විවරණ ලැබුණු තැන සනුහරයක් මැද්දේ
තිසරණ සරණ පරිචය නැතුවද ලද්දේ
විසිරුණ මතක මැද විසිරෙන්නැති සද්දේ
වියරණ බිඳුණු දෙබසකි ඔබ පිරිමැද්දේ

වසන්තෙට කලින් එරබදු පිපෙනකොට
ඇසක් ඇසක් පාසා රතු කඳුළු කැට 
බසක් ඇසක් වූයෙ ම කවියට අපට
වසක් විසක් නැති ඔය හඬ කරණකොට

තිස්තුන්කෝටියක් උන්නත් මුරකාමී
දෙයියෙක් කොහිද ඔය හද තරමට දෑමී
කැල්මෙන් දෙ ඇස් නලවන සිවගුරුසාමී
කොයියම් බසත් ඔබ ළඟ අවනතකාමී

- මංජුල වෙඩිවර්ධන 
2024 අගෝස්තු 28