(අංජුල මහික වීරරත්න)

මෙම වසරේ පැවැත්වෙන ඕනෑම මැතිවරණයකට මුහුණදීම සඳහා සිරිකොත එක්සත් ජාතික පක්ෂ මූලස්ථානය බලගැන්වීම මේ සතියේ සිට ආරම්භ කරන බව පක්ෂ මහලේකම් අධ්‍යාපන අමාත්‍ය අකිල විරාජ් කාරියවසම් මහතා පැවැසීය.

එක්සත් ජාතික පක්ෂ නායක අගමැති රනිල් වික්‍රමසිංහ මහතා දුන් උපදෙස් අනුව පක්ෂ මහලේකම් අධ්‍යාපන ඇමති අකිල විරාජ් කාරියවසම් මහතාගේ මෙහෙයවීමෙන් සිරිකොත පක්ෂ මූලස්ථානය ඕනෑම ඡන්දයක් සඳහා මෙහෙයවීමට නියමිතවේ.

සිරිකොත වැඩ අරඹයි” යන තේමාව යටතෙ පටන් ගැනෙන ඡන්ද ව්‍යාපාරය සඳහා එක්සත් ජාතික පක්ෂ ජාතික සංවිධායක අමාත්‍ය නවීන් දිසානායක මහතාද පූර්ණ කාලීනව සම්බන්ධ කර ගැනීමට තීරණය වී පවතියි.

සතියක විදේශ සංචාරයකින් පසු දිවයිනට පැමිණෙන වැවිලි කර්මාන්ත ඇමති නවීන් දිසානායක මහතා සමඟ ඡන්ද පොල හා ආසන මට්ටමින් සම්මන්ත්‍රණ මාලාවක් ආරම්භ කිරීමට ද මහලේකම් අකිල විරාජ් කාරියවසම් මහතා සැලසුම් කර පවතියි.