(පුෂ්පකුමාර මල්ලවආරච්චි)
ගතවූ වසර හතරහමාරක් තිස්සේ මේ තරම් පන්සල්වලට උදව් කළ යුගයක් නොතිබූ බවත්, එම සේවාවන් තමන් කිසිවිටෙක දේශපාලන වශයෙන් අලෙවි කළේ නැති බවත්, නිවාස ඉදිකිරීම් හා සංස්කෘතික ඇමති එක්සත් ජාතික පක්ෂයේ නියෝජ්ය නායක සජිත් පේ්රමදාස මහතා අද(10) මීරිගමදී පැවසීය.
සසුනට අරුණ වැඩසටහන යටතේ මීරිගම මැතිවරණ කොට්ඨාසයේ ලෝලූවාගොඩ ශී්ර විජයරාජාරාමයේ ඉදිකෙරන චෛත්යයට මුල් ගල තැබීමේ උත්සවයේදී අදහස් දක්වමින් ඇමතිවරයා මේ බව ප්රකාශ කළේය.
කතානායක කරු ජයසූරිය මහතාගේ හා එම්.කේ ජයසූරිය මහතාගේ සම්බන්ධිකරණයෙන් හිටපු බස්නාහිර පළාත් සභා මන්තී්ර එක්සත් ජාතික පක්ෂයේ මීරිගම ආසන සංවිධායක උදේන විජේරත්න මහතාගේ මැදිහත්වීම මත මෙම චෛත්යය ඉදිකෙරිණි.
එහිදී සජිත් පේ්රමදාස මහතා මෙසේද පැවසීය.
“බෞද්ධාගමට ප්රමුඛස්ථානය ලබාදීම ගැන උදේ හවස අපට ඇහෙනවා. එහෙම කියද්දී ඉරිදාට පන්සල්වල ගස් යට ඉදගෙන ළමයි දහම් අධ්යාපනය ලබනවා. සම්පත් අඩුකමින් දිවයිනේ පන්සල් වැසී යනවා. බුද්ධාගම සුරක්ෂා කරන වගන්තිය රැකගන්න ඕනෑ කියලා සාකච්ඡා පවත්වනවා. පන්සල් පද්ධතියේ ධර්ම ශාලා සංඝාවාස, ධාතු මන්දිර, දහම් පාසල් ආදිය නැහැ. තරගෙට කරුණු ඉදිරිපත් කරන මේ යුගයේ තරු පහේ හතේ හෝටල්වල ඒ සදහා ධනස්කන්ධයක් වියදම් කරමින් බුද්ධාගම අනතුරේ කියනවා. තමන්ගේ අනාගතය ගැන තණ්හාව නිසා මේ අය මෙහෙම කියනවා. ඔවුනට අසීමිත බලයක් තිබුණා. රාජ්ය මැදිහත්වීමෙන් දහම් පාසල්, චෛත්යය ඉදිකලාද? පන්සල් අඩුපාඩු ගැන බැලූවාද?
මේ නිසා තමන්ගේ අසීමිත ආශාවන් කෑදරකම් පෝෂණය කරන්න ගියාම සසුන අනතුරේ, පිරිහෙනවාආදි වශයෙන් ජනතා මනස විකෘති කරන අදහස් අද අහන්න ලැබෙනවා. නමුත් අපි මේ ආකාරයට ශාසනයට සේවාවක් කරද්දී බුද්ධ ශාසනය අනතුරේ කියා කියන්න පුලූවන්ද? මේ වනවිට ගස් යට පවත්වන දහම් අධ්යාපනය නැති කරන්න අවශ්ය පියවර අරගෙන තියෙනවා. රුපියල් ලක්ෂ 40 බැගින් වෙන් කර දහම් පාසල් 300 ක් ඉදි කරන්න සූදානම්. ඔය කියන අයගේ කාලයේ මෙහෙම වුනාද?
ශාසනයේ දියුණුවට ඇසට පෙනෙන හදට දැනෙන වැඩසටහන් කරනවා විනා කයිවාරුකම ප්රධාන කරගෙන කතා කිරීමෙන් සසුනට රටට ජනතාවට පලක් නැහැ. අද හැමෝම නවවැනි වගන්තිය ගැන කතා කරනවා. එහි ඇති ප්රතිපාදන කි්රයාවට පරිවර්තනය වෙනවාද? කයිවාරු බෞද්ධකම අතහැර ප්රායෝගික බෞද්ධයින් වෙන්න ඕනෑ.
