එසැණ පුවත්

බඹර ප්‍රහාරයකින් කැකිරාව පාසලක 35ක් රෝහලේ

පාසැල නිමවීමට ආසන්නව තිබියදී එල්ලවූ බඹර ප්‍රහාරයක් හේතුවෙන් කැකිරාව අධ්‍යාපන කලාපයට අයත් ඉහළ කාගම ප්‍රාථමික විද්‍යාලයේ සිසුන් හා ගුරුවරුන් ඇතුළු 35ක පමණ පිරිසක් ප්‍රතිකාර සදහා කැකිරාව දිසා රෝහලට ඇතුළත් කර තිබේ.

වරාය සමිති එකමුතුව උද්ඝෝෂණයක

නැගෙනහිර පර්යන්තය විකිණීමට හා වරාය විනාශ කරන මෑන් පවර්වලට එරෙහිව වරාය සමිති එකමුතුව සංවිධනය කරන ලද උද්ඝෝෂණයක් කොටුව කාන් ඔරලෝසු කණුවා ඉදිරිපිට පැවැත්විය.

මැලේසියාව සමග නිදහස් වෙළඳ ගිවිසුමක්

යෝජිත ශ්‍රී ලංකා මැලේසියා නිදහස් වෙළඳ ගිවිසුම සඳහා ඉදිරි සාකච්ඡා ඇරඹීමට කැබිනට් අනුමැතිය ලැබී ඇත.

පී එච් අයි ට පහරදුන් ආපනශාලා හිමිකරු අත්අඩංගුවට

මහනුවර මහ නගර සභාවේ මහජන සෞඛ්‍ය පරීක්ෂකවරයෙකුට සහ ප්‍රජා සෞඛ්‍ය සහායක වරයෙකුට පහර දුන් බව කියන මහනුවර දළදා වීදියේ රාත්‍රී ආපනශාලාවක හිමිකරු සහ තවත් පුද්ගලයෙකු පොලිසිය විසින් අත්අඩංගුවට ගෙන තිබේ .

හොරගොල්ලේ වෙඩි තැබීමට දෙන්නෙක් අල්ලයි

හොරගොල්ල වලව්ව ඉඩමට අනවසරයෙන් ඇතුළුවූ අයෙකුට වෙඩි වැදීම සම්බන්ධයෙන් ප්‍රශ්න කිරීම සඳහා එම ඉඩමේ මුරකරුවන් දෙදෙනෙකු හා ගිනි අවියක් අත්අඩංගුවට ගත් බව නිට්ටඹුව පොලිසිය කියයි.

විදුලි සැර වැදී සිසුවියක් මරුට

රෙදි මැසීමේ මෝටරයට සම්බන්ධ වයරයේ පේනුව කපා අනාරක්ෂිත අයුරින් විදුලි සම්බන්ධතාවයක් ලබා ගැනීමට උත්සාහ දැරූ 17 හැවිරිදි පාසල් සිසුවියක් විදුලි සැර වැදී මියගොස් ඇතැයි පිළියන්දල පොලිසිය කියයි.

පෙට්‍රල් නැව් තොග පහක් ගන්න කොන්ත්‍රාත්තුව දෙයි

පෙට්‍රල් 92 unl නැව් තොග පහක් මිලදී ගැනීම වෙනුවෙන් වූ දිගුකාලීන කොන්ත්‍රාත්තුව ප්‍රදානය කිරීම සඳහා කැබිනට් අනුමැතිය ලැබී ඇත.

සංචාරක වාහන ගේන රෙගුලාසි පාර්ලිමේන්තුවට

සංචාරක වාහන ගෙන්වන රෙගුලාසි පාර්ලිමේන්තුවට ඉදිරිපත් කිරීම සඳහා කැබිනට් අනුමැතිය ලැබී ඇත.

මැණික්-මුදල් කොල්ල කෑ කොස්තාපල් ඇතුළු තුනක් මාට්ටු

තංගල්ල ප්‍රදේශයේ මැණික් හා ස්වර්ණාභරණ ආයතනයක් බිද රුපියල් තුන්කෝටි හතළිස් හය ලක්ෂයක් වටිනා රන්බඩු, මැණික් සහ විදේශ මුදල් ළගතබා ගත් බව කියන නාරාහේන්පිට පොලිස් ස්ථානයට අනුයුක්ත කොස්තාපල්වරයකු ඇතුළු තිදෙනකු අත්අඩංගුවට ගත් බව තංගල්ල පොලිසිය පවසයි.

