකියා නියෝජිත ආයතනයක් , රුසියාවේ සහ එහි හමුදාවේ සිවිල් රැකියා සදහා ලබා දෙන බව පවසා , රුසියාවට යොමු කළ ශ්‍රී ලාංකිකයන් 17 දෙනෙකු , එරට හමුදා සේවයට බදවා ගැනීමට තැත් කිරීමේ ප්‍රයත්නයක් වළකා ගෙන , ඉන් මිදී අද(03) පස්වරුවේ කටුනායක ගුවන් තොටුපොළ වෙත පැමිණ සිටියහ .

03 March 2024