IMG-LOGO

2025 සැප්තැම්බර් මස 18 වන බ්‍රහස්පතින්දා


හිටපු මහ ඇමැති මහදිවුල්වැව අභාවප්‍රාප්ත වේ

උතුරුමැද පළාත් සභාවේ හිටපු ඇමැතිවරයකු වූ නීතිඥ ඩී.පී.බී. මහදිවුල්වැව ( අශෝක මහදිවුල්වැව) මහතා  අභාවප්‍රාප්ත විය.

අභාවප්‍රාප්ත වනවිට ඒ මහතා 97 වැනි වියේ පසු වූ අතර ටික කාලයක් රෝගාතුරව සිටියේය. හෙතෙම සිවු දරු පියෙකි.

ජේ.ආර්.ජයවර්ධන මහතා ජනාධිපති ලෙස සිටියදී ක්‍රියාත්මක කළ දිස්ත්‍රික් සංවර්ධන සභා ක්‍රමය යටතේ ඔහු අනුරාධපුර දිස්ත්‍රික් සංවර්ධන සභාවේ සභාපති ලෙස ද වැඩි ඡන්දයෙන් තේරී පත්විය.

ඉන්පසු 1988 දී මුල්වරට පිහිටුවන ලද (එක්සත් ජාතික පක්ෂයට බලය හිමි වු) උතුරුමැද පළාත් සභාවේ කෘෂිකර්ම , නිවාස ඉදිකිරීම් , යෞවන කටයුතු හා ක්‍රීඩා අමාත්‍යවරයා ලෙස පත් විය. ඒ ජී.ඩී.මහින්දසෝම මහතා උතුරුමැද මහ ඇමැති ලෙස සිටි (1988-1993) කාලසීමාවේ ය. අවස්ථා කිහිපයක දී වැඩබලන මහඇමැති ලෙස ද ඔහු කටයුතු කර ඇත.

ලංකා විශ්ව විද්‍යාලයේ නීති පීඨයෙන් උසස් අධ්‍යාපනයට වරම් ලබා ඇති මහදිවුල්වැව මහතා 1952 වසරේ දී නීතිඥ වෘත්තීයට පිවිස ඇත. 1994 වසරේ දී පිහිටුවන ලද උතුරුමැද නීති ආධාර කොමිෂන් සභාවේ ප්‍රධානී ලෙස සාමාන්‍ය ජනතාව වෙනුවෙන් අධිකරණය හමුවේ විභාග කළ විවිධ නඩු සඳහාම නොමිලේ පෙනී සිටිමින් ඔවුනට ඉමහත් සේවාවක් කළේය. එම සේවා කාලය වසර 25 කට වැඩිය. එමෙන්ම වෙනත් සමාජසේවා කටයුතු රැසක දී අනුරාධපුරයේ සාමාන්‍ය ජනතාවට බොහෝ උපකාර කළ සුධාරකයකු ද වූයේය.

අවමංගල්‍ය කටයුතු අනුරාධපුර නිසල නිම්නය පොදු සුසාන භූමියේ දි මෙම අද 28 වැනිදා- පස්වරු 3.00 සිදුකිරීමට කටයුතු යොදා තිබේ.

 



අදහස් - (0)

හිටපු මහ ඇමැති මහදිවුල්වැව අභාවප්‍රාප්ත වේ

ඔබේ අදහස් එවන්න

අවමංගල්‍ය දැන්වීම්

බෙනඩික්ට් ජෝසප් ප්‍රනාන්දු පියතුමාණෝ ස්වර්ගස්ථ වෙති
2025 සැප්තැම්බර් මස 12 137 0

ශ්‍රී ලංකා කතෝලික සභාවේ හිටපු ජනසන්නිවේදන අධ්‍යක්ෂ, බෙනඩික්ට් ජෝසප් ප්‍රනාන්දු පියතුමාණෝ ස්වර්ගස්ථ වූහ.


හිටපු කොළඹ රදගුරු කෙනත් ප්‍රනාන්දු පියතුමෝ ස්වගර්ස්ථ වෙති
2025 සැප්තැම්බර් මස 04 1870 0

කෙනත් ප්‍රනාන්දු හිටපු කොළඹ රදගුරුතුමෝ ස්වගර්ස්ථ වූහ.


ජාඇල හිටපු නගරාධිපති සමුගනී
2025 ජුලි මස 29 413 0

ජා-ඇල නගර සභාවේ හිටපු නගරාධිපතිවරයකු වු එල්.ජෝශප් එඩ්මන්ඩ් රණවීර ප්‍රනාන්දු මහතා පෙරේදා (28) අභාවප්‍රාප්ත විය.


වරකාවැහැර ධම්මපාල නා හිමියෝ අපවත් වෙති
2025 ජුලි මස 06 163 0

බාදුරාගොඩ වත්තෙමුල්ල ශ්‍රී ශාසනෝදය භාවනා මධ්‍යස්ථානාධිපති, අනුරාධපුරය භික්ෂු විශ්ව විද්‍යාලයේ හිටපු ජ්‍යෙෂ්ඨ කථිකාචාර්ය, ශ්‍රී ලංකා රාමඤ්ඤ මහා නික


මහින්ද නිශ්ශංක දිවිසැරිය නිමවයි
2025 ජුලි මස 02 1395 1

ලංකාදීප මාධ්‍යවේදී මහින්දරත්න නිශ්ශංක මහතා හදිසියේ අද පෙරවරුවේ අභාවප‍්‍රප්ත විය.


ගාමිණී ලොකුගේ අභාවප්‍රාප්ත වෙයි
2025 ජුනි මස 30 4260 17

හිටපු අමාත්‍යවරයෙක් සහ ජ්‍යෙෂ්ඨ දේශපාලඥයෙක් වන ගාමිණී ලොකුගේ මහතා අද (30) රාත්‍රී අභාවප්‍රාප්ත විය.


Our Group Site