(එෆ්.අස්ලම්)
ත්රස්තවාදයට ආධාර අනුබල ලබාදීමේ චෝදනා එල්ල වන අමාත්ය රිෂාඩ් බදියුදීන් සහ ආණ්ඩුකාරවරුන් දෙදෙනා වහාම සිය ධූරවලින් ඉල්ලා අස්විය යුතු යැයි ඊ.පී.ආර්.එල්.එෆ්.පක්ෂයේ මහලේකම් පාර්ලිමේන්තු මන්ත්රී සිවශක්ති ආනන්දන් මහතා පවසයි.
එමෙන්ම ජනාධිපති මෛත්රීපාල සිරිසේන සහ අග්රාමාත්ය රනිල් වික්රමසිංහ යන මහත්වරුන් මොවුන් තිදෙනා ධූරවලින් ඉවත් කිරීමට කඩිනමින් පියවර ගත යුතු බවද හෙතෙම කීය.
අමාත්ය රිෂාඩ් බදියුදීන් මහතාට එරෙහිව ඒකාබද්ධ විපක්ෂය විසින් බාර දී ඇති විශ්වාසභංගය සම්බන්ධයෙන් දෙමළ ජාතික සන්ධානය නියෝජනය කරමින් ඉන් ඉවත්ව ගිය ඊ.පී.ආර්.එල්.එෆ්.පක්ෂයේ ස්ථාවරය පිළිබඳ කරන ලද විමසුමකදී ආනන්දන් මහතා මේ බව කියා සිටියේය.
වැඩිදුරටත් අදහස් දැක්වූ ආනන්දන් මහතා මෙසේද කීය.
"පාස්කු ඉරිදා අයි.එස් ත්රස්තයින් විසින් එල්ල කළ ප්රහාරයත් සමඟ සිදුකරනු ලැබූ විමර්ශනවලදී කර්මාන්ත හා වාණිජ අමත්ය රිෂාඩ් බදියුදීන්, නැගෙනහිර ආණ්ඩුකාරවර හිස්බුල්ලා සහ බස්නාහිර ආණ්ඩුකාරවර අසාද් සාලි යන තිදෙනාටම චෝදනා එල්ල වුණා.ඒ පිළිබඳ පුළුල් විමර්ශන සිදුවිය යුතුයි.
මේ තිදෙනාම අමාත්යධූරයක සහ ආණ්ඩුකාරධූර දෙකක සිටින නිසා අපක්ෂපාතී විමර්ශනයක් සිදුකරන්න බැහැ කියන එක තමයි අපේ ස්ථාවරය සහ අදහස.
මෙනිසා රටේ ඇති වී තිබෙන විරෝධය සැලකිල්ලට අරගෙන මේ තිදෙනාම සිය තනතුරුවලින් ඉල්ලා අස්විය යුතුයි. ඒ සම්බන්ධයෙන් සිදුකරන විමර්ශනවලදී සිය නිර්දෝෂීභාවය ඔප්පු කර නැවතත් තනතුරු බාර ගත යුතුයි.
එල්.ටී.ටී.ඊ ය සම්බන්ධයෙන් කරන ලද ප්රකාශයක් නිසා ඇතිවූ විරෝධයේදී විජයකලා මහේෂ්වරන් මහත්මිය ඇය විසින් දැරූ වනිතා කටයුතු රාජ්ය ඇමතිකම අත්හැරියා.
ඒ වගේම විමර්ශන සිදුකරන තෙක් ධූරයෙන් ඉල්ලා අස්වෙන්න කියල අගමැති රනිල් වික්රමසිංහත් උපදෙස් දුන්නා. නමුත් රිෂාඩ් බදියුදීන් අමාත්යවරයාට එවන් උපදේශයක් අගමැතිවරයාගෙන් හෝ ජනාධිපතිවරයාගෙන් ලැබී නැහැ.
මෙනිසා මේ චෝදනා පිළිබඳ පුළුල් විමර්ශනයක් සිදුකර යුතුයි.ඒ විමර්ශන වලට සහාය දැක්වීමක් වශයෙන් රිෂාඩ් බදියුදීන් හිස්බුල්ලා සහ අසාද් සාලි කියන මේ තුන්දෙනාම ඉල්ලා අස්විය් යුතුයි.
එමෙන්ම තමන් ඉල්ලා අස්වන්නේ ජනපති හෝ අගමැති කීව හොත් පමණයි කියා රිෂාඩ් බදියුදීන් අමාත්යවරයා ප්රකාශ කර තිබුණා. ජනාධිපතිවරයා හා අගමැතිවරයා දැන්වත් රිෂාඩ් අමාත්යවරායට ඉල්ලා අස්වන්නැයි උපදෙස් දිය යුතුයි.ඒ වගේම මේ පිළිබඳ පුළුල් විමර්ශනයක් සිදුකිරීමෙන් අනතුරුව විශ්වාසභංග යෝජනාවක් පාර්ලිමේන්තුවට ඉදිරිපත් කළ යුතුයි" යැයිද ආනන්දන් මහතා කීය.
“මේ රට විනාශ කරපු මේ රට හිඟන තත්වයට ඇද දැමු දූෂිත පාලකයන් යටතේ පවත්වන අවසන් මැයි දින රැලිය මෙයයි. දූෂිතයන් යටතේ තවත් එක මැයි දිනයක්වත් මේ රටේ පැවැත්වෙන්
එළඹෙන ජනාධිපතිවරයෙන් ජය ලබන්නේ ශ්රී ලංකා පොදුජන පෙරමුණේ ආශිර්වාදය තියෙන අපේක්ෂාකයා. ජය ලබන ජනාධිපති අපේක්ෂකයා සිටින ශ්රී ලංකා පොදුජන පෙරමුණ සමඟ
ජනතාව සිටින්නේ ශ්රී ලංකා නිදහස් පක්ෂය සමග බව අද පැවති මැයි දින රැළියේදී සහතිකයක් ලැබුණා. ඉදිරි මැතිවරණය ජයග්රහණය කිරීම සඳහා පුළුල් සංවිධානයක් ඇති
අසීරුවෙන් ආරක්ෂා කරගත් රටේ ආර්ථිකය තවදුරටත් ගොඩනැගීම සඳහා ජනතාව ගැන සිතා ආණ්ඩුව සමඟ ගිවිසුමකට එන්නැයි සජබ ,ජනතා විමුක්ති පෙරමුණ ඇතුළු සියලු පක්ෂවලට
මෙරට තරුණ තරුණියන් අපේක්ෂා කරන ශ්රී ලංකාව නිර්මාණය කළ හැකි බවට දැඩි විශ්වාසයක් තමා තුළ පවතින බව ජනාධිපති රනිල් වික්රමසිංහ මහතා පැවසීය.
සමඟි ජන බලවේගයේ නායක සහ විපක්ෂ නායක සජිත් ප්රේමදාස මහතාට විවාදයකට සහභාගි වන ලෙස පළමුවෙන්ම අභියෝග කළේ ජාතික ජන බලවේගයේ නායක අනුර කුමාර දිසානායක මහතා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
බදියුදීන් - හිස්බුල්ලා - අසාද් සාලි ඉල්ලා අස්විය යුතුයි