’’කුකුල්ලු’’ මට්ටු කරන්න නීතියක්

ලිංගික හිරිහැර සහ ලිංගික අඩන්තේට්ටම් තහනම් කිරීම සඳහා නෛතික විධිවිධාන ශක්තිමත් කිරීම පිණිස දණ්ඩ නීති සංග්‍රහය සංශෝධනය කිරීම සඳහා කැබිනට් අනුමැතිය ලැබී තිබේ.

මෛත්‍රීට එරෙහි වාරණය දිග් කරයි

ශ්‍රී ලංකා නිදහස් පක්ෂයේ උප සභාපති,ජාතික සංවිධායක හා භාණ්ඩාගාරිකගේ කටයුතුවලට බාධා කිරීම හා ඔවුන් එම ධූරවලින් ඉවත් කිරීම වළක්වමින් හිටපු ජනපති මෛත්‍රීපාල සිරිසේන මහතාට එරෙහිව කොළඹ දිසා අධිකරණය මගින් නිකුත් කර තිබූ වාරණය ජූලි 30 දක්වා යළි දීර්ඝ කිරීමට ප්‍රධාන දිසා විනිසුරු සඳුන් විතාන මහතා අද(12) නියෝග කළේය.

අලුත් ආගමන පනතක් එයි

නව ආගමන පනත් කෙටුම්පත පාර්ලිමේන්තුවට ඉදිරිපත් කිරීම සඳහා කැබිනට් අනුමැතිය ලැබී ඇත.

ආහාර විෂ වීමකින් සිසුන් 25ක් රෝහලේ

කහටගස්දිගිලිය ප්‍රාථමික විද්‍යාලයේ 3 ශ්‍රේණියේ පාසල් සිසුන් පිරිසක් අද (12) උදෑසන ආහාර විෂ වීමකින් කහටගස්දිගිලිය මූලික රෝහලට ඇතුළත් කර තිබේ.

රසායනික ද්‍රව්‍යක් විස වී 30 ක් රෝහලේ

පානදුර, නල්ලුරුව ප්‍රදේශයේ කර්මාන්තශාලාවක රසායනික ද්‍රව්‍යයක් විස වීමෙන් 30 දෙනෙකු පමණ රෝගාතුරව ඇති බව පානදුර උසස් පොලිස් නිලධාරියෙක් පැවසීය.

ඉදිරි ඡන්දයෙන් තීරණය වන්නේ රටේ ජය හෝ පරාජය

ඉදිරි ජනාධිපතිවරණය පෞද්ගලික ජයග්‍රහණ හෝ පරාජයට වඩා රටේ සාර්ථකත්වය හෝ අසාර්ථකත්වය තීරණය කරන බව ජනාධිපති රනිල් වික්‍රමසිංහ මහතා පැවසීය.

නැවතුම්පොළ කඩාගෙන බසය ධාවනය වී පහක් රෝහලේ

කොට්ටාව, මාකුඹුර අධිවේගී මාර්ග හුවමාරු බස් නැවතුම්පලේදී පෞද්ගලික බසයක් නැවතුම්පොළ කඩාගෙන ධාවනය වී අද(12) උදෑසන සිදු වූ අනතුරකින් පස් දෙනකු තුවාල ලබා රෝහල් ගත කළ බව පොලීසිය කියයි.

මුහුදුබඩ මාර්ගයේ දුම්රිය ප්‍රමාදයක්

සාගරිකා සීඝ්‍රගාමී දුම්රිය කළුතර කටුකුරුන්ද ප්‍රදේශයේ කාර්මික දෝෂයකට ලක්වීමෙන් මුහුදුබඩ දුම්රිය මාර්ගයේ දුම්රිය ප්‍රමාදයක් පවතින බව කළුතර දුම්රිය ප්‍රකාශකයෙක් පැවසීය .

අනවසර විදුලි රැහැනට තරුණයා බිලි

පොළොන්නරුව වැලිකන්ද නාමල්ගම ගම්මානයේ නිවසක සිට කුඹුරට අනවසරයෙන් ඇද තිබූ විදුලි රැහැනක පැටලී අවුරුදු 19 ක් වයසැති තරුණයකු මියගොස් ඇති බව වැලිකන්ද පොලිසිය කියයි.

බස්නාහිරට - සබරගමුවට අදත් තද වැස්ස

බස්නාහිර, සබරගමුව, සහ වයම පළාත්පලත් මහනුවර, නුවරඑළිය, ගාල්ල, සහ මාතර දිස්ත්‍රික්කවලත් විටින් විට වැසි ඇති වන බව කාලගුණ විද්‍යා දෙපාර්තමේන්තුව කියයි.

