2025 ජනවාරි මස 26 වන ඉරිදා
යොහාන් භාසුර
ශ්රී ලංකා වරාය අධිකාරියේ වර්තමාන කළමනාකාර අධ්යක්ෂවරයා ත්රිකුණාමලය වරායේ නේවාසික කළමනාකාරවරයා ලෙස කටයුතු කළ කාලයේ ජපානයෙන් ප්රදානය කළ නවීන අධිතාක්ෂණික නියමු යාත්රාවක් පෞද්ගලික විනෝද චාරිකාවක් සඳහා යොදාගැනීමෙන් රුපියල් ලක්ෂ 200කට අධික පාඩුවක් කර ඇති හෙයින් එම සිද්ධිය පිළිබඳව සාධාරණ පරීක්ෂණයක් පවත්වා රාජ්ය දේපළ අවභාවිත කිරීමට උපදෙස්දීම සහ අලාභහානි කිරීම යන චෝදනාවට නීතිය ක්රියාත්මක කරන ලෙස ඉල්ලමින් ත්රිකුණාමලය වරාය සේවක පිරිසක් අල්ලස් හෝ දූෂණ චෝදනා විමර්ශන කොමිෂන් සභාවට ලිඛිත පැමිණිල්ලක් කර තිබේ.
වරාය අධිකාරියේ හිටපු සභාපතිවරයෙකු වන හිටපු හමුදාපති ජෙනරාල් දයා රත්නායකගේ පුත්රයා සහභාගි වූ නැගෙනහිර මුහුදේ විනෝද චාරිකාවක් සඳහා අදාළ නවීණ අධිතාක්ෂණික නියමු යාත්රාව සපයා වරාය අධිකාරියේ වර්තමාන කළමනාකාර අධ්යක්ෂවරයා එම චාරිකාවට නායකත්වය සපයා ඇති බව ද එම පැමිණිල්ලේ සඳහන් වේ.
හිටපු සභාපතිවරයාගේ පැසසුම් බලාපොරොත්තුවෙන් වරාය අධිකාරියේ වර්තමාන කළමනාකාර අධ්යක්ෂවරයා සංවිධානය කළ එම විනෝද චාරිකාවේදී එම යාත්රාවේ රාජකාරියට නියමිත නිලධාරීන් දෙදෙනා වෙනුවට පළපුරුද්ද අඩු පුද්ගලයකු යාත්රාව පැදවීමට නීත්යනුකූල නොවන ලෙස යොදවා ඇති බවත් එම නිලධාරියාගේ පළපුරුද්ද අඩුවීම හේතුවෙන් යාත්රාව මාබල් බීච් ප්රදේශයේදී ගල්පරයක හැපී අනතුරට පත්වූ බවත් එහි සඳහන් වේ.
සැපයුම් කොට්ඨාසයේ මිලදී ගැනීමේ වාර්තා අනුව රුපියල් මිලියන 20 ක් හෙවත් රැපියල් කෝටි දෙකකට අධික මුදලක් යාත්රාව අලුත්වැඩියා කිරීමට අමතර කොටස් මිලදී ගැනීමට වැයවී ඇති බවත් එවැනි දැවැන්ත මුදලක් වැයකර එම යාත්රාව අලුත්වැඩියා කළ ද යාත්රාව භාවිතයට ගත නොහැකි තත්ත්වයට පත්ව ඇති බවත් අල්ලස් හෝ දූෂණ චෝදනා විමර්ශන කොමිෂන් සභාවට කළ පැමිණිල්ලේ සඳහන් වේ.
මෙම සිද්ධිය සම්බන්ධයෙන් කිසිදු ලොග් සටහනක් හෝ ලිඛිත සාක්ෂි නොතැබූ වරාය අධිකාරියේ වර්තමාන කළමනාකාර අධ්යක්ෂවරයා බලය පාවිච්චි කර සිද්ධිය යට ගැසූ බව ද එම පැමිණිල්ලේ සඳහන් වේ.
