එසැණ පුවත්

නාය යෑමෙන් නාවලපිටිය දුම්රිය මාර්ගයටත් හානි

නාවලපිටිය ගම්පොළ ප්‍රධාන මාර්ගයේ උලපනේ ගඩොල් බෝක්කු ආසලින් මාර්ගයට පස් කන්දක් කඩා වැටි එහි තිබු ලී මෝලක් සහ නිවාස කීපයක් පහළ දුම්රිය මාර්ගයට දක්වා අද (28) දින අලුයම නාය ගොස් ඇත.

ආපදා සහන දෙන්න බිලියන 1.2ක් වෙන් කරයි

ආපදා සහන සේවා කටයුතු සඳහා රුපියල් බිලියන 1.2 ක මුදලක් වෙන් කළ බව රජය පවසයි.

’’දිට්වා’’ අද උතුරට දුවයි

මඩකලපුව ප්‍රදේශය ආශ්‍රිතව පැවැති දිට්වා සුළි කුණාටුව ලංකාවේ උතුරු ප්‍රදේශයට බරව වයඹ දෙසට ගමන් කරන බව කාලගුණ විද්‍යා දෙපාර්තමේන්තුව පවසයි.

බදුල්ලට දැඩි හානි,බදුල්ල, මහියංගන රෝහල් යටවේ

දින කිහිපයක් තිස්සේ අඛණ්ඩව පවතින අයහපත් කාලගුණික තත්ත්වය සමඟ බදුල්ල දිස්ත්‍රික්කයේ සිදුවන දරුණු ආපදා තත්ත්වයන් අද 28 තවදුරටත් ඉහළ යමින් පවතින බවත් විවිධ ප්‍රදේශවලින් නායයාම් ගංවතුරට කොටුවී සිටින තැනැත්තන් වාර්තා වෙන බවත් බදුල්ල ආපදා කළමනාකරණ මධ්‍යස්ථානය පැවසීය.

වැස්සෙන් 56ක් මරුට

වර්ෂාව සහ ආපදා තත්ත්වය හේතුවෙන් මේ වන විට පුද්ගලයන් 56 දෙනකු මේ වන විට මියගොස් ඇතැයි ආපදා කළමනාකරණ මධ්‍යස්ථානය කියයි.

ජීවිත රකින්න හැම පියවරක්ම ගන්න

කොළඹටත් මහා ගංවතුර අනතුරු ඇඟවීම්

කැලණි ගංගා නිම්නයේ පහත් බිම් වලට මහා ගංවතුර තත්වයක් ඇතිවිය හැකි බව වාරිමාර්ග දෙපාර්තමේන්තුව අනතුරු අඟවයි.

විමලසුරේද්‍ර වාන් දමයි:කැළණි ගඟ ජලමට්ටම ඉහළට

නෝර්ටන්බ්‍රිජ් විමලසුරේන්ද්‍ර ජල පෝෂක ප්‍රදේශයට ඇදහැලෙන අධික වර්ෂාවත් සමග විමලසුරේන්ද්‍ර ජලාශය අද උදෑසන සිට වාන් දැමීමට පටන් ගෙන ඇතැයි වාරි ඉංජිනේරුවෝ පවසති.

පළාත් රැසකට අදත් මිලි මිටර් 200ක තද වැසි

මඩකළපුව ප්‍රදේශය ආශ්‍රිතව පැවැති දිට්වා සුළි කුණාටුව ත්‍රිකුණාමලය සිට කිලෝ මිටර් 50ක් දකුණු දෙසින් අක්ෂාංශ 8.1°N සහ දේශාංශ 81.2°E ආසන්නයේ කේන්ද්‍රගත වී ඇත.

රත්නපුරයටත් ගංවතුර තත්වයක්

කලු, වේ, දෙනවක්, හංගමු, කුරු යන රත්නපුරේ ප්‍රධාන ගංගා සියල්ල ජල මට්ටම් ඉහළ යමින් පවතින එම ගංගාවල ස්ථාපිත පූර්ව අනතුරු ඇගවීමේ පද්ධති දත්ත අනාවරණය කරයි.