බලු මැක්කෝ සෙත්සිරිපායේ කොටසක් අල්ලති

බත්තරමුල්ල සෙත්සිරිපාය දෙවැනි අදියර ගොඩනැගිල්ලේ තට්ටු රැසකට මැක්කන් විශේෂයක් පැතිරීමෙන් එහි රාජ්‍ය ආයතනවල කටයුතුවලට ඊයේ (10) දැඩි බලපෑම් එල්ලවී තිබිණැයි වාර්තාවේ.

මාතලේ කඩවලට කුණු බද්දක්

මාතලේ මහ නගර සභාව එම නගර සභා බල ප්‍රදේශයේ ව්‍යාපාරික ආයතනවලින් කසළ බද්දක් අය කිරීමට චක්‍රලේඛයක් නිකුත් කර ඇත.

වතුර බේසමේ ගිලී සිඟිත්තෙක් මරුට

ඊශ්‍රායල් සිහිනය බොඳ කළ රෝහල් සේවිකාව මාට්ටු

ඊශ්‍රායලයේ රැකියාවලට යවන බව පවසා දිවයිනේ විවිධ ප්‍රදේශවල පදිංචි පනස් තුන් දෙනකු රවටා රුපියල් කෝටි 5 කට ආසන්න මුදලක් වංචා කළේ යැයි කියන රෝහල් සාත්තු සේවිකාවක් රහස් පොලිසියේ නිලධාරීන් කණ්ඩායමක් විසින් සැකපිට අත්අඩංගුවට ගනු ලැබුවාය.

බෝට්ටුවක් පෙරළී 49 ක් මරුට

අනවසර සංක්‍රමණිකයන් දෙසීයකට වැඩි පිරිසක් රැගත් කුඩා බෝට්ටුවක්, යේමනයට ඔබ්බෙන් මුහුදේ ගිලී යෑමෙන් 49 දෙනෙක් ජීවිතක්ෂයට පත්වූහ. 140 ක් අතුරුදන් වූහ.

යුරෝපා රටවල ඩෙංගු පැතිරෙනවා

යුරෝපා රටවල ඩෙංගු ව්‍යාප්තිය දිනෙන් දින ඉහළ යමින් පවතින බවත්, බටහිර රටවල මේ අයුරින් ඩෙංගු ව්‍යාප්තියක් දක්නට ලැබෙන්නේ ගෝලීය උණුසුම ඉහළ යෑමේ අනිසි ප්‍රතිඵලයක් ලෙස බවත් යුරෝපීය සෞඛ්‍ය බලධාරීහු බිය පළ කරති.

රුවන්පුර දිසාපති ශ්‍රේෂ්ඨාධිකරණයේදී මාධ්‍යවේදියට වැඳ සමාව ගනී

තොප්පියක් පැළඳ රත්නපුර මහ දිසාපති කාර්යාලයට ඇතුළුවුණැයි කියමින් මාධ්‍යවේදියකුට පහරදීමේ සිද්ධිය සම්බන්ධයෙන් රත්නපුර හිටපු මහ දිසාපති මාලනී ලොකුපෝතාගම මහත්මිය සහ රත්නපුර පොලිසියේ හිටපු ස්ථානාධිපතිවරයා ඇතුළු පිරිසක් ශ්‍රේෂ්ඨාධිකරණයේදී මාධ්‍යවේදියාට වැද අද (12) සමාව ගත්හ.

රූමස්සලින් මුහුදු ගිය ධීවරයින් දෙදෙනෙකු අතුරුදහන්

උණවටුන රූමස්සල මුහුදේ දී අද(11) පස්වරුවේ ධීවර යාත්‍රාවක් පෙරලී එහි සිටි ධීවරයින් දෙදෙනෙකු අතුරුදහන්ව ඇතැයි හබරාදුව පොලිසිය පවසයි.

ධීවරයේ ලොක්කන් හතරකට අමුතු බෙදිල්ලක්

උත්සව අත්තිකාරම් ලබාදිය යුත්තේ වසරකට එක් වරක් පමණක් වුවද ධීවර අමාත්‍යාංශයේ නිලධාරීන් සිවු දෙනෙකුට 2023 වර්ෂයේදී දෙවතාවක් උත්සව ලබාදී ඇතැයි ජාතික විගණන කාර්යාලය පවසයි.