මෙම යාත්රාව නැවත වරක් අලුත්වැඩියා කිරීමට නාවික හමුදාව වෙත පැවරීමේ සූදානමක් පවතින බව කියන වරාය සේවකයෝ වරාය අධිකාරියේ දක්ෂ ඉංජිනේරුවන් සිටියදී එහි පිරිවැය පිළිබඳ තොරතුරු හෙළිවීම වැළැක්වීම සඳහා නාවික හමුදාවට අලුත්වැඩියාව පවරන බව සඳහන් කරති. මෙම අපරාධය පිළිබඳව වරාය අධිකාරියේ සේවකයන් කීපවරක්ම පැමිණිලි කළ ද වරාය අධිකාරියේ වර්තමාන කළමනාකාර අධ්යක්ෂවරයා පවතින සෑම ආණ්ඩුවකම මැති ඇමතිවරුන් පසුපසින් යමින් සිද්ධිය යටපත් කළ බව ද එම පැමිණිල්ලේ වැඩිදුරටත් සඳහන් වේ.
ඩිජිටල් හැඳුනුම්පත සකස් කිරීමට අවශ්ය තාක්ෂණික සහාය ඉන්දියානු සමාගමකින් ලබා ගත්ත ද එයින් මෙරට පුරවැසියන්ගේ දත්ත කිසි ලෙසකත් එම සමාගමට ලබා ගත නොහැකි
ඩිජිටල් හැඳුනුම්පත් නිකුත් කිරීමේ ව්යාපෘතිය සඳහා ඉන්දියාව මුදලින් අධාර කරන්නේ එම ව්යාපෘතිය ඔස්සේ මෙරට පුරවැසියන්ගේ දත්ත ඔවුන්ට ලබා ගැනීම වෙනුවෙන
මෙරටට හිමි වූ විශාලතම සෘජු විදේශ ආයෝජනය වාර්තා කරමින් බලශක්ති අමාත්යාංශය, චීනයේ ප්රමුඛ පෙළේ ඛනිජ තෙල් සමාගමක් වන සයිනොපෙක් සමාගම සමග ගිවිසුම් ගතවී
දුම්රිය දෙපාර්තමේන්තුව දුම්රිය හරස් මාර්ග ආරක්ෂණ පද්ධති නිසි පරිදි ස්ථාපනය නොකිරීම සහ නඩත්තු නොකිරීම හේතුවෙන් දිවයින පුරා විවිධ දුම්රිය අනතුරු 1501ක
මහ කන්නයේ මිලදී ගනු ලබන වී අස්වනු ගබඩා කිරීම සඳහා වී අලෙවි මණ්ඩලය සතුව ලක්ෂ දෙකකට වැඩි ධාරිතාවක් සහිත වී ගබඩා පවතින බවත්, සතොස සතුව පවතින හැට දහසක ධාරිත
වසර 2021 සිට 2023 දක්වා ගත වූ අවුරුදු තුනක කාලයේදී ඒක පුද්ගල ණය ප්රමාණය, ඒක පුද්ගල ආදායම් මට්ටම ඉක්මවා ගොස් ඇති බව පේරාදෙණිය විශ්වවිද්යාලයේ මානව ශාස්ත්ර
මෙවර උසස් පෙළ අවසන් කළ සිසුන්ට නිවැරදි මග පෙන්වීමක් ඇතිව තම අනාගතය සැලසුම් කිරීමට අවස්ථාව ලබාදෙමින් මෙරට ප්රමුඛතම විශ්වවිද්යාලයක් වන NSBM
2025 ජනවාරි මස 08
555
0
NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්රදර්ශනය අති සාර්ථක ලෙස ඉකුත් සතිඅන්තයේ විශ්වවිද්යාල පරිශ්රයේදී පැවැත්විණි.
2024 දෙසැම්බර් මස 24
653
2
අසිරිමත් නත්තල් සිරියෙන් රටම ආලෝකමත් වූ මොහොතේ මෙරට ප්රමුඛතම ජංගම දුරකථන සේවා සම්පාදන සමාගමක් වන HUTCH විසින් ශ්රී ලංකාවේ උසම නත්තල් කුළුණ නිර්මාණය කළ
වරායේ ලොක්කෙකුට එරෙහිව අල්ලස් කොමිසමට පැමිණිල්ලක්