හදිසි තත්වයක් ඇති වුවහොත් ගුවන් හමුදා සහය ගැනීමට සුදානම්

පවතින අවදානම් තත්වය හේතුවෙන් පුත්තලම දිස්ත්‍රික්කයේ ඉදිරි හදිසි මුදාගැනිම් සඳහා ගුවන් හමුදා හෙලිකෝප්ටර් යානා යොදා ගැනිමට සුදානමින් සිටින බව පුත්තලම දිස්ත්‍රික් ලේකම් වයි.අයි.එම්. සිල්වා මහතා 27 දින පැවසීය.

හෙට රජයේ කාර්යාලවලට නිවාඩු

පවතින හදිසි ආපදා තත්ත්වය නිසා රජයේ කාර්යාල සඳහා හෙට(28) විශේෂ නිවාඩු දිනයක් රජය ප්‍රකාශයට පත් කර ඇත.

අධිවේගී මාර්ගයේ ගමනා ගමනය නොමිලේ

පවතින අයහපත් කාලගුණය හේතුවෙන් අධිවේගී මාර්ග පද්ධතියේ සියලුම මාර්ගවල ධාවනය වන වාහන සඳහා ගාස්තු අය නොකරන බව මාර්ග සංවර්ධන අධිකාරියේ අධ්‍යක්ෂක ජනරාල් ඉංජිනේරු කේ ඩඩ්ලිව්. කණ්ඩම්බි මහතා පැවසීය.

ආපදාවෙන් මරණ 30යි : 21ක් අතුරුදන්

අධික වැසි, තද සුළං සහ ගස් කඩා වැටීම අකුණු අනතුරු සහ ජල ගැලීම් ඇතුලු දිවයිනට බලපා ඇති ආපදා තත්වය හේතුවෙන් පැය 24 ක් තුළ දිස්ත්‍රික්ක 5 ක මරණ 30 ක් සිදුවී තවත් 10 ක් තුවාල ලබා 21 ක් අතුරුදන් වී ඇතැයි ආපදා කළමනාකරණ මධ්‍යස්ථානය පවසයි.

’’තාත්තගෙ තත්ත්වය යහපත්’’

කොළඹ පෞද්ගලික රෝහලකට ඇතුළත් කරනු ලැබූ හිටපු ජනාධිපති මහින්ද රාජපක්ෂ මහතාගේ තත්ත්වය යහපත් බව පාර්ලිමේන්තු මන්ත්‍රී නාමල් රාජපක්ෂ මහතා පැවසීය. පවතින කාලගුණ තත්වය යටතේ ඕනෑම කෙනෙකුට උණ හෙම්බිරිස්සාවක් හැදෙන්න හැකි බවද නාමල් රාජපක්ෂ මහතා කීය.

ජනපති ආපදා කළමනාකරණ සභාව රැස් කරයි

වහාම ක්‍රියාත්මක වන පරිදි ජාතික ආපදා කළමනාකරණ සභාව කිරීමට ජනාධිපති අනුර කුමාර දිසානායක මහතා තීරණය කර තිබේ.

හොංකොන් මරණ තවත් ඉහළට

හොංකොං හි තායි පෝ දිස්ත්‍රික්කයේ උස් මහල් නිවාස සංකීර්ණයක ඇති වූ ගින්නෙන් මියගිය පුද්ගලයින් ගණන 55 දක්වා ඉහළ ගොස් ඇති බව එරට ගිනි නිවන දෙපාර්තමේන්තුව පවසයි.

‘‘දට්වා‘‘ නිසා තද සුළං සමග තද වැසි

ශ්‍රි ලංකාවට ගිනිකොණ දෙසින් පැවැති පීඩන අවපාතය මේ වන විට ගැඹුරු පීඩන අවපාතයක් දක්වා වර්ධනය වී මඩකළපුව සිට කිලෝ මීටර් 120ක් ගිනිකොන දෙසින් අක්ෂාංශ 6.7°N සහ දේශාංශ 82.1°E ආසන්නයේ කේන්ද්‍රගත වී ඇතැයි කාලගුණ විද්‍යා දෙපාර්තමේන්තුව දැනුම් දෙයි.

වැස්සෙන් අ‘පුරට බරපතල තත්වයක්

කලා වැවේ වාන් දොරටු දෙක අඩි 19 බැගින් විවෘත කිරීම හේතුවෙන් ඒ අසලින් දිවෙන කාපට් අතුරා මාර්ගයේ කොටස ෙ14වන කිලෝමීටර් කණුව අසලින් කැඩී ගොස් ඇතැයි ප්‍රදේශවාසීහු පවසති.

