(නිමන්ති රණසිංහ සහ ළහිරු හර්ෂණ )
 
හිටපු මුදල් අමාත්‍ය රවී කරුණානායක මහතා  ඇතුළු   පස්  දෙනකු  මීට සුළු මොහොතකට පෙර කොටුව මහෙස්ත්‍රාත්  අධිකරණයට පැමිණියේය.

මහබැංකු බැඳුම්කර වංචා  සිද්ධිය සම්බන්ධ සැකකරුවන් ලෙස  වරෙන්තු ලබා සිටින සැකකරුවන්ට අද සවස 4 ට  කොටුව අධිකරණයට පැමිණෙන්නැයි අභියාචනාධිකරණයෙන්  අද උදෑසන  නියෝග කෙරිණි.

ඒ අනුව , පර්පචුවල් ට්‍රෙෂරීස් සමාගම් සමූහයේ විධායක අධ්‍යක්ෂ අර්ජුන් ඇලෝෂිස්, එහි සභාපති ජෙෆ්රි ඇලෝසියස්, ප්‍රධාන විධායක නිලධාරී කසුන් පළිසේන,චිත්ත රංජන් හුළුගල්ල  යන පිරිස මේ වන විට නීතීඥයින්  සමග අධිකරණයට පැමිණ සිටිති.

 ( ළහිරු හර්ෂණ - ඡායාරූප)