වසර හතර හමාරක් තිස්සේ මේ තරම් පන්සල්වලට උදව් කළ යුගයක් තිබිලා නැහැ. අපි කරපු දේවල් දේශපාලන වශයෙන් අලෙවි කළේ නැහැ. දේශපාලන වශයෙන් අලෙවි කළොත් විතරද බුද්ධාගම රැකෙන්නේ කියා රටක් හැටියට අපි ප්රශ්න කරන්න ඕනෑ. මගේ පියාගේ දර්ශනය අනුගමනය කරමින් ප්රායෝගික බෞද්ධයකු වශයෙන් සියලූ අවශ්යතා සපුරන්නට මම ඇප කැප වෙනවා.”
ගම්පහ දිසාපති සුනිල් ජයලත් සහ හිටපු පළාත් සභා මන්ති්ර උදේන විජේරත්ත විහාරස්ථ චෛත්යප්රතිස්ඨාපන කමිටුවේ සභාපති තිලකරත්න අතුකෝරල යන මහත්වරු ද අදහස් දැක්වූහ.
ඉඩම් හා පාර්ලිමේන්තු කටයුතු නියෝජ්ය ඇමති එඩ්වඩ් ගුණසේකර, පාර්ලිමේන්තු මන්තී්රවරුන් වන කාවින්ද ජයවර්ධන, හර්ෂණ රාජකරුණා, හිටපු පළාත් සබා මන්ත්රීවරුන් වන ආචාර්ය කිත්සිරි මංචනායක, ශිරන්ත අමරසේකර, මීරිගම ප්රාදේශීය ලේකම් ඉන්දික සිල්වා, යන මහත්වරු ද ප්රදේශයේ පළාත් පාලන නියෝජිතවරුද මේ අවස්ථාවට එක්ව සිටියහ.
“මේ රට විනාශ කරපු මේ රට හිඟන තත්වයට ඇද දැමු දූෂිත පාලකයන් යටතේ පවත්වන අවසන් මැයි දින රැලිය මෙයයි. දූෂිතයන් යටතේ තවත් එක මැයි දිනයක්වත් මේ රටේ පැවැත්වෙන්
එළඹෙන ජනාධිපතිවරයෙන් ජය ලබන්නේ ශ්රී ලංකා පොදුජන පෙරමුණේ ආශිර්වාදය තියෙන අපේක්ෂාකයා. ජය ලබන ජනාධිපති අපේක්ෂකයා සිටින ශ්රී ලංකා පොදුජන පෙරමුණ සමඟ
ජනතාව සිටින්නේ ශ්රී ලංකා නිදහස් පක්ෂය සමග බව අද පැවති මැයි දින රැළියේදී සහතිකයක් ලැබුණා. ඉදිරි මැතිවරණය ජයග්රහණය කිරීම සඳහා පුළුල් සංවිධානයක් ඇති
අසීරුවෙන් ආරක්ෂා කරගත් රටේ ආර්ථිකය තවදුරටත් ගොඩනැගීම සඳහා ජනතාව ගැන සිතා ආණ්ඩුව සමඟ ගිවිසුමකට එන්නැයි සජබ ,ජනතා විමුක්ති පෙරමුණ ඇතුළු සියලු පක්ෂවලට
මෙරට තරුණ තරුණියන් අපේක්ෂා කරන ශ්රී ලංකාව නිර්මාණය කළ හැකි බවට දැඩි විශ්වාසයක් තමා තුළ පවතින බව ජනාධිපති රනිල් වික්රමසිංහ මහතා පැවසීය.
සමඟි ජන බලවේගයේ නායක සහ විපක්ෂ නායක සජිත් ප්රේමදාස මහතාට විවාදයකට සහභාගි වන ලෙස පළමුවෙන්ම අභියෝග කළේ ජාතික ජන බලවේගයේ නායක අනුර කුමාර දිසානායක මහතා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘බුදුදහමට කළ සේවය කිසිදා දේශපාලනිකව අලෙවි කළේ නැහැ’