කටුගස්තොට පාර වැහේ

කටුගස්තොට අලවතුගොඩ මාර්ගයේ (ඒ 09) කටුගස්තොට පොලිසිය අසලින් පස් කන්දක් කඩා වැටීම හේතුවෙන් එම මාර්ගය සම්පූර්ණයෙන් අවහිර වී ඇති බව පොලිසිය කියයි.

පෙර පාසල් හෙට සිට නිවාඩු

පෙර පාසල් ඇතුළු සියලු මුල් ළමාවිය සංර්වධන මධ්‍යස්ථාන සඳහා හෙට (28) දින සිට නැවත කාලගුණ තත්ත්වය යථා තත්ත්වයට පත්වන තුරු නිවාඩු ලබා දෙන බව කාන්තා සහ ළමා කටයුතු අමාත්‍යාංශය පවසයි.

දෙමහල් ගොඩනැගිල්ලක වහලයේ සිරව සිටි තුනක් ගුවන් හමුදාවෙන් බේරා ගනී

පිටාර ගැලූ දැදුරුඔයේ ජලකඳට මැදිව මහව අල්ල ප්‍රදේශයේ දෙමහල් ගොඩනැගිල්ලක වහලය මත සිරවි සිටි තිදෙනකු බේරාගත් බව ශ්‍රී ලංකා ගුවන් හමුදාව කියයි.

’’පාර්ලිමේන්තුව වහලා මැති ඇමතිලා ගම්වලට යවන්න’’

පාර්ලිමේන්තුව කල් තියලා මැති ඇමතිවරුන් තම තමන්ගේ ප්‍රදේශවලට යොමු කර ජනතාවට සහායවීමට යොද වන්නැයි ශ්‍රී ලංකා පොදු ජන පෙරමුණේ ජාතික සංවිධායක පාර්ලිමේන්තු මන්ත්‍රී නීතිඥ නාමල් රාජපක්ෂ මහතා පාර්ලිමේන්තුවේදී ඊයේ (27) රජයෙන් ඉල්ලීමක් කළේය.

හිටපු ජනාධිපති මහින්ද රෝහල්ගත කරයි

හිටපු ජනාධිපති මහින්ද රාජපක්‍ෂ මහතා කොළඹ පෞද්ගලික රෝහලකට අද (27) පෙරවරුවේ ඇතුළත් කර තිබේ.

ආපදාවෙන් මිය ගිය අයකු වෙනුවෙන් ලක්ෂ දහයක

අධික වර්ෂාව සමග ඇති වූ ගංවතුර සහ නායයාම් ඇතුළු හදිසි ආපදා තත්ත්වය හේතුවෙන් මිය ගිය එක් අයෙකු වෙනුවෙන් රුපියල් ලක්ෂ 10 බැගින් ලබා දීමට ජනාධිපති අනුර කුමාර දිසානායක මහතා ජනාධිපති අරමුදලට උපදෙස් දී තිබේ.

පාර්ලිමේන්තු විවාද හෙට අනිද්දා නෑ

ආපදා තත්වය සැලකිල්ලට ගෙන පාර්ලිමේන්තුවේ අයවැය කාරක සභාව අවස්ථාවේ විවාද හෙට සහ අනිද්දා නොපැවැත්වීමට පාර්ලිමේන්තු කටයුතු පිළිබඳ කාරක සභාව තීරණය කර ඇත.

ආපදා දැනුම් දෙන්න ‘හොට් ලයින්’ එකක්

අයහපත් කාලගුණය හේතුවෙන් සිදුවන හදිසි තත්වයන් 117 අංකයට දැනුම් දෙන ලෙස ආපදා කළමනාකරණ මධ්‍යස්ථානය සියලු ජනතාවගෙන් ඉල්ලීමක් කරයි

හලාවත යටවීමේ අවධානමක්

දැදුරු ඔය ජලාශය වාන් දැමීම හේතුවෙන් අද (27) හෝ හෙට (28) හලාවත නගරය ජලයෙන් යටවීමේ අවධානමක් තිබෙන බව වාර්මාර්ග අධ්‍යක්ෂ ජනරාල් අජිත් ගුණසේකර මහතා පැවසීය.