(හිරාන් ප්‍රියංකර ජයසිංහ)
 
මීගමුව ලංගම ඩිපෝවේ බස් රථ රියදුරෙකුට කොරෝනා ආසාදනය වීමෙන් පවුල් තුනක 14 දෙනෙකු නිරෝධායනයට යොමුකළ බව පුත්තලම පරිපාලන මහජන සෞඛ්‍ය පරීක්ෂක එන්.සුරේෂ් මහතා අද(12) පැවසීය.
 
ඔහු පුත්තලම උත්තර අට්ටවිල්ලුව පදිංචි අයකු බව සෞඛ්‍ය අංශ පවසයි.

අදාල ආසාදිත රියදුරා ජෛව පටල සාම්පල පරීක්ෂාවට ලක්කිරීමෙන් පසු නිවසට පැමිණ සිටියදී ප්‍රතිඵල නිකුත්වීමෙන් පසු ඔහු ආසාදිතයකු  බව සනාථ වී තිබේ.
 
නිරෝධායනයට ලක් කළ 14 දෙනා අතර සිටින තවත් දරුවන් දෙදෙනෙකු ඉගෙනුම ලබන පාසලේ පංතියේ දරුවන් 15 දෙනෙකු පාසල් පැමිණීම නතර කර, පංති කාමරය වසා දැමීමට පියවර ගත් බවද සෞඛ්‍ය අංශ පවසයි.
 
ආසාධිත රියදුරු කොවිඩ් ප්‍රතිකාර මධ්‍යස්ථානයක් වෙත රැගෙන යාමට කටයුතු කරන බව මහජන සෞඛ්‍ය පරීක්ෂකවරු